Sii hayaha xilka wasiirka Tamarta iyo Kheyraadka biyaha oo maanta wefdi ganacsato reer Qatar ah kula kulmay magaalada Muqdisho ayaa waxaa ay ka wada hadleen fursadaha maalgashi dhanka tamarta ah ugu  sameysan lahaayeen Soomaaliya…

Iyadoo dhawaan ay wada galeen heshiisi Soomaaliya iyo Qatar kasii oo ku aadanaa maalgashiga, C/casiis Al Duliami oo kamid ah ganacsatada reer Qatar waxaa  magaalada Muqdisho kula kulmay, Sii hayaha xilka wasiirka Tamarta iyo Kheyraadka, mudane Cismaan Libaax Ibraahim oo ay wehliyaan howlwadeenada wasaaradda.

Inta kulanka uu socda, waxaa ay labada dhinac ay is dhaafsadeen arrimaha ku qotoma maalgashiga Tamarta Soomaaliya oo ah mid intiisa badan hal abuur dhaqaale.

Helitaanka Tamarta oo ah baahi aas aasiga ah ayaa qiyaastii 10% shacabka Soomaaliyeed heystaan Tamarta, dadaalo badan oo ay hormuud ka tahay wasaaradda Tamarta ayaa socda sidii loo heli lahaa Tamarta ku filan oo qiimaheeduna yahay mid la ibsan karo oo ay dadku  awoodo.

Xaflad ka dhacaday xafiiska  guddoomiyaha maxkamada Rafcaanka gobolka Banaadir Garyaqaan Abshir Cumar Cabdullahi ayaa  waxaa uu  kuwareejiyay dhamaan Maxkamadaha Degmooyinka Gobolka Banaadir qalab loo isticmaalayo Diiwaanada  Casri ah oo ay kushaqeyn doonaan Sanadka Cusub ee 2019 maxkamadaha Gobolka Banaadir.

Diiwaanadaas oo isugu jira ilaa 9-Diiwaan Maxkamad kasta oo ka tirsaan Gobolka ayaa laa siin doona ,agaabkan ayaa  qeyb ka ah  Qorshaha  Cusub ee sannadka 2019-ka  oo uu ku doonayo Gudoomiyaha Maxkamadda Rafcaanka in laga hirgaliyo Dhamaan Maxkamadaha G/Banaadir.

sii looga maarmo Diiwaankii qaalinka loo isticmaali jiray maadaama ay socoto dardar galinta hawlaha  shaqo ee Maxkamadah Gobolka sii loo fuduudeyo hawlaha shaqo ee loo hayo bulshada soomaaliyeed.

Waxaa maanta xarunta Puntland ee Garoowe lagu dhaariyay Xildhibaanada cusub ee Baarlamaanka Puntland,kadib markii kuwaasi oo shalay gelinkii dambe lagu dhawaaqay liiska xildhibaanada oo ka koobnaa ilaa 66 mudane

Munaasabadda dhaarinta waxaa goob joog ka ahaa mas’uuliyiinta Maxkamadda Sare ee maamul goboleedka,taasi oo ka dhacday xarunta Baarlamaanka  Puntland,xildhibaanada ayaa laga soo xulay deegaanada Puntland.

Dhanka kale xildhibaanada ayaa yeeshay  guddoomiye  cusub oo Kumeel Gar ah, Xildhibaan Xuseen Xaaji Yaasiin oo ah qofka ugu da’da weyn ee kujira baarlamaanka ayaa noqday  guddoomiyaha sii hayn doona gudoonka baarlamaanka ,ilaa laga soo dooranayo guddoomiyaha baarlamaanka ee rasmiga ah Puntland.

Mudanayaasha Golaha wakiilada Puntland ayaa la filayaa in dhawaan ay doortaan guddoomiye cusub,iyadoo intaasi kadibna loo gudbi doono doorashada madaxweynaha maamulkaasi.

Diyaar garow ku aadan doorashooyinka guddoomiyaha iyo tan madaxweynahaba waa mid si weyn looga dareemayo deegaanada Puntland,iyadoo ay jiraan musharixiin badan oo u taagan xilka madaxweynaha,waxaana kamid ah madaxweynaha waqtigiisu sii dhamaanayo ee C/weli Maxamed Cali Gaasi.

 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa saxiixay miisaaniyadda Dowladda ee sanadka 2019, kaddib markii ay ansixiyeen Golaha Shacabka Jamhuuriyadda Federaalka Soomaaliya.

Madaxwenaha ayaa ku bogaadiyey Xildhibaannada Golaha Shacabka sida xilkasnimada leh ee ay u guteen waajibaadka dastuuriga ah ee kaga aaddanaa qiimeynta iyo gorfeynta miisaaniyadda sannadlaha ah ee Dowladda oo ay ku ansixiyeen cod aqlabiyad leh.

Madaxweyne Farmaajo oo dul-istaagay kororka miisaaniyadda Dowladda Federaalka Soomaaliya ayaa faray Xukuumadda in ay xoogga saarto dardargelinta adeegyada bulshada, kobcinta fursadaha shaqo ee dhallinyarada iyo xaqiijinta amniga muwaadiniinta Soomaaliyeed.

“Kobaca dakhliga dalka waxa uu markhaati ka yahay miro-dhalka qorsheyaasha ku qotoma ladagaallanka musuqmaasuqa, sidaas darteed waa in isbeddel muuqda aan ka sameyno dhinacyada adeegga bulshada, amniga iyo hirgelinta kaabeyaasha dhaqaalaha, si dadkeennu ay u helaan nolol wanaagsan.”

Sidoo kale, Madaxweynaha ayaa tilmaamay in miisaaniyaddani ay ka markhaanti kacayso dadaalka wadajirka ah ee shacabka iyo Dowladda Soomaaliyeed ay ugu jiraan dib-u-dhiska dalkooda.

“Miisaaniyaddan qaybta ugu badan waxa ay ku suntan tahay dakhligeenna gudaha, taas oo muujinaysa kartideenna iyo sida ay nooga go’an tahay in dalkeennu uu la jaanqaado dalalka kale ee caalamka, isla markaana uu gaaro maqaamka iyo maamuuska uu mudan yahay.”

Madaxweyne Maxamed Cabdullaahi Farmaajo ayaa uga mahadceliyey Wasaaradda Maaliyadda Dowladda Federaalka Soomaaliya iyo dhaqaalyahannada Soomaaliyeed diyaarinta iyo jaangoynta miisaaniyad waxtar u leh dadka iyo dalka.

Ismaaciil Mukhtaar Cumar (Oronjo) waxa uu ku dhashay magaalada Muqdisho sannadihii siddeetamaadkii, waxa uu ku soo barbaaray degmada C/casiis, waxbarashada, Dhexe iyo sare ayuu ku qaatay Iskuulka Mujamac Ummul Quraa, waxa uu bartay xirfadda Saxaafadda, sannadihii u dhexeeyey 2004-2007 waxa uu ka soo shaqeeyey Idaacaddii Codka Afrikada Bari, wixii ka dambeeyeyna waxa uu ku soo biiray Raadiyo Muqdisho, sidoo kale waxaa u ka bartay Cilmiga Maamulka Dowliga ah Jaamacada Salam ee magaaladda Muqdisho.

Ismaaciil waxa uu ka mid ahaa dhallinyaradii sida mabda’a ugu soo shaqeeyey dagaalkii lala galay malleeshiyada Argagixisada ee Al-shabaab marka loo eego dhinaca Warbaahinta.
Mr Oronjo ayaa masuuliyado kala duwan ka soo qabtay warbaahinta, sida Tifaftireyaashii Raadiyo Muqdisho iyo Wakaaladda SONNA, sidoo kale waxa uu soo noqday agaasimaha xiriirka warbaahinta gaarka ah ee wasaaradda Warfaafinta, Dhaqanka iyo Dalxiiska.

Waxaa Ismaaciil wasaaradda Warfaafinta, Dhaqanka iyo Dalxiiska waxaa looga aqoonsanaa xubin firfircoon oo ku wanaagsan xiriirka hey’adaha Amniga, waxaana loo kaashan jiray mudadii uu shaqeynayey howlaha isku xirka warbaahinta Qaranka iyo Hey’adaha Amniga Dalka nooc walba oo ay yihiin, taas oo fursad u siisay in uu ka helo khibrad dhinaca Amniga ah.
Waxaa lagu xusuustaa doorkii uu ka soo qaatay isku xirka dowladda iyo warbaahinta gaarka loo leeyahay,.

31 December guddoomiyaha gobolka Banaadir ahna Duqa Muqdisho Eng: Cabdiraxmaan Cumar Cusmaan (Yariisoow) ayaa wareegto ku soo saaray magacaabista guddoomiyaha degmada C/casiis ee gobolka Banaadir Mudane Ismaaciil Mukhtaar Cumar (Oronjo).

Maamulka sare iyo shaqaalaha wasaaradda ayaa soo dhoweeyey magacaabista Oronjo, kuna tilmaamay dedaal muuqda oo ay wasaaradda gaartay bacdamaa uu ka mid ahaa dhallinyaradii u soo baxday si firfircoonna uga soo shaqeysay howlaha Qaranka.

Lifaaqa Hoose Warqadda magacaabista