Afar qof ayaa ku dhaawacantay kadib qarax qabsaday mid ka mid ah gaadiidka ay adeegsadaan Ilaalada UN-ka, kaasi oo ku qarxay goob baabuurta lagu xareeyo.
Talihaha qeybta guud ee booliska Gobolka Banaadir Gaashaanle Sare Bishaar Abshir Geeddi oo la hadlay Warbaahinta Qaranka ayaa sheegay in qaraxa ay ku dhaawacmeen afar qof oo ka mid ah ilaalada gaarka ah ee Qaramada Midoobay, kuwaasi oo saarnaa gaari nuuca Hilux loo yaqaan.
Ciidamada ayaa iminka ku guda jira baaritaan lagu sameynayo gaariga qarxay, in qaraxa uu ahaa mid lagu soo xiray iyo in kale. isla markaaana ay goor dhaw Warbaahinta u soo gudbin doonaan xogta rasmi ah ee qaraxa sababay.
