Madaxweynaha dowlad-goboleedka Galmudug ayaa soo dhaweeyay magacaabista wasaaradda arrimaha gudaha federaalka iyo dib u- heshiisiinta dowladda dhexe ay caawa magacawday guddiga farsamada maamul dhisidda Galmudug isagoo Ku tilmaamay talaabo horay loo qaaday.
Madaxweynaha Axmed Ducaale Geelle Xaaf ayaa sheegay in dhismaha guddiga ay maamul ahaan kala qayb qaateen wasaaradda isla markaana ay kala sii shaqeyn doonaan howlaha harsan inta maamul dhameyatiran oo loo dhan yahay looga dhisayo Galmudug.
Wasaaradda arrimaha gudaha federaalka iyo dib u-heshiisiinta Dowladda FS ayaa caawa Ku dhawaaqday guddiga farsamada maamul dhisidda Galmudug.
Guddiga oo ka kooban 13xubnood ayaa wasaaraddu sheegtay in guddigu u xilsaaran yahay fulinta habraacyada iyo shuruudaha lagu saleeyay xulista hugaamiye dhaqameedyada rasmiga ah iyo xildhibaanada golaha wakiillada.
Liiska magacyada guddiga ee wasaaraddu Ku dhawaaqday.
Maxamed Cumar Warsame (Afrax)
Cabdulqaadir Nuur Caraale
Axmed Maxamed Caafi
Cabdirisaaq Kaahiye yuusuf
Cumar Maxamuud Cabdi
Xuseen Cabdulle Xasan
Maxamed Daahir Faarax
Cabdi naasir Geelle Cilmi
Xaliimo Cabdi Cali
Maxamed Maxamuud Cali
Cabdirisaaq Aadan Warsame
Abshir Cabdiraxmaan Maxamed
Cabdirashiid Cali Salaad
Shir ay isugu imaadeen in ka badan 80 Wadan oo ay Soomaliya qayb ka tahay ayaa maanta ka furmay Wadan ka Swezerland gaar ahaan Magaalada Geneva.
Goobta uu Shirka ka furmay ayaa waxaa ku sugnaa Wasiir Ku Xigeen ka Wasaaradda Batroolka Iyo Macdanta ee DFS Maxamud Cabdiqaadir Hilaal Iyo Safiir ka U fadhiya Soomaaliya Geneva Ebyan Ladane iyo xubna kale ka qayb galay Shirka.
Sida uu sheegay Wasiir ku Xigeen ka Shirkan inta uu socdo ayaa diirada lagu saari doono arimaha Macdanta Caalam ka gaar ahaan In la soo bandhigo Warbixin sanadeed ku aadan Saamaynta dhaqan dhaqaale, degaan iyo cimila ahaan ku yeelatay shaqada macdanta Wadamada ay ka hawl galaan shirkadaha ka ganacsado Macdanta iyo In kor loo qaado door ka kobaca dhaqaale ee uu wadan kasta ku leedahay Macaadanta iyo sida uu uga faa’iidan karo.
In La dhiiri galiyo Shirkada ba ganacsado Macdanta heerar kooda kala duwan gaar ahaan ku yar yar iyo in Dwladaha ay u fudu deeyaan imkaaniyaad ka ay u baahanyihiin si wax soo saar ka Macdanta caalam ka kor ugu kaco.
Si lamid ah in Dowladaha Macdanta leh ama soo saaro ay Siyaasad cad u sameeyaan wada shaqaynta Shirkadaha Macanta ka shaqaysta iyo Shacab ka degan degaanada ay ka hawl galaan si wada jir ahna loo ilaaliyo bad qabka Bay’ada degaan kaas.
Wasiirka arrimaha gudaha XFS Eng Cabdi Maxamed Sabriye ayaa maanta Khudbadda Soomaaliya ka jeediyay shirka caalamiga ah ee guddiga sare ee hay’adda QM u qaabilsan Qaxootiga ee UNHCR kaas oo ka socda magaalada Geneva ee dalka Switzerland.
Soomaaliya ayaa shirkaa heerka caalami ah waxaa ku matalaya wafdi uu hugaaminayo wasiirka arrimaha gudaha federaalka iyo dib-u-heshisiinta dalka waxaana uu shirku diiradda saarayaa arrimaha qaxootiga iyo barakacayaasha.
waa madashii 70aad ee golahaan waxaana sanadkaan si weyn looga doodaya sidii wax weyn looga qaban lahaa dhibaatooyin dhanka bini aadanimada ah oo ka jira dalal badan oo caalamka ah wasiirka arrimaha gudaha Soomaaliya ayaana shirka hordhigay xaaladda Qaxootiga iyo barakacayaasha Qaranka.
Madaxweynaha dowladda Federaalka ah ee Soomaaliya Maxamed C/llaahi Maxamed Farmaajo ayaa dhambaal Tacsi ah u diray Madaxweynaha dalka Jabuuti Mudane Ismaaciil Cumar Geelle.
Qoraal laga soo saaray Madaxtooyada Villa Somalia ayaa lagu sheegay in Madaxweyne Farmaajo uu uga Tacsiyadeeyay Madaxweyne Geelle geeridii ku timid walaalkiis Sacad Cumar Geelle.
“Waxa na soo gaaray warka naxdinta leh ee dhimashada marxuumka oo la dhashay walaalkey Madaxweyne Ismaaciil Cumar Geelle. Waxaan Dowladda, qoyska marxuumka iyo guud ahaan shacabka Jamhuuriyadda Jabuuti ee aan walaalaha nahay u dirayaa tacsi tiiraanyo leh”ayaa lagu yiri War ka soo baxay Madaxtooyada Villa Somalia.
Ugu dambeyn Madaxweyne Farmaajo ayaa marxuum Sacad Cumar Geelle Alle uga baryey Eebbe in Marxuumka uu u danbi dhaafo, kuna abaalmariyo jannooyinkiisa, isaga oo qoyskiisa iyo guud ahaan shacabka reer Jabuuti u rajeeyay samir iyo iimaan.
Wasiiru Dowlaha Wasaarada ganacsiga dowlad goboleedka Hirshabeelle Cali Maxmed Cali oo faah faahin ka bixiyey Shirar looga hadlayay horumarinta gacansiga deegnaada Hirshabeele ayaa Sheegay in ay Xoogga saari doonaan horumarinta ganacsiga Hirshabeelle.
Wasiirka ayaa sidoo kale xusay in ay kulamo la qaadan doonaan dhammaan ganacsatada Hirshabeelle waxaana uu sheegay in ay booqan doonaan Dhammaan Magaalooyinka hoos yimaado Maamulka Hirshabelle.
Mudane, Cali Maxamed Cali Wasiiru Dowlaha Wasaarada Ganacsiga Dowlad Goboleedka Hirshabeele Wasiirka ayaa sheegay in Maamulka Hirshabeelle uu uu ku howlan yahay dhiirigelinta ganacsatada Hirshabeelle iyadoo dhowaan ay ganacsatada heli doonaan maalgashi lagu sameeyo qaar ka mid ah ganacsatada kasoo jeedo magaalooyinka ka tirsan Dowlad Goboleedka Hirshabeelle.
Ra’iisul wasaaraha XFS Mudane Xasan Cali Khayre ayaa maanta kormeerka uu ku tagay Tiyaaterka Qaranka waxaana halkaas ku soo dhaweeyay masuuliyiin uu ka mid yahay agaasimaha guud ee wasaaradda warfaafinta dhaqanka iyo dalxiiska, maareeyaha golaha murtida iyo wacyi galinta Qaranka iyo xubno kale
Ra’iisul wasaaraha ayaa u kuur galay howsha dib u dhiska ah ee ka socota iyo halka uu marayo waxaana uu warbixin ka dhageystay masuuliyiinta hormuudka u ah dhismaha halkaa ka socda iyo Maareeyaha Tiyaaterka isagoo bogaadiyay miradhalka Barnaamijka isxilqaan ee dib loogu dhisay xarumo muhiim ah oo uu ka mid yahay Tiyaaterka Qaranku.
Raiisul Wasaaraha Xukuumadda Federaalka Soomaaliya Mudane Xasan Cali Khayre ayaa kormeer ku sameeyey Xarunta Tiyaatarka Qaranka, oo ay meel Gebagebo ah marayo dib u dhiska ku socda.
Δημοσιεύτηκε από Telefishinka Qaranka Soomaaliyeed στις Τρίτη, 8 Οκτωβρίου 2019
R/Wasaaraha Xukuumadda Federaalka Soomaaliya mudane Xasan Cali Kheyre ayaa maanta daah-furay isku xirka nidaamka maaliyadda ee Wasaaradda maaliyadda (SFMIS) iyo nidaamka casriga ah ee maamulka lacagaha Bangiga dhexe ee dalka, (Core Banking system) oo ka qayb qaadanaya daah-furnaanta, la dagaallanka musuqa iyo fududeynta wada-shaqeynta bahda maaliyadda dalka.
Mudane Xasan Cali Khayre oo wasaaradda maalliyadda iyo bangiga dhexe ugu hambalyeeyay nimaadkaan cusub oo qayb ka ah tallaabooyinka dhiirri gelinaya dadka Soomaaliyeed oo dhan ee qaybta ka qaadanaya horumarka, ayaa sheegay in wax wanaagsan ay tahay in la soo dhaweeyo wax walba oo xoojinaya ammaanda iyo qarannimada
R/Wasaaraha ayaa ku dhiirri geliyay wasiirka maaliyadda iyo guddoomiyaha bangiga dhexe in laga sii shaqeeyo sidii nidaamka loogu faafin lahaa dhammaan hey’adaha dowladeed ee dalka, maadaama horumarku uu ku xiranyahay sida loo wada shaqeeyo.
Horumarinta hanaanka maaliyadeed ee dalka ayaa qayb ka ah himilooyinka tubta horumarinta dhaqaalaha dalka oo kamid ah afarta tub qaran ee lagu saleeyay shaqooyinka dowladda.
Tababar ku saabsan ka hortagga socdaalada sharcidarada ah ayaa maanta uga furmay qaar ka tirsan Saraakiisha Hey’adda Socdaalka iyo Jinsiyadda iyo Ciidanka Boliiska Soomaaliyeed.
Tababarkaan oo kor loogu qaadaayo xirfadda Saraakiisha HSJ iyo Boliiska oo socon doono muddo shan maalin ah ayaa waxaa bixinaya macalimiin Turkey.
Ugu dambeyn Tababarka ayaa waxaa si wadajir ah u furay Taliyaha Akadeemiyadda Boliiska Soomaaliya General Cabdirashiid Aadan Cilm, Ku xigeenka Agaasimaha Guud ee HSJ Mudane Xasan Cabdulqaadir Maxamed iyo la-taliyaha amniga iyo arrimaha gudaha ee safaarada turkiga Col. Ahmet Altan.
Guddiga KMG ah ee diyaarinta sharciga Doorashooyinka Qaranka ee Golaha Shacabka ayaa kulan xarrunta Villa Hargeysa kula qaatay Xildhibaanadda iyo Odayaasha Dhaqanka ee kasoo jeedo Gobolladda Waqooyi ee Soomaaliya.
Ujeedka kulanka uu guddiga la yeeshay xildhibaanadda iyo Odayaasha dhaqanka ee kasoo jeedo goboladda Waqooyi ee Soomaaliya ayaa ahaa sidii ay aragtidooda ku aadan sharciga doorashooyinka Qaranka ay ugu soo bandhigi lahaayeen guddiga.
Xildhibaanadda iyo Odayaasha Dhaqanka ee kasoo jeedo Gobollada Waqooyi ayaa guddiga KMG ah ee soo diyaarinta sharciga doorashooyinka Qaranka ee Golaha Shacabka usoo bandhigay tallooyinkooda iyo aragtidooda ku aadan Sharciga Doorashooyinka Qaranka.
“Marka hore waxa aan idinkaga mahadcelinaynaa sida aad inaga ogolaateen in aan kulankaan wada yeelanno, marka xigto waxaan idiin kaga mahadnaqaynaa sida aad guddiga aad ugu soo bandhigteen tallooyinkiina iyo aragtiyadiina wanaagsan ee la xariiro sharciga doorashooyinka qaranka”waxaa sidaasi yiri guddooomiyaha Guddiga KMG ah ee diyaarinta sharciga doorashooyinka Qaranka ee Golaha Shacabka Xildhibaan C/laahi Abuukar Xaaji (Eng.Carab).
Tan iyo markii la magacaabay guddigaan waxa uu waday kulamo uu la yeelanaayo qaybaha kala duwan ee bulshada si ay ula wadaagaan aragtiyadooda la xariira sharciga dooorashooyinka Qaranka.
