Search
Subscribe
Home Blog Page 817

Ciidamada XDS oo howlgallo ka dhan ah Shabaab ka fuliyey Sh/hoose

Yoonis Duraan
-
0
Ciidamada XDS oo howlgallo ka dhan ah Shabaab ka fuliyey Sh/hoose

Cutubyo ka tirsan ciidamada XDS oo ku hubeeysan gawaarida Gaashaaman ee dagaalka  ayaa howlgallo ka dhan ah maleeshiyaadka Al shabaab  ka sameeyay tuulooyin hoostaga degmada Marka ee Xarunta Gobolka Shabeellaha hoose.

Howlgalka oo lagu xaqiijinayay ammaanka deegaanka Ceel-saliini iyo degaanno kale oo hoosyimaada degmada Marka ayaa sidoo kale deegaanno horleh looga saarayay maleeshiyaadka Shabaab.

Col-Xassan Maxamed Abuukar ahna taliyaha guutada 1-aad ee Ciidanka XDS oo  hoggaaminayay howlgalka ayaa sheegay in qorshhu uu yahay sidii maleeshiyaadka Shabaab looga saarilahaa deegaannada dalka islamarkaan loo xaqiijinlahaa ammaanka deegaannada kooxda laga saaray.

Howlgalkan ayaa qeyb ka ah qorshayaasha istiraatiijiyadeysan ee ciidamada XDS dalka uga xoreynayaan maleeshiyaadka Shabaab ee dhabaatada xad dhaafka ah ku haya bulshada Soomaaliyeed ee abriyada ah.

Aargada Kilomitre Zero Oo Dayactir Lagu Sameeyay Xariggana Laga Jaray.

SNTV
-
0
Aargada Kilomitre Zero Oo Dayactir Lagu Sameeyay Xariggana Laga Jaray.

Dhismaha aargada KM-0 oo ay si casri ah u dhistay wakaalada horumarinta dhismaha Qaranka Soomaaliyeed ayaa waxaa xariga kajaray guddoomiyaha Gobolka Banaadir ahna duqa Magaalada Muqdisho mudane Cumar Maxamud Maxamed (Cumar Filish).

Goobtan ay bilicda ka muuqato waa KM-0 waana halka ay ka bilaabato tirada cabirka laga qaado guud ahaan gobolada dalka iyo degmooyinkiisa iyadoo darbiga ama gidaarka dhismaha lagu qoray qaar kamid ah degmooyinka dalka iyo inta ay isku jiraan.

Degmooyinka Cabdicasiis, Shibis iyo Shangaani ayey sidoo kale kulmisaa aargadaan KM-0  waxaana guddoomiyaha Degmada Shibis Cabdiraxmaan Sayid Cali ayaa ka mahadceliyay.

Maareeyaha Wakaalada Dhismaha Qaranka Soomaaliyeed Sareeye Guud Bashiir Maxamed Jaamac (Bashiir Goobe) ayaa sheegay in dhismaha aargada KM-0 ay ku wareejin doonan dowlada hoose Xamar.

Taliyaha ciidanka Boliiska Soomaaliyeed Sareeye gaas Cabdi Xasan Maxamed (Hijaar) wax uu ka hadlay ahmiyada ay goobtan lee dahay.

Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa tilmaamay in Maamulka gobolka oo kaashanaayo DFS ay xoojin doonaan hirgalinta mashaariic waxtar uleh Bulshada iyo Qaranka.

Maamulka Buurdhuubo Oo Dadaal Ugu Jira Dib U Dhiska Cisbitaalka Magaalada

SNTV
-
0
Maamulka Buurdhuubo Oo Dadaal Ugu Jira Dib U Dhiska Cisbitaalka Magaalada

Guddoomiyaha Maamulka Degmada Buurdhuubo ee Gobalka Gedo  Xasan Muxumed Cali iyo masuuliyiin uu hogaaminayay Ayaa kormeer ku tagay isbitaalka guud ee degmada Buurdhuubo  oo uu Ka muuqdo burbur baahsan.

Guddoomiyaha Degmada Buurdhuubo ayaa hoosta ka xariiqay in ay socdaan dadaallo ay wadaanbulshada oo la doonayo in lagu uruuriyo taageero dhaqaale oo dib loogu dhiso cisbitaalkaasi.

Guddoomiyaha ayaa Hay’adaha Gar gaarka , Dowlada Federalka iyo ganacsatada ka dalbaday in ay gacan ka gaystaan dhismaha Ispitaalka guud ee magaalada Buurdhuubo ee Gobalka Gedo

Wakaaladda Wararka Sonna Oo U Dabbaaldageysa Xuska 46-Aad (Warbixin)

SNTV
-
0
Wakaaladda Wararka Sonna Oo U Dabbaaldageysa Xuska 46-Aad (Warbixin)

Aasaaska Wakaaladda Wararka SONNA,ka hor waxaa dalka soo maray 2- Idaacadood oo kala ahaa:- Raadiyo Hargeysa oo la furay 1943-kii, xilligii Gumeysiga Ingiriiska iyo Raadiyo Muqdisho oo la furay 1951-kii xilligii,daakhiliyadda maamulka Talyaaniga ee Gobolada Koofureed, kadiba waxaa ku soo biiray oo la unkay Wakaaladda Wararka Qaranka Soomaaliyeed ee SONNA.

Wakaaladda Wararka Qaranka Somaaliyeed ee SONNA waxaa la aasaasay sanadkii 1964-tii waana mid ka mid ah Tiirararka ugu weyn ee wasaaradda Warfaafinta Jamhuuriyadda Federaalka Soomaaliya .

Xarunta ugu weyn ee SONNA waa magaalada Muqdisho, waxayna laaamo ama xafiisyo ku laheyd dalka gudihiisa iyo dibadiisaba  sida hay’adaha Midowga Carabta, Afrika iyo kuwa caalamiga ah.

Waa Wakaaladda Wararka rasmiga ah waxay bixisaa adeeg news ah taas oo macnaheedu yahay ururinta wararka gudaha iyo dibadda iyo caymiska dhacdooyinka iyo xaqiiqooyinka iyo hadal  iyo dhawaaqa iyo bixinta adeegyada news ay siiso  warbaahinta kala duwan sida raadiyaha, telefishanka, wargeyska iyo Web ah.

Marka la eego saacadaha shaqada iyo content sida ay u shaqayso SONNA  warbaahinta 24-ka saac ah oo xiriir ah.

Message: ama Fariin

SONNA ayaa ah  isha wararka  waxeyna ku shaqeysaaa daacadnimo, dhex-dhexaadnimada iyo daba-tag oo dhan dhacdooyinka xiisaha u leh ee Jamhuuriyadda Soomaaliya ee heerarka kala duwan gudaha iyo dibadda.

Aragti

Wasaaradda Warfafinta waxay wadaa qorshe ama Promotion ah hay’adda shaqada warbaahinta si ay u noqdaan awood dheeraad ah oo casri ah iyada oo loo marayo farsamooyinka iyo technology isticmaalaa.

Ujeedooyinka shaqada Hay’adda ee  SONNA

in la gaarsiyo hawsha SONNA Gobol ksta iyo dibadda intaba iyadoo la abuurayo kaaadiriin hore iyo kuwa cusub ee loo abuurayo baahinta wrarka SONNA.

2 – Raadraac iyo la socodka wararka ay daabaceen wakaaladaha wararka iyo warbaahinta caalamiga ah Carabta iyo kuwa kale si ay u gaaraan hababka ansaxnimada iyo jawaabta ay qanci karo.

3 – shirarka iyo qaybinta news gudaha iyo dibadda ah, xaqiiqooyin, turjumo oo naadiya xilligan ay si toos ah u dhacaan.

4 – soosaarka qalabka saxaafadda iyo macluumaadka in la kordhiyo warbaahinta dawladda sida radio iyo wargeyska iyo telefishanka.

5 – diyaarintas news maxalliga ah iyo xaqiiqooyinka in hay’adaha news Carabi iyo Ingiriisi in ay iskaashi la xiriir hay’adda kale.

6 – In la siiyo qoraallo maalin ee Carabi iyo Ingiriisi in ergooyinka diblomaasiyadeed iyo danjirayaasha eek u sugan  Jamhuuriyadda Somlia gudaheeda, iyo gaarsiinta Pulettin Carabi iyo idaacadaha Ingiriisi bulshooyinka carabta ah iyo kuwa shisheeye ee dalka.

7 –inay  diiwaangeliso dhacdooyinka sida dhinacyada kala duwan ee la kaashanaya hay’adaha of news gobolka iyo caalamka iyo xoojinta xiriirka kale ee caalamka.

8 –  tixgelinta qiyamka iyo dhaqanka oo ka mid ah dadka Soomaaliyeed ee dhinacyada news iyo faafinta.

9 – Workshop  si ay u abuuraan kaadiriin ah u tababaran oo aqoon iyada news shakhsiyeed.

1o.waxay Wakaaladda SONNA qabtaa hawsha diyaarinta iyo soo gudbinta warsidaha maalinle ah ah Carabi kaas oo laga sii daayey iyo baahiyey Radio Muqdisho iyo TV-ga qaranka.

Haddaba Wasirka Warfaafinta XFS Mudane Maxamed Cabdi Xayir Maareeye iyo Agaasimaha Wakaaladda Wararka SONNA Cali C/qaadir Cali ayaa hambalyo ku aadan xuska 46-aad ee aasaaska wakaaladda aawadeed u diray maamulka iyo shaqaalaha SONNA,wxayna u rajeeyeen in sanadkaan kisa kaler ay ku gaarfaan horumar iyo barwaaqo.

Wakaaladda Wararka SONNA

Bandhigga Safarka & Dalxiiska Oo Muqdisho Ka Furmay.

SNTV
-
0
Bandhigga Safarka & Dalxiiska Oo Muqdisho Ka Furmay.

Shirka Bandhigga safarka iyo dalxiiska Soomaaliya ayaa si rasmi ah uga furmay magaalada Muqdisho isagoo noqonaya kii ugu horeeyay oo dalka ka qabsoomay.

Madax kala duwan ayaa ka qeyb galay furitaanka bandhigga, Wasiirka Gaadiidka iyo Duulista Hawada Md.Maxamed Cabdullaahi Salaad (Oomaar), Wasiirka warfaafinta Md.Maxamed Cabdi Xayir (Maareeye),  Guddoomiyaha Gobalka Banaadir Cumar Maxamuud Maxamed (Filish), Taliyaha Ciidanka booliska Soomaaliyeed S/gaas Cabdi Xasan Maxamed {Xijaar} iyo xubno kale ayaa ku sugan furitaanka Bandhigga.

Wasiirka Warfaafinta XFS mudane Maxamed Cabdi Xayir oo ka hadlay ayaa sheegay in bandhiggaan muhiimka ah uu tusaale u yahay in Soomaaliya ay ku soo laabaneyso fagaarayaasha caalamka ee tan iyo burburkii ay ka maqneed.

 

Madaxda Warfaafinta Oo Ka Hambalyeeyay Sanadguurada 56-aad ee Aas Aaska Sonna

Muse Abdullahi Cirro
-
0
Madaxda Warfaafinta Oo Ka Hambalyeeyay Sanadguurada 56-aad ee Aas Aaska Sonna

Wasiirka Wasaaradda Warfaafinta Dhaqanka iyo Dalxiiska Md. Max’ed Cabdi  Xayir Maareeye, Wasiir ku xigeenka  Md.Aadan  Isaaq Cali, Agaasimaha Guud Md.C/raxmaan yuusuf Sheekh Al- Cadaala, Agaasimaha Wakaaladda Wararka Soomaaliyeed ee SONNA Md.Cali  C/qaadir Cali (Cali Maykal) iyo dhamaan agaasimayaasha waaxyaha warfaafinta ,waxay hambalyo u direen dhamaan howlwadeennada  warbaahinta Qaranka, gaar ahaan maamulka iyo wariyayaasha  SONNA, munaasabadda sanadguurada 56aad eek a soo wareegtay markii la aasaasay oo ku beegan  5/1/1964tii.

Musuuliyiinta wasaaradda Warfaafinta waxay xuseen muhiimadda Wakaaladda SONNA iyo doorka shariifka ah ay kaga jirto warbaahinta dalka, waxayna u rajeeyeen  howlwadeennada  wakaaladda in ay sii labanlaabaan dadaalka ay ugu jiraan horumarinta iyo dib u soo celinta, doorkii SONNa ay ku lahayd warbaahinta Caalamka.

Dhanka kale Agaasimaha Wakaaladda Wararka Soomaaliyeed ee SONNA Cali  C/qaadir Cali (Cali Maykal) oo ka hadlayay muhiimadda munaasabadda Wakaaladda SONNA ayaa  sheegay in wakaaladda la aasaasay 5/1/1964tii, waxayna ahayd isha rasmiga ah ee wararka dalka.

“1964—1990kii Wakaaldda SONNA waxay dabooshay baahida wareed ee dalka, waxayna ka dhex muuqatay  dhinaca war isdhaafsiga Wakaaladaha Wararka ee caalamka.”sidaasi waxaa yiri Agaasimaha Wakaaladda SONNA.

Mudane Cali Maykal  wuxuu xusay in Wakaaladda ay xarumo ay ku lahaan jirtay dhamaan 18 gobol ee dalka, halkaasi oo ay u joogeen wariyayaal khibrad warbaahineed leh, waxay ahayd isha Wararka Soomaaliya laga soo xigto, xiriir war isdhaafsi iyo wada shaqayna waxay la lahayd inta badan Wakaaladaha wararka Caalamka.

Agaasimaha SONNA Mud. Cali  C/qaadir Cali (Cali Maykal) wuxuu tilmaamay in wakaalladda Wararka Soomaaliyeed ay ka mid ahayd hay’adihii qaranka ee uu saameeyay burburkii dalka ka dhacay,balse nasiib wanaag wakaaladda  hadda way soo kabanaysaa, waxayna cagta saartay wadadii ay ku gaari lahayd inay soo ceshato doorkeedii  warbaahineed ee dalka gudahiisa iyo dibaddiisa, wuxuuna  agaasimuhu hawlwadeennada SONNA u rajeeyay in sanadkaan sanadkiisa kale ku gaaraan horumar iyo inay ka dhabeeyaan dhaqan galinta qorshayaasha ay hiigsanayaan.

Donald Trump oo ku hanjabay in dowladiisu weerari doonto 52 goobood oo Iiraan leedahay.

Muse Abdullahi Cirro
-
0
Donald Trump oo ku hanjabay in dowladiisu weerari doonto 52 goobood oo Iiraan leedahay.

Madaxweynaha Mareykanka Donald Trump ayaa Iran ugu goodiyay inay weerari doonaan 52 goobood haddii, Iran soo hujoonto Mareykanka ka dib dhimashadii Janaraal Qassem Soleimani oo ah taliyaha guutada Quds iyo hogaamiye Maleeshiye Ciraaqi ah.
Trump oo aysan ka muuqan wax dadaalo ah oo lagu qaboojinayo xiisada gobolka ayaa Twitterka ku soo qorey hadalkan, isagoo digniin adag u direy xukuumadda Tehran. ” Mareykanka ma doonayo in loo hanjabo!” ayuu yiri Trump.
52 weerar ayay noqon doonaan 52 qof ee Amerikanka ahaa ooIran u afduubnaa 444 maalmood, kuwaas oo laga qabsaday safaaradda Mareykanka ee Tehran bishii November sanadkii 1979.
Xiisada u dhexeysa Iran iyo Mareykanka ayaa cirka isku shareertay ka dib dilkii jimcihii Mareykanka u geysteen taliyaha guutada Quds iyo madaxa maleeshiyaadka shiicada ee dalka Ciraaq Abu Mahdi Al muhandis.
Dhowr gentaal ayaa gudaha iyo agagaarka Baghdad ku dhacay oo ay ku jiraan deegaanka si aadka ah loo ilaaliyo ee green Zone iyo saldhiga Balad oo ay joogaan ciidanka Mareykanka.
Lama soo sheegin in khasaare geysteen duqeymahaas, sida uu sheegay afhayeen u mahadlay militiriga Mareykanka, Colonel Myles B Caggins. isagoo intaas ku daray in aysan jirin wax dhaawac ah oo soo gaaray ciidankiisa balse waxaa jira waxyeelo soo gaartay shacabka Ciraaq.
Caaga cagaaran oo sida aadka ah loo ilaaliyo waxaa ku yaalo safaaradaha dalalka caalamka oo tan Mareykanku kamid tahay.
Labo gentaal oo lagu magacaabo Katyusha ayaa lagu dhuftay saldhiga Balad oo ku yaala waqooyiga Baghdad halkaas oo fadhiisan u ah ciidanka Mareykanka, sida ay sheegeen saraakiil ka tirsan militiriga Ciraaq. Ilaa iyo hadda ma jiro cid sheegatay mas’uuliyadda weerarkaas.
Safaaradda Mareykanka ee Baghdad iyo 5,200 ee askari Mareykanka ka jooga Ciraaq ayaa bilihii u dambeeyay waxaa ay wajahayeen duqeymo, hase yeeshee Washington waxay ku eedeysay in ay mas’uul ka yihiin dowladda Iran iyo xuladadeeda Ciraaq ku sugan.
Bishii hore, hal weerar oo ka dhacay waqooyi Ciraaq ayaa waxaa lagu dilay qandaraasle Mareykanka ah, taas oo keentay in weerar aar goosi ah oo Mareykanku qaadeen lagu dilo 25 maleeshiyo oo ka tirsan kooxd gacan saar la leh Iran.
Gholamali Abuhamzeh, oo kamid ah saraakiisha sare ee ilaalada kacaanka Iran ayaa sheegay in Tehran ay ciqaabo doonto Mareykanka meel kasta oo ay ku arkaan isagoo muujiyay in ay beegsan karaan maraakiibta gacanka isaga kala goosha.
Maleeshiyaadka Ciraaqiga ah ee Kataib Hezbollah ayaa ciidanka Ciraaq uga digay in aysan u dhowaanin saldhigyada Mareykanka isla markaana u jirsadaan kumanaan mitar, sida uu baahiyay telefishinka Mayadeen oo raacsan kooxda Xisbulah ee Lubnaan.
Jimcihii, hogaamiyaha ruuxiga ah dalka Iran Ali Hosseini Khamenei ayaa sheegay in dhimashada Soleimani ay muujin doonto awooda Iran u leedahay in ay iska caabin karto Mareykanka iyo Israel.
Iyadoo laga duulayo walaac amni ka dib weerarkii Jimcihii Xufalada NATO iyo howlgalkii kale oo Mareykanka hogaaminayay oo lagu tababarayay ciidanka Ciraaq in la joojiyay, sida ay sheegeen saraakiil.
Mareykanka ayaa xulafo dhow la ahaa Ciraaq tan iyo 2003 markii duulaan Mareykanka hogaaminayay xukunka looga tuurey hogaamiyihii dalkaas Saddam Xusen, laakiin sanadihii dambe Ciraaq waxay ku dhowaanaysay siyaasadda Iran.
Ninka bedeli kara al-Muhandis, oo lagu magacaabo Hadi al-Amiri, oo ka hadlayay janaazada taliyaha ayaa sheegay in qiimaha dhiiga kuwa sharafta leh uu keeni doonto in ciidanka Mareykanka ka baxaan Ciraaq isla markaana noqoto dal leh siyaadadiisa dhamaan.
Barlamaanka Ciraaq ayaa maanta leh kulan aan caadi aheyd oo looga hadlayo sidii ciidanka Mareykanka looga saari lahaa dalka, dad badan oo Ciraaqi ah ayaa ka careysan tallaabada Washington ee ku aadan dilka labo hogaamiye ayagoo ka baqaya in dhibaato kale wadanka lugaha la galo.
Janaraal Qassem Soleimani, oo 62 sano jir, ayaa ahaa taliye militiri oo maqaamkiisa aad u sareeyo isagoo madax u ahaa guutada ka tirsan ilaalada kacaanka Iran ee dibada ka howlgasha, isagoo mas’uul ka ahaa in saameynta Iran ku faafto guud ahaan bariga dhexe.
War ka soo baxay xafiiska Ra’iisul wasaaraha dalka Ciraaq Adel Abdul Mahdi ayaa lagu sheegay in khadka telefoonka ku wadahadleen isaga iyo dhaxal sugaha dalka Sacuudiga Mohammed bin Salman waxay ka wada arinsadeen xaaladda adag Ciraaq iyo gobolka uu iminka wajahayo.

W/D/ Cali BK

Hot Latina Female – Images and Video clips

SNTV
-
0

It seems like you can not go anywhere these days with out seeing some kind of sexy Latin women photography on the side of a refrigerator or perhaps on the wall membrane of a neighborhood coffee shop. In fact that hot Latin girls can be seen everywhere from on television to inside the magazines. They may have even been featured in videos as well. The simple fact that women start to become more open and honest about who they are and where offered from is making the whole culture even more visible. The greater people are wide open and honest about themselves and their lives, the easier it truly is for other folks to recognize all of them in public. When you can realize them, it can be much easier to generate assumptions info based on what they are wearing and what they are expressing.

Sexy Latino woman stock photos. three or more, 691 no cost sexy Latin women stock photos can easily be bought royalty free of charge. You can search the internet and find as many sexy girls pictures just like you want. If you want to waste your time and energy looking through countless websites to get photos, additionally there are free online inventory photography sites. These sites can present you with as many sexy photos because you need for just a couple of dollars. You could then have the ability to pic these images out and take them residence with you, as well as to keep on your computer.

Another great source of sexy photos of women in Latin America is the net itself. There are plenty of websites which have been dedicated to providing you with sexy photographs of women in Latin America. You will be able to think about hundreds of photographs as well as short videos of women in the country. And a lot of these sites also have argentine woman forums you choose to be able to connect to other subscribers who may be interested in everything you are viewing. So if you are looking for an online resource, an online site to book mark and share with others, or maybe a place to try to find sexy photos of women in Latin America, it is possible to look for all of these things. Just do a quick search online designed for sexy Latino woman stock photos or other conditions such as “sexy latino” and you should be pleasantly surprised about the number of spots you will be able to get your ideal sexy picture. in just a couple of minutes.

Ra’iisul wasaaraha oo Dhuusamareeb kula kulmay Odoyaasha Dhaqanka ee Xeraale iyo Huurshe

SNTV
-
0

Ra’iisul Wasaaraha Soomaaliya, Mudane; Xasan Cali Khayre, ayaa Magalaada Dhuusameeb kula kulmay Maanta Odayaasha dhaqanka degaanka Xeraale ka xog wareystay sida uu u dhaqan galay heshiiskii nabadeed ee Dadka reer Xeraale iyo Huurshe.

Odaayasha ayaa Ra’iisul Wasaaraha Dalka u sheegay in heshiiskaas uu guulaystay, haatanna Dadku ay ku noolyihiin nabad iyo degganaasho.

Mudane; Xasan Cali Khayre, ayaa uga mahadceliyay Odoyaasha dhaqanka iyo qaybaha kala duwan ee Bulshada sida wanaagsan ee ay uga shaqeeyeen howlaha nabadaynta, wuxuuna kula dardaarmay in la sii xoojiyo dib u heshiisiinta iyo wada noolaanshaha.

    

Qunsulka Soomaaliya u fadhiya Sacuudiga oo booqday Maxaabiis ku xiran Jiddah

SNTV
-
0
Qunsulka Soomaaliya u fadhiya Sacuudiga oo booqday Maxaabiis ku xiran Jiddah

Qunsulka Soomaaliya u fadhiya Dalka Sacuudi Carabiya , Ilyaas Sheekh Cumar, ayaa booqasho ku tagay Xabsiga Shimees ee Magaalada Jiddah ee dalka Sucuudiga,halkaas oo ay ku jiraan maxaabiis Soomaaliyeed,taasi oo qeyb ka ah fulinta balanqaadyo uu sameeyay ee ah in muwaadiniinta Soomaaliyeed ee dalkaasi jooga ay helaan adeegii ay qunsuliyadda uga mas’uulka ahayd, mar uu u waramay Wakaaladda(SONNA) goor sii horeysay.

Ujeedka booqashadiisa Amb Ilyaas Sheekh Cumar uu ku tagay xabsiyada ayaa la xiriirta sidii uu u raadin lahaa xuquuqda maxaabiista Soomaaliyeed ku jirta xabsiyada Dalkaasi Sucuudiga, waxaana halkaasi kusoo dhoweeyay madaxa Qunsuliyadda Soomaaliyeed ee Shimeys, Cabdlalla Xaaji, Agaasimaha Xarunta, Janaral Usaama Bin Millaax, Agaasimaha Xafiiska Wasaaradda arrimaha dibadda ee xarunta Shimeys,  Al-Sayed Qaliil Bin Axmed iyo mas’uuliyiin kale.

Qunsulka, ayaa intii uu halkaasi ku sugnaa aad ugu kuur-galay xaaladda nololeed iyo tan caafimaad ee muwaaddiniinta Soomaaliyeed ee ku jira Xabsiga Shimeys,wuxuuna madaxdii uu la kulmay uu kala hadlay sidii loogu fududeyn  lahaa arrimohooda,islamarkaana ay aqbaleen in dadkaasi maxaabiista ah hadii la qabto ay muddo maalmo kooban gudahood ay dalkoodi hooyo ku soo celiyaan.

Wakaaladda Wararka(SONNA) ayaa la xiriirtay Amb; Ilyaas Sheekh Cumar si ay xog badan uga ogaato marxaladda ay ku sugan yihiin maxaabiistaasi iyo wixii uu la kulmay.

“Waxaan booqanay xabsiyada si aan u dabagalno xaaladda maxaabiista Soomalaiyeed oo aan cadaaladda deg-deg ah u raadinayno, mas’uuliyiintii aan la kulannay waxaan kala hadlay dhowr arrimood, sida in hadii muwaadin Soomalaiyeed la xiro uu deg-deg cadaalad u helo runtii waan isla qaadanay.

Amb; Ilyaas Sheekh Cumar, ayaa sidoo kale la kulmay mas’uuliyiinta Xarunta Xabsiga Shimeys ee Magaalada Jidda, iyagoo ka wada hadlay sii xoojinta wada shaqaynta Labada dhinac,isagoo halkaasi ku guddoonsiiyay abaalmarino la xiriira wadashaqeynta wanaagsna oo ay muujiyeen sida shahaado sharaf, wuxuuna Qunsulka si gaar ah ugu mahad celiyay Boqorka Dalka Sacuudiga iyo dhaxalsugahiisa cafiskii gaarka ahaa ee ay u fidiyeen muwaaddiniinta Soomaaliyeed ee iska bixin waayay Lacagtii dib u labashada ee halkaa ku xannibnaa.

Mas’uuliyiinta Dalka Sacuudiga ee uu la kulmay Qunsulka Soomaaliya ayaa waxay ballan qaadeen in muwaaddiniinta la keeno Xabsiga Shimeys ee Magaalada Jiddah ay Maalmo gudahood ugu fududeyn doonaan howlahooda.

Tani ayaa qeyb ka ah guulaha dhinaca diplomasiyadda oo ay soo hoysay dowladda Soomaaliya sanadihii ugu dambeeyay,waxaana dalka Sucuudiga uu yahayy dal muhiimad gaar ah u leh bulshada Soomaaliyeed iyo dowladooda.

W/soo diray: Wakiilka Warbaahinta Qaranka ee Sucuudiga(Cali Jaamac Cilmi(Calikuus)

        

1...816817818...1,597Page 817 of 1,597

© 2023 Telefishinka Qaranka Soomaaliyeed