Search
Subscribe
Home Blog Page 806

Qarax dad ay ku dhaawacmeen oo ka dhacay Boqortooyada Sacuudiga.

SNTV
-
0
Qarax dad ay ku dhaawacmeen oo ka dhacay Boqortooyada Sacuudiga.

Afar qof ayaa ku dhaawacmay qarax ka dhacay magaalada Jeddah ee dalka Sacuudiga

Dadka dhaawacmay waxaa ku jira qof u dhashay UK sida ay sheegtay Wasaarada Arimaha Dibadda.

Qaraxa oo ahaa bamka gacanta ayaa lagu weeraray qabuuraha dadka aan Muslimka ahayn oo ku yaala magaalada Jeddah .

Markii uu wararka dhacayay waxaa goobta ka socday xusuus loo sameynayay askartii ku dhimatay dagaalkii labaad ee adduunka.

Waxaa goobta ku sugnaa diblomaasiyiin ka kala socday Britain, France, Greece, Italy iyo Mareykanka.

Booliska Sacuudiga ayaa weerarka ku tilmaamay mid argagaxiso, waxayna xireen qof lala xiriirinayo weerarka

Madaxweyne Farmaajo Oo U Hambalyeeyay Madaxweynaha Cusub Ee Hirshabeelle Iyo Ku-Xigeenkiisa.

SNTV
-
0
Madaxweyne Farmaajo Oo U Hambalyeeyay Madaxweynaha Cusub Ee Hirshabeelle Iyo Ku-Xigeenkiisa.

Madaxweynaha Jamhuuriyadda Federaalka Soomaaliya Mudane Maxamed Cabdullahi Farmaajo ayaa hambalyo u diray Madaxweynaha iyo Madaxweyne Kuxigeenka cusub ee Dowlad Goboleedka Hirshabeelle Mudane Cali Guudlaawe Xuseen iyo Mudane Yuusuf Axmed Hagar oo maanta ku guuleystay doorashadii madaxtinimo ee ka qabsoontay Hirshabeelle.

Madaxweynaha ayaa ku bogaadiyey Guddoonka, Xildhibaannada Baarlamaanka iyo Guddigii Doorashooyinka Hirshabeelle daah-furnaanta iyo habsami u socodka ay ku maamuleen hannaanka doorashadan oo wadajirka ay uga soo shaqeeyeen dhammaan shacabka, waxgaradka iyo masuuliyiinta deegannada hirshabeelle

“Waxaan ugu hambalyeynayaa Madaxweynaha iyo Madaxweyne K/Xigeenka cusub ee Dowlad Goboleedka Hirshabeelle Mudane Cali Guudlaawe Xuseen iyo Mudane Yuusuf Axmed Hagar xilalka loo doortay maanta, anigoo ka rajeynaya in ay u horseedan bulshada deegaannada Hiirshabeelle xasillooni, amni, midnimo,caddaalad iyo horumar loo dhanyahay”

Madaxweynaha Jamhuuriyadda ayaa ku dhiirri-geliyay shacabka iyo maamulka Hirshabeelle adkeynta midnimada iyo wax wada qabsi miro-dhal ah oo horseeda horumar ay si wadajir ah ugu tallaabsadaan bulshada deegaanka, taas oo xasillooni ka abuuraysa deegaanada Hirshabeelle, nolol iyo mustaqbal wanaagsanna u ah bulshada.

Ugu dambeyntii, Madaxweyne Farmaajo ayaa Alle uga baryay Madaxweynaha cusub ee Hirshabeelle iyo Ku xigeenkiisa in ay ku guuleystaan gudashada waajibaadka culus ee horyaalla, bulshada deegaankana ay ku hagaan caddaalad iyo horumar waara.

Maamulka Gobolka Banaadir oo Hambalyo u diray Madaxweynaha iyo Madaxweyne ku-xigeenka Hirshabeelle.

SNTV
-
0
Maamulka Gobolka Banaadir oo Hambalyo u diray Madaxweynaha iyo Madaxweyne ku-xigeenka Hirshabeelle.

Guddoomiyaha Gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa u hambalyeeyay Madaxweynaha cusub ee dowlad Goboleedka Hirshabeelle iyo Madaxweyne ku-xigeenka Hirshabeelle.

Guddoomiyaha Gobolka Banaadir ayaa yiri, “Anigoo ku hadlayo magaceyga iyo kan maamulka gobolka Banaadir waxaan Hambalyo u dirayaa Madaxweynaha cusub ee dowlad goboleedka Hirshabeelle Cali Cabdullaahi Xuseen (Cali Guudlaawe) iyo  Madaxweyne ku-xigeenka Hirshabeelle Yusuf Axmed Hagar (Dabageed) oo ay maanta doorteen Baarlamaanka dowlad goboleedka Hirshabeelle”.

Duqa magaalada Muqdisho mudane Cumar Filish ayaa sidoo kale yiri, “maamulka gobolka Banaadir iyo Shacabka Muqdisho waxa ay diyaar u yihiin xoojinta wada shaqeynta iyo iskaashiga ka dhaxeeyay dowlad goboleedka Hirshabeelle.

Sidoo kale wuxuu u rajeeyay in uu Alle u fududeeyo mas’uuliyadda culus ee loo doortay Madaxweynaha cusub ee dowlad goboleedka Hirshabeelle iyo Madaxweyne ku-xigeenkiisa.

Ra’iisul Wasaare Rooble oo guddoomiyay shir muhiim ah oo u dhexeeyay Soomaaliya iyo Midowga Yurub+(SAWIRRO).

SNTV
-
0
Ra’iisul Wasaare Rooble oo guddoomiyay shir muhiim ah oo u dhexeeyay Soomaaliya iyo Midowga Yurub+(SAWIRRO).

Sida uu dhigayo qodobka 8aad ee heshiiskii Cotonou, dowladda federaalka Soomaaliya iyo Midowga Yurub ayaa Muqdisho ku yeeshay kulan wadaxaajood siyaasadeed ah 11 November 2020, kaas oo uu guddoomiyay Ra’iisul Wasaaraha Xukuumadda JFS Mudane Maxamed Xuseen Rooble.

Ra’iisul Wasaaraha ayaa soo dhaweeyay wafdiga midowga Yurub, lana wadaagay muhiimmadda uu Soomaaliya u leedayahay xiriirka kala dhexeeya Midowga Yurub.

Labada dhinac ayaa ka wada hadlay arrimaha ay sida isku midka ah u daneynayaan ee ku saleysan ajandaha wadajirka ah ee lagu heshiiyay. Wadaxaajoodkan ayaa muujiyay wadashaqeyn heerkeedu sarreeyo oo ku dhacday jawi furan, saaxiibtinimo oo wax dhisaya.

Ajandaha shirka waxaa ku jiray arrimo khuseeya doorashooyinka soo socda iyo xiriirka ka dhexeeya hoggaamiyeyaasha siyaasadda ee dalka, dib u habeynta ciidamada ammaanka oo ay ku jirto dib u eegista qorshaha kala guurka (Transition Plan), dib u habeynta dhanka dhaqaalaha, iskaashiga dhinacyada horumarinta iyo xuquuqul insaanka.

Dowladda Federaalka Soomaaliya iyo Midowga Yurub ayaa isku afgartay qabashada shirka amniga la xiriira oo ku dhici doona qaab fogaan arag ah, ayna isla guddoomin doonaan DFS, Midowga Afrika iyo Midowga Yurub, shirkaas oo dhici doona 30-ka November 2020.

Gunaanadkii Dowladda Federaalka Soomaaliya ayaa ku celisay sida ay uga go’an tahay dib u habeynta dhinacyada siyaasadda, dhaqaalaha iyo amniga iyadoo Midowga Yurubna xaqiijiyay sida uu ugu heellan yahay ka qeyb qaadashada dadaallada qaran dhiska Soomaaliya.

Dowladda Soomaaliya waxa ay ammaantay kaalinta iyo ka qeyb galka Midowga Yurub ee dhanka ammaanka iyo hoggaanka sii kordhaya ee hay’daha difaaca Soomaaliya. Labada dhinac waxa ay sheegeen in ay ka go’antahay sii wadista wadashaqeynta ka dhaxeysa ee ku aaddan doorashooyinka soo socda iyo horumarinta dimoqraadiyadda Soomaaliya iyadoo loo marayo dib u habeynta dastuurka, garsoorka iyo xuquuqda aadanaha.

Ra’iisul Wasaaraha oo shirka guddoomiyay ka sokow, waxaa DFS shirka uga qeyb galay Wasiirka Arrimaha Dibadda iyo Iskaashiga Caalamiga ah, Wasiirka Caddaaladda, Wasiirka Maaliyadda, Wasiirka Gaashaandhigga, Wasiirka Amniga Gudaha, Wasiirka Arrimaha Gudaha iyo Federaalka, Wasiirka Qorsheynta, Maalgashiga iyo Horumarinta Dhaqaalaha, Wasiirka Arrimaha Dastuurka, Wasiirka Haweenka iyo Horumarinta Xuquuqul Insaanka iyo Wasiiru dowlaha Xafiiska Ra’iisul Wasaaraha.

Dhanka Midowga Yurub waxaa hoggaaminayay Safiirka Midowga Yurub ee Soomaaliya oo ay wehliyeen Safiirrada Jarmalka, Finland, Spain, Italy, Sweden, Denmark iyo Ireland. Waxaa sidoo kale wehliyay taliyeyaasha howlgalka Midowga Yurub ee EUNAVFOR, EUCAP iyo EUTM.

 

Dowlada Ethiopia oo burburisay goobo muhiim u ah ciidanka gobolka Tigreega.

SNTV
-
0
Dowlada Ethiopia oo burburisay goobo muhiim u ah ciidanka gobolka Tigreega.

Dowladda Ethiopia ayaa sheegtay in ay burburisay goobo muhiim u ahaa ciidanka gobalka Tigreega ee TPLF

Taliyaha ciidanka cirka Ethiopia Sareeye Gaas Yilma Merdassa  ayaa sheegay in ciidankiisu duqeeyeen goobaha keydka shidaalka iyo hubka u ah kooxda TPLF.

Talaabadan ayuu ku sheegay mid lagu wiiqayo waxa uu ugu yeeray danbiilayasha baxsadka ah, isla markaana cadaallada lagu keenay madaxdooda.

Dagaalka u dhaxeeya ciidanka dowlada Ethiopia iyo kuwa maamulka Tigreega ee TPLF ayaa galay maalinkii sideedaad.

Dowladda ayaa guula ka shaeeganeysa dagaalka, waxaana ciidankeedu shalay qabsadeen garoonka diyaaradaha ee muhiimka ah ee Humera.

Madaxweyne ku-xigeenka Hirshabeelle oo loo doortay Yuusuf Dabageed.

SNTV
-
0
Madaxweyne ku-xigeenka Hirshabeelle oo loo doortay Yuusuf Dabageed.

Mudanayasha Baarlamaanka Hirshabeelle ayaa Madaxweyne ku-xigeen u doortay Mudane Yuusuf Axmed Hagar Dabageed kaddib markii uu helay 87 cod, halka musharaxa la tartamayay Maxamed Maxmauud Cabdulle uu isna helay 12 cod.

Doorashada oo ka dhacday magaalada Jowhar ayaa Guddoomiyaha Baarlamaanka Hirshabeelle Mudane Cabdixakiin Luqmaan, waxa uu ku dhawaaqay in tartanka Madaxweyne ku-xigeenka uu ku guuleystay Mudane Yuusuf Axmed Hagar, kaasi oo afarta sano ee soo socota noqonaya Madaxweyne ku-xigeenka Hirshabeelle.

 

Waxaa goor dhaw Magalaada Jowhar lagu doortay Madaxweynaha Cusub ee Maamulka Hirshabelle+(SAWIRRO).

SNTV
-
0
Waxaa goor dhaw Magalaada Jowhar lagu doortay Madaxweynaha Cusub ee Maamulka Hirshabelle+(SAWIRRO).

Waxaa so idlaaday tirintii codadkii la qaaday ee doorashada Madaxweynaha Hirshabelle waxaana codeynta ku guuleystay Ali guudlaawe xuseen oo codadkii ugu badnaa helay, 99 xildhibaan ayaa Codeysay 13 cod ayuu helay Cabdiraxmaan JImcaale Halka Cali Guudlaawe uu helay 86 Cod waxaana lagu dhawaaqay in uu Madaxweynaha Hirshabelle yahay Cali Guudlaawe.

Hada waxaa socoto codeynta madaxweyne kun xigeenka dowlad goboleedka Hirshabeelle oo ay ku tartamayaan Musharax Yuusuf Axmed Hagar (Yuusuf dabageed) iyo Musharax Maxamed Maxamuud Cabdulle (M. dheere).

Taariikhada Madaxweynaha la doortay

Cali Cabdullaahi Xuseen (Cali Guudlaawe)

Waxa uu Dhashay 1974-tii

Waxa uu Ku dhashay Degmada Mahadaay ee G/Sh/Dhexe.

Waxbarashada.
Dugsiyada Hoose Dhexe iyo Sare Waxa uu kusoo qaatay Magaalada Jowhar.

Jaamacada.
Heerka Darajada Koowaad ee Jaamacada Somali International University

Xilalkii waxaa uu horay u soo noqday Madaxii Maaliyadda Maamulka Gobolka Shabeellaha Dhexe, Xilligii Maamulkii Maxamed Dheere 2001-2006.

Waxaa uu noqday Guddoomiye kuxigeenka Gobolka Shabeellaha Dhexe xilligii dowladdii KMG aheyd sanadihii 2007-2009

Guddoomiyaha Gobolka Shabeellaha Dhexe ayuu soo ahaa sanadihii 2014 2016.

October 2016 ayaa loo doortay Madaxweyne kuxigeenka Dowlad Goboleedka Hirshabeelle.

Halkaan kala soco waxii kusoo kordha.

Saraakiil ka tirsan ciidanka Itoobiya oo xabsiga loo taxaabay.

SNTV
-
0
Saraakiil ka tirsan ciidanka Itoobiya oo xabsiga loo taxaabay.

17 sarkaal oo ka tirsan ciidanka federaalka Itoobiya ayaa la xiray kadib markii la sheegay in ay ku kaceen falal xasiloonida lid ku ah.

Sida uu sheegay taliyaha booliska Itoobiya saraakiishaan ayaa jaray qadka isgaarsiinta ee isku xirayay taliska dhexe ee ciidanka iyo taliska waqooyiga ee ku yaalla gobalka Tigreega, halkaas oo TPLF ay qabsatay.

Saraakiishan la xiray waxaa ugu darajo sareeya oo ugu magac dheer sareeye gaas, Gebremedihn Fekadu, oo caan ka ah ciidanka Itoobiya .

Saraakiisha ayaa waxaa lagu soo qabtay howlgal ay wada fuliyeen ciidanka iyo malatariga itoobiya.

Gebremedihn wuxuu ahaa madaxa isgaarsiinta ee ciidanka Itoobiya, waxaana la sheegay in uu la shaqeynayay TPLF.

Janaraalkan ayaa sidoo kale boolisku sheegeen in lagu qabtay 11 sanduuq oo ay ku jireen gantaalo iyo waxyaabaha qarxa oo uu doonayay in uu gacanta u galiyo kooxda TPLF.

Doorashada Madaxweynaha Hirshabeelle oo si rasmi ah ubilaabatay.

SNTV
-
0
Doorashada Madaxweynaha Hirshabeelle oo si rasmi ah ubilaabatay.

Xidhibaannada dowlad goboleedka Hirshabeelle ayaa goor dhaw bilaabatay codeynta madaxweynaha afarta sano ee soo socoto hogaamin doono Hirshabeelle .

Codeynta ayaa mid qarsoonka oo lagu ridayo sanduuq waxaana goobta ku sugan wasiiro ka tirsan dowladda dhexe  iyo xilidhibaanno ka tirsan labada aqal ee barmamaanka jamhuuriyadda federaalka Soomaaliya iyo sidoo kale guddoomimaha barlamaanka Hirshabeelle Mudane Dr. Cabdi Xakiim Luqmaan Xaaji Muxumad.

Xilka madaxweynaha waxaa u tartamaya illaa iyo labo musharax oo kala ah madaxweyne ku xigeenkii hore ee Hirshabeelle Cali Guudlaawe iyo musharax Cabdiraxmaan Jimcaale Cusmaan.

Xilka Madaxweyne ku xigeenka waxaa sidoo kale u tartamaya Musharax Yuusuf Axmed Hagar iyo Musharax Maxamed Maxamuud Cabdulle (M. dheere).

Shirka gabo-gabeyda dib u Eegista farsamo ee Dastuurka oo Muqdisho ka socda+(SAWIRRO).

SNTV
-
0
Shirka gabo-gabeyda dib u Eegista farsamo ee Dastuurka oo Muqdisho ka socda+(SAWIRRO).

Waxaa hadda ka socda magaalada Muqdisho, Shirka Wadatashiga Hay’adaha Dastuurka ee heer federaal iyo heer dawlad goboleed.

Shirka ayaa lagu wadaa in lagu soo gebo-gabeeyo dib u eegista farsamo ee Dastuurka ku-meel gaarka ah.

Kulanka ayaa waxaa goobjoog ka ah guddoomiyaha guddiga dib u eegista dastuurka baarlamaanka Soomaaliya Senator Cabdi Qeybdiid,xildhibaanno iyo khubaro ku xeel dheer arrimaha dastuurka.

1...805806807...1,708Page 806 of 1,708

© 2023 Telefishinka Qaranka Soomaaliyeed