Wasaaradda Gaashaandhigga Dowladda Federaalka Soomaaliya ayaa faahfaahin ka bixisay hawlgal culus oo xalay ay Ciidamada Xoogga Dalka ka fuliyeen degmada Jilib ee gobolka Jubada Dhexe.

War-saxaafadeedka ayaa lagu sheegay in Ciidamada Kumaandooska Danab ee Ciidanka Xoogga Dalka Soomaaliyeed ay xalay fuliyeen hawlgal gaar ah oo si qorsheysan loo beegsaday maleeshiyaad ka tirsan Khawaarijta.

Hawlgalkaas ayaa lagu dilay 15 dhagarqabe, halka 8 kale gacanta lagu dhigay. Hawlgalka oo dhacay xilli habeen ah ayaa muujinaya kororka awoodda hawlgaleed ee Ciidamada Xoogga Dalka, gaar ahaan adeegsiga gaadiidka cirka, taas oo suuragelisay in la ballaariyo hawlgallada laguna gaaro cadowga goob kasta iyo waqti kasta

Wasiirka wasaaradda gaashaandhiga Xukuummadda Federaalka Soomaaliya Mudane Axmed Macalim Fiqi oo goordhowed la hadlay warbaahinta qaranka ayaa faahfaahin ka bixiyey hawlgalo is xig xigay oo Ciidanka qaranka oo kaashanaya Saaxiibada Caalamiga ahi ka fuliyeen gobolada dalka.

Wasiirka ayaa ugu horayn xaqiijiyey in la khaarajiyey horjooge sare Eng Cabdullaahi Cismaan Maxamed Abuukar oo loo yaqaanay kooxda guddaheeda( Eng Ismaaciil) kaas oo kooxda Khawaarijta u qaabilsanaa qaraxyada,amniga guddaha iyo hawlgalada dibadda ayaa lagu dilay hawlgal ka dhacay degmada Jilib ee gobolka Jubadda dhexe halkaas oo xarun u ah kooxda khawaarijta ahna goobta khawaarijta ku bixiso tababbarada ay siiso naftood haligeyaasha, Eng Ismaaciil ayaa loo diyaarinayey inuu noqdo horjoogaha bedeli doona horjoogaha khawaarijta Axmed Diiriye.

Qaraxyada uu fuliyey Eng Ismaaciil ayaa waxa ka mid ahaa qaraxii ceelgaabta ee ka dhanka ahaa madaxweyanaha qaranka,weerarkii godka jilacow,qaraxii ka dhacay kuliyadda jaalle Siyaad, qaraxii Zoobe 2017,hargaha iyo saamaha iyo qaar kale oo badan kuwaas oo lagu halaagay kumanaan shacab ah oo waxba galabsan.

Horjoogaha labaad ee hawlgalkan lagu dilay ayaa ah Cabdikariim Maxamed Xirsi Qoorleex,ninkan ayaa ka tirsanaa qaybta Khawaarijta u qaabilsanaa qaybta dibedda isagoo hawlgalo argagixiso ka fulin jiray dalalka dariska intii ninkan la dilay waxa kooxdka khawaarijta ku dhacay khal khal iyo isku dhex yaac baahsan taas oo khatar gelinaysa jiritaankooda.

Wasiirka gaashaandhigga ayaa si weyn ugu mahadceliyey Haya’adda Nabad sugidda iyo Sirdoonka Qaranka ee NISA oo keentay xogta horjoogeyaashan wasiirka ayaa sidoo kale u mahadceliyey hawlgalka la dagaalanka argagixisadda ee dowladda Maraykanka.

Dhinaca kale wasiirka wuxuu xaqiijiyey in hawlgal xalay ka dhacay deegaanka Buulla-fuleey ee gobolka Baay lagu dilay 20 horjooge sidoo kalena lagu burburiyey Idaacadii dadka lagu marin habaabin jiray ee kooxda khawaarijta ee Andulus,wasiirka ayaa sidoo kale xaqiijiyey in shalay weerar ka dhacay Wargaadhi Khawaarijta looga dilay in ka badan 20 sidoo kale laga dhaawacay 30 halkaas oo si weyn loogu jabiyey khawaarijta,wasiirka ayaa dhinaca kale xaqiijiyey in ciidanka Dowladda go’doomiyeen 500 oo khawaarij ah oo ku jira meel u dhow Jabad Godane kuwaas oo dowladda ugu baaqday in ay isa soo dhiibaan hadii ay isa soo dhiibi waayaana dowladda soo afjari doonto maalmaha soo socda.

Xildhibaannada Golaha Shacabka ee Baarlamaanka Jamhuuriyadda Federaalka Soomaaliya ayaa kulan ay maanta yeesheen ku ansixiyay Hindise-Sharciyeedka Sharciga Daawada.

Hindisahaas waxaa oggolaaday 141 xildhibaan, hal xildhibaan ayaa ka aamusay, mana jirin xildhibaan diiday.

Dowladda Soomaaliya ayaa u mahadcelisay dalalka iyo hey;adaha caalamiga ah ee sida xilkasnimada leh u hor-istaagay damaca Israel ee ay ku doonaayeen in ay aqoonai u fidiyaan Maamulka Soomaaliland. Qoraal ay soo saareen Dowladda Soomaaliya ayaa mahadcelin ballaaran logu jeediyay dalalka iyo hay’adaha caalamiga ah ee taageeray madaxbannaanida, wadajirka iyo midnimada dhuleed ee Soomaaliya. Xukuumadda XFS oo ka duulaysa mas’uuliyadda dastuuriga ah ee saaran, waxa ay mudnaan gaar ah siisay adkaynta midnimada dalka, iyada oo qaadday tallaabooyin siyaasadeed, kuwo sharci iyo hab diblomaasi ah oo lagu ilaalinaayo wadajirka dhuleed iyo madax-bannaanida Qaranka Soomaaliya.

Dowladda Jamhuuriyadda Federaalka Soomaaliya ayaa ayaa 1-da bisha Janaayo ee sanadka 2026-a si rasmi ah ula wareegtay guddoominta Golaha Ammaanka ee Qaramada Midoobay, waxayna muddada bisha ee lagu guda jiro noqon doonta dalka shir-guddoominaya Golaha Ammaanka, waxaana la filayaa in ay hagaan kulamada muhiimka ah ee looga hadlayo nabadda iyo amniga caalamka. Tallaabadan ayaa ah mid taariikhi ah oo muujinaysa kororka doorka diblomaasiyadeed ee Soomaaliya iyo sida ay uga muuqanayso go’aannada caalamiga ah.

Wasaaradda Arrimaha Dibadda iyo Wakiilka Joogtada ah ee Soomaaliya u fadhiya Qaramada Midoobay ayaa sheegay in xilkaan uu yahay fursad qaali ah oo lagu muujinayo in Soomaaliya ay diyaar u tahay hoggaan iyo kaalin muuqata oo caalami ah, iyadoo Guddoominta Golaha Ammaanka ee QM uu si wareeg ah ugu dhacdaa waddamada xubnaha ka ah bil kasta, waxayna Soomaaliya ay haatan hoggaanka u hayso markii ugu horreysay muddo tobannaan sano ah. Tani waxay astaan u tahay dib-u-soo kabashada iyo horumarka laga gaaray xasilloonida iyo xiriirka caalamiga ah ee dalka.

Madaxweynaha Jamhuuriyadda Turkiye mudane Rajab Dayib Erdogan ayaa mar uu Salaadii Jimcaha ee shalay ka hadlayey Masjid Cali Bin Abii Dhaalib ee magaalada Stanbul ayaa Natanyahu ku tilmaamey Fircoonka Xiligaan sidaa darteed maalin waa loo Ciqaabi doonaa Caruurtii, Haweenkii iyo dadkii uu ku Xasuuqey Gaza.

“Annagoo ka shaqeyneyna ka difaacidda dalkeenna kuwa doonaya in ay ku xadgudbaan madaxbannaanidiisa iyo midnimadiisa, haddana taasi nagama mashquulineyso in aan ka shaqeyno soo saarista khayraadka dalka oo shidaalku ka mid yahay, si shacabkeennu u gaaro horumar iyo barwaaqo”, sidaasi waxaa yiri Madaxweynaha JFS Dr> Xasan Sheekh Maxamuud oo magaalada Istanbuul ee dala Turkiye oo ku qabtay shir jaraa’id oo wadajir ah, kaddib wada-hadallo qotodheer oo ay si gaar ah u yeesheen dhiggiisa mudane Rajab Dayib Erdogan.

Madaxweyne Xasan Sheekh ayaa sheegay in iskaashiga Soomaaliya iyo Türkiye uu ku saleysan yahay difaaca midnimada iyo madax-bannaanida dalka, la dagaallanka argagixisada iyo dhismaha hay’ado dowladeed oo awood leh, kuwaas oo saldhig u ah horumar waara iyo kor u qaadista nolasha shacabka Soomaaliyeed.

Madaxweynaha Jahmuuriyadda ayaa ku dhawaaqay in natiijooyin rajo-gelin ah laga gaaray sahminta Shidaalka iyo Gaaska dabiiciga ah ee badaha Soomaaliya, kuwaas oo astaan u ah marxalad cusub oo ku wajahan soo kabashada dhaqaale, abuurista shaqooyin iyo maalgelinta adeegyada aasaasiga ah.

“Sidii aan horay u ballan qaadnay waxaan u howl galnay sidii loo ogaan lahaa, loona soo saari lahaa khayraadka dalkeenna oo shidaalku ugu horreeyo. Alla mahaddii maanta waxaa noo bilaabatay miradhalka howshaas iyo ka faa’iideysiga khayraadka dalkeenna. Waa guul weyn oo taariikhi ah. Guusha sahminta shidaalka waa guul qaran oo taariikhi ah, waxayna fure u tahay dib-u-dhiska qaranka iyo barwaaqada shacabka Soomaaliyeed,” ayuu sii raaciyay.

Madaxweynaha ayaa hoosta ka xarriiqay in kheyraadka dabiiciga ah uu leeyahay shacabka Soomaaliyeed, isla markaana maamulkiisu uu ku dhisnaan doono isla-xisaabtan, caddaalad iyo ilaalinta xuquuqda jiilasha mustaqbalka, waxaana shalay lagu shaaciyay magaalada Istanbuul in uu soo dhaqaaqi doono Markabkii qodo lahaa Gunta hoose ee Badda, si uu u soo saaro Shidaalka iyo Gaaska ceegaaga Badaha Soomaaliya, waxaana sidaasi shaaciya Wasiirka Tamarta ee Turkiye.

Turkiga ayaa sidoo kale soo gaba gabeeyay suurta galnimada iyo naqshadeynta Deked ay ka hirgelin doonto Soomaaliya, waxaana la bilaabay Wejigii koowaad ee dhismaha.

“Maalgashigii hore ee Turkiga ayaa u furay suuqa Soomaaliya si toos ah maalgashi shisheeye, gaar ahaan Shidaalka iyo Gaaska, iyadoo Soomaaliya ay qarka u saaran tahay inay noqoto waddan laga soo saaro Saliidda”, Dr. Xasan Sheekh Maxamuud ayaa u sheegay Warbaahinta qaranka Turkiga.

Dr. Xsan Sheekh Maxamuud ayaa sheegay in Soomaaliya ay sii haysato taageerada beesha caalamka, inkastoo Israa’iil ay aqoonsan tahay Somaliland, balse Madaxweynaha Soomaaliya ayaa sheegay in arrintani ay tahay mid xasaasi ah marka loo eego falkii ay Israa’iil dhawaan ka fulisay Bariga Dhexe, oo aan ahayn Falastiin oo keliya, balse sidoo kale Suuriya iyo Lubnaan, taasoo kor u qaaday welwelka ku aaddan ku lug lahaanshaha ay ku leedahay Badda Cas, Gacanka Cadmeed iyo Geeska Afrika, oo uu ugu yeeray “gobol aad u kacsan,” iyadoo Soomaaliya ay horay ula dagaallameen Daacish (Daacish) iyo Al-Shabaab.

Waxaase is weydiin mudan waa maxay sababta mar walba oo ay Soomaaliya tallaabo horumar ah qaado ay u soo if baxa carqado badan ama loo qulbaa, kaasi oo ka yimaada dalal shisheeye?, sida kii Is Afgarad beenaadkii ay maamulka Soomaaliland la gashay Itoobiya 1-dii bishii Janaayo ee sanadkii 2024-kii, haatanna waxaa soo dig tiri Sahyuuniyadda Yahuuda, taasi oo ictiraaf beenaad damacsan inay siiso qeyb ka mid ah Gobolada Waqooyi Galbeed ee ka tirsan dhulka Soomaaliyeed oo ay dhammaan caalamku ka hor yimid arrintaasi.

Su’aashaasi jawaabteeda waa iska caddahay, oo Dadka arrimahaan odorasa ayaa waxay ku soo koobeen sidan, “waxay diidan yihiin inay Soomaaliya noqono dowlad awood badan ee ka dhisan dhinacayada siyaasadda, Millitari iyo dhaqaale, kadibna si weyn uga dhex muuqata fagaarayaasha caalamka, islamarkaana Tubta horumarka qaadda.

Ciidamada gaarka ah ee Danab ee Xoogga Dalka Soomaaliyeed, oo kaashanaya saaxiibada caalamiga ah, ayaa xalay fuliyay hawlgal gaar ah oo si heer sare ah loo qorsheeyay, kaasi oo ka dhacay deegaanka Buula Fuleey ee gobolka Baay, oo ka mid ah xarumaha ugu waaweyn uguna muhiimsan Khawaarijta.

Ciidamada ayaa beegsaday xarumo ay deggenaayeen horjoogayaal ka tirsan Khawaarijta, waxaana intii uu hawlgalku socday lagu dilay in ka badan 20 xubnood oo isugu jiray horjoogayaal iyo maleeshiyaad halkaas ku sugnaa.

Sidoo kale, ciidamada ayaa burburiyay idaacad ku hadasha afka Khawaarijta oo ku taallay deegaankaas.

Hawlgalkan oo kusoo dhammaaday si guul ah, ayaa faahfaahin dheeraad ah laga sii wadaagi doonaa dadweynaha, Insha’Allaah.

Hawlgalkan ayaa imaanaya iyadoo laba maalmood ka hor gobolka Jubbada Dhexe lagu beegsaday qaar ka mid ah horjoogayaashii ugu sarreeyay kooxda, isla markaana shalay lagu jabiyay Khawaarijta duullaan ay kusoo qaadeen deegaanka Wargaadhi ee gobolka Shabeellaha Dhexe.

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, oo safar shaqo ku jooga Dhuusamareeb, ayaa caawa tagey goobaha lagu nasto ee magaalada, isaga oo bogaadiyey horumarka iyo isbeddelka muuqda ee ka hirgalay caasimadda Dowlad-goboleedka Galmudug.

Ra’iisul Wasaaraha, oo la caweeyey bulshadii uu la kulmay, ayaa kula dardaarmay in ay sii xoojiyaan kaalinta uga aaddan adkaynta nabadda, kobcinta horumarka iyo xoojinta wadajirka bulshada.

Mudane Xamsa ayaa xusay in amniga iyo xasilloonida ka jirta Dhuusamareeb ay saldhig u yihiin horumarka dhaqaale iyo mid bulsho, waxa uuna ku ammaanay ganacsatada iyo shacabka magaalada sida ay uga qeyb qaadanayaan dib-u-dhiska iyo horumarinta caasimadda Galmudug.

Ciidanka Xoogga Dalka Soomaaliyeed iyo ciidamada deegaanka, ayaa fashiliyey weerar ay maleeshiyaadka Khawaarijta ku soo qaadeen deegaanka Wargaadhi ee gobolka Shabeellaha Dhexe.

Howlgalka difaaca iyo ka-hortagga ah ayaa lagu dilay horjoogihii hoggaaminayay maleeshiyaadka weerarka soo qaaday, iyadoo sidoo kale la gaarsiiyey jab culus oo dhimasho iyo firxadba leh maleeshiyaadkii la socday. Ciidamada Qaranka ayaa hadda baacsanaya firxadka Khawaarijta, si loo ciribtiro hadhaadigii baxsaday.

Taliska Ciidanka Xoogga Dalka Soomaaliyeed wuxuu xaqiijinayaa in amniga deegaanka Wargaadhi si buuxda gacanta ugu jiro ciidamada, isla markaana uusan jirin wax khatar amni ah oo hadda taagan.

Wasaaradda Gaashaandhigga iyo Taliska Ciidanka Xoogga Dalka Soomaaliyeed waxay mar kale adkeynayaan ballanqaadka go’an ee ciribtirka Khawaarijta, iyagoo uga digaya in fal kasta oo ay ku doonayaan inay ku carqaladeeyaan amniga shacabka lagu wajihi doono jawaab adag oo degdeg ah.

1- The Federal Republic of Somalia expressed thankfulness to countries and international organizations for their support and full backing of safeguarding Somalia’s sovereignty, unity, and territorial integrity.

2- President Hassan Sheikh Mohamud and his Turkish counterpart, Mr. Recep Tayyip Erdoğan, held in-depth discussions in the city of Istanbul.

3- President Hassan Sheikh Mohamud met in Djibouti with the President of Djibouti, Mr. Ismaïl Omar Guelleh.

4- President Hassan Sheikh Mohamud held talks with presidents of the Federal Member States and the Mayor of Mogadishu, discussing the protection of the country’s unity and the prevention of violations against Somalia.

5- While engaged in national consultations to preserve the country’s unity and sovereignty, President Hassan Sheikh Mohamud met with senior officials representing the executive and legislative branches of the Benadir region.

6- President Hassan Sheikh Mohamud hosted the leaders of the 20 political organizations that participated in the historic local council elections for Mogadishu’s Benadir region, held on the 25th of this month.

7- President Hassan Sheikh Mohamud, in a speech to both houses of the Federal Parliament of Somalia, strongly rejected Israel’s violations against the Somali government and people.

8- President Hassan Sheikh Mohamud met at the presidential palace with former national figures and Somali politicians.

9- President Hassan Sheikh Mohamud engaged in a diplomatic consultation via telephone with Qatar’s Emir, Sheikh Tamim bin Hamad Al-Thani.

10- President Hassan Sheikh Mohamud conducted urgent diplomatic discussions by telephone with the presidents of Djibouti, Kenya, and Tanzania.

11- Prime Minister Hamza Abdi Barre, in a speech at the Heritage Conference in Dhusamareb, clearly defined Somalia’s position on Israel’s violations of Somalia’s sovereignty.

12- The Speaker of the House of the People, Mogadishu, Mr. Sheikh Aden Mohamed Nuur|, opened the seventh Heritage Research Institute conference in Dhuusamareeb.

13- Prime Minister Hamza Abdi Barre hosted in Mogadishu the Chinese Ambassador to Somalia, Mr. Wang Yu, and discussed ways to resolve Israel’s blatant interference.

14- The Cabiner of the Federal Government of Somalia adopted a clear stance against the aggressive steps Israel has taken against Somalia’s sovereignty.

15- The Federal Parliament of Somalia approved the rejection and opposition to Israel’s violations of Somalia’s territorial integrity.

16- The Arab League Parliament Union (Arab Parliamentary Union) clearly expressed its rejection of Israel’s violations against Somalia’s sovereignty, unity of territory, and stability.

17- The East African Community (EAC) declared explicit support for Somalia’s unity and territorial integrity.

18- Minister of Defense, Ambassador Ahmed Moalim Fiqi, announced that the People’s Armed Forces liberated numerous areas in the Lower Shabelle Region.

19- Minister of Foreign Affairs and International Cooperation, Mr. Abdisalam Abdi Ali, held a telephone discussion with Namibia’s Minister of International Relations and Cooperation, Mrs. Selma Ashipala-Musavyi.

20- Minister of Foreign Affairs and International Cooperation, Mr. Abdisalam Abdi Ali, held a telephone discussion with Saudi Arabia’s Foreign Minister, Prince Faisal bin Farhan Al Saud.

21- Minister of Foreign Affairs Abdisalam Abdi Ali spoke by phone with the Minister of Foreign Affairs of Egypt, Dr. Badr Abdel-Atty.

22- Minister Abdisalam Abdi Ali spoke by phone with Comoros’ Minister Mbae Mohamed.

23- Minister Abdisalam Abdi Ali spoke by phone with South Sudan’s Minister Monday Semaya Kenneth Kumba.

24- The Governor of Banadir and the Mayor of Mogadishu, Dr. Hassan Mohamed Hussein (Mungab), officially inaugurated the opening of Nasib Bundo Road in Shibis district.

25- Deputy Minister of Interior, Federal Affairs and Reconciliation, Mr. Abdihakim Hassan Ashkir has attended a ceremony in which the new Director General of the ministry Abdulkadir Elmi assumed office from his predecessor.

26- Somalia’s Permanent Representative to the United Nations Security Council, Ambassador Abukar Balle, openly warned Israel against violating Somalia’s sovereignty.

27- Somalia’s Ambassador to the Arab League Ali Abdi Aware delivered a strong speech at an urgent meeting held at the Arab League headquarters, addressing Israel’s illegal act against Somalia.

28- The General Director of the Immigration and Citizenship Authority, Mr. Mustafa Dhuhulow, officially launched a preparatory plan for the 2026 Action Plan of the Immigration and Citizenship Authority with the slogan: “Easy, Efficient, and High-Quality Service.”

29- Demonstrations against Israel’s interference against Somalia took place in Mogadishu, Galmudug, Hirshabelle, Southwest, and Puntland.

1- Jamhuuriyadda Federaalka Soomaaliya ayaa mahadnaq ballaaran u jeedisay dalalka iyo hay’adaha caalamiga ah ee garab-istaagga iyo taageerada buuxa u muujiyay ilaalinta madaxbannaanida, wadajirka iyo midnimada dhuleed ee Soomaaliya.

2- Madaxweyne Xasan Sheekh Maxamuud iyo dhiggiisa Türkiye Mudane Recep Tayyip Erdoğan ayaa wada-hadallo qoto dheer ku yeeshay magaalada Istanbul.

3- Madaxweyne Xasan Sheekh Maxamuud ayaa magaalada Jabuuti kulan kula yeeshay Madaxweynaha Jamhuuriyadda Jabuuti, Mudane Ismaaciil Cumar Geelle.

4- Madaxweyne Xasan Sheekh Maxamuud ayaa kulan qaar ah la qaatey Madaxweyneyaasha Dowlad Goboleedyada iyo Guddoomiyaha Gobolka Benaadir, isagoo kala hadlay ilaalinta gobannimada dalka iyo ka hortagga xadgudubka ka dhanka ah Soomaaliya.

5- Madaxweyne Xasan Sheekh Maxamuud oo ku guda jira wada-tashiyo qaran oo lagu ilaalinayo midnimada iyo madax-bannaanida dalka, ayaa kulan la qaatay, mas’uuliyiinta hay’adaha fulinta iyo sharci dajinta ku matala, Gobolada Waqooyi ee dalka.

6- Madaxweyne Xasan Sheekh Maxamuud ayaa qaabilay, Madaxda 20-ka Urur siyaasadeed ee ka qayb galay, doorashadii taariikhiga ahayd ee Golaha Degaanka Degmooyinka Gobolka Benaadir oo 25-kii bishan ka dhacday magaalada Muqdisho.

7- Madaxweyne Xasan Sheekh Maxamuud oo khudbad u jeediyey Labada Aqal ee Baarlamaanka Federaalka Soomaaliya ayaa si adag u cambaareeyey xadgudubka ka dhanka ah Dowladda iyo shacabka Soomaaliyeed ee ay kacdey Israel.

8- Madaxweyne Xasan Sheekh Maxamuud oo xarunta madaxtooyada kula yeeshay madax hore oo heer qaran ah iyo siyaasiyiin Soomaaliyeed.

9- Madaxweyne Xasan Sheekh Maxamuud ayaa wada-tashi diblumaasiyadeed kula yeeshay khadka taleefoonka Amiirka Dowladda Qatar Sheekh Tamim binu Xamad.

10- Madaxweyne Xasan Sheekh Maxamuud ayaa wada-hadallo diblumaasiyadeed oo degdeg ah kula yeeshay khadka taleefoonka Madaxweynayaasha Jabuuti, Kenya iyo Tanzania.

11- Ra’iisul Wasaare Xamsa Cabdi Barre oo khudbad ka jeediyay shirka Heritage ee magaalada Dhuusamareeb ayaa si cad u qeexay mowqifka Soomaaliya ee xadgudubka Israel ee madaxbanaanida Soomaaliya.

12- Guddoomiyaha Golaha Shacabka ee Baarlamaanka Mudane Sheekh Aadan Maxamed Nuur (Madoobe) ayaa magaalada Dhuusamareeb uga furay Shirweynaha Sagaalaad ee Machadka Cilmi-baarista Heritage.

13- Ra’iisul Wasaare Mudane Xamsa Cabdi Barre, ayaa Muqdisho ku qaabilay Danjiraha Jamhuuriyadda Shiinaha u fadhiya Soomaaliya, Mudane Wang Yu, iyaga oo ka wada- hadlay sidii meel looga soo wada jeesan lahaa faragelinta qaawan ee Isra’iil.

14- Golaha Wasiirrada Xukuumadda Jamhuuriyadda Federaalka Soomaaliya,oo mowqif cad ka qaatay tallaabada gardarrada ah ee Israa’iil ku soo qaaday madax-bannaanida Jamhuuriyadda Federaalka Soomaaliya.

15- Baarlamanka Federaalka Soomaaliya ayaa meel mariyey diidmada iyo ka hortagga xadgudubka Israel ee madaxbanaanida dhuleed ee Jamhuuriyadda Federaalka Soomaaliya.

16- Midowga Baarlamaanada Carabta ayaa si cad u muujiyey diidmadiisa ku aaddan xadgudubka Israel ee ka dhanka ah madaxbannaanida, midnimada dhuleed iyo xasilloonida Jamhuuriyadda Federaalka Soomaaliya.

17- Urur Goboleedka Iskaashiga Dhaqaalaha Bariga Afrika.(EAC) ayaa si cad u taageeray midnimada iyo wadajirka dhuleed ee Jamhuuriyadda Federaalka Soomaaliya.

18- Wasiirka Gaashaandhigga Danjire Axmed Macallin Fiqi, ayaa shaaciyay in Ciidamada Qaranku ay howlgalka Seefta Qarsoon ku xoreeyeen deegaanno badan oo ka tirsan gobolka Shabeellaha Hoose.

19- Wasiirka Arrimaha Dibadda iyo Iskaashiga Caalamiga ah, Mudane Cabdisalaam Cabdi Cali, ayaa wadahadal dhanka taleefanka ah la yeeshay Wasiirka Xiriirka Caalamiga ah iyo Ganacsiga ee Jamhuuriyadda Namibia, Marwo Selma Ashipala-Musavyi.

20- Wasiirka Arrimaha Dibadda iyo Iskaashiga Caalamiga ah, Mudane Cabdisalaam Cabdi Cali, ayaa wadahadal dhanka taleefanka ah la yeeshay dhiggiisa, Amiir Faysal bin Farxaan bin Cabdullaahi Al-Sacuud, Wasiirka Arrimaha Dibadda ee Boqortooyada walaalaha ah ee Sacuudi Carabiya.

21- Wasiirka Arrimaha Dibadda iyo Iskaashiga Caalamiga ah, Mudane Cabdisalaam Cabdi Cali, ayaa wadahadal dhanka taleefanka ah la yeeshay dhiggiisa Jamhuuriyadda walaalaha ah ee Carabta Masar, Mudane Dr. Badr Abdel-Atty.

22- Wasiirka Arrimaha Dibadda iyo Iskaashiga Caalamiga ah, Mudane Cabdisalaam Cabdi Cali, ayaa wadahadal dhanka taleefanka ah la yeeshay dhiggiisa, Comoros Mudane Mbae Mohamed.

23- Wasiirka Arrimaha Dibadda iyo Iskaashiga Caalamiga ah, Mudane Cabdisalaam Cabdi Cali, ayaa khadka taleefanka kula hadlay dhiggiisa Koonfur Suudaan, Mudane Monday Semaya Kenneth Kumba.

24- Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa si rasmi ah xarigga uga jaray Waddada Nasiib Buundo, qeybteeda degmada Shibis.

25- Wasiir Ku Xigeenka Arrimaha Gudaha, Federaalka iyo Dib-u-Heshiisiinta Mudane Cabdixakiin Xasan Ashkir, ayaa xilka u kala wareejiyay Agaasimihii Guud ee hore ee Wasaaradda Arrimaha Gudaha, Mudane Caydaruus Macallin Xasan, iyo Agaasimaha Guud ee cusub ee xilka loo magacaabay, Mudane Cabdulqaadir Cilmi.

26- Safiirka Soomaaliya u fadhiya Golaha Ammaanka Qaramada Midoobay, Danjire Abuukar Baalle, ayaa si cad uga digay Israa’iil inay ku xadgudubto madax-bannaanida Jamhuuriyadda Federaalka Soomaaliya.

27- Danjiraha Soomaaliya u fadhiya Cali Cabdi Awaare ayaa khudbad adag ka jeediyay, kulan degdeg ah oo ka dhacay xarunta Jaamacadda Carabta, kaas oo looga hadlayey tallaabada sharci-darrada ah ee Israel ee ka dhanka ah Soomaaliya.

28- Agaasimaha Guud ee Hay’adda Socdaalka iyo Jinsiyadda Mudane Mustafa Duhulow ayaa si rasmi ah u daah-furay banbax lagu diyaarinayo Qorshaha Waxqabad 2026 ee Hay’adda Socdaalka iyo Jinsiyadda oo uu halku dhigiisu ahaa (Adeeg Bixin Sahlan, Hufan, oo Tayo Leh).

29- Bannaanbaxyo loogu soo horjeedo faragelinta ka dhanka ah Israiil ayaa ka dhacey Magaalooyinka Muqdisho, Galmudug,Hirshabelle, Koonfuur Galbeed iyo Waqooyi Bari.

Agaasimaha Guud ee Wasaaradda Caafimaadka iyo Daryeelka Bulshada Galmudug, Dr. Abdiwali Mohamed Ahmed, ayaa si rasmi ah Golaha Wakiilada Galmudug u horgeeyay hindise-sharciyeedka nidaaminta iyo rukhsad-siinta mihnadlayaasha iyo xarumaha caafimaadka.

Hindise-sharciyeedkan ayaa ujeedkiisu yahay in la dhiso hannaan sharciyeed oo lagu hago maamulka xirfadlayaasha iyo xarumaha caafimaadka, si loo xaqiijiyo tayada adeegyada, heerka aqoonta iyo xirfadda adeeg bixiyeyaasha, iyo nidaam cad oo rukhsad-siineed.

Agaasimaha ayaa isagoo ka hadlayay Golaha Wakiilada Galmudug yiri:

“Hindise-sharciyeedkan waxa uu muhiim u yahay tayeynta iyo horumarinta adeegyada caafimaadka ee Galmudug, wuxuuna wax weyn ka tari doonaa nidaaminta iyo kor u qaadista tayada adeeg bixinta caafimaadka.”

Sidoo kale, Agaasimaha ayaa xusay in hindise-sharciyeedkan uu ka jawaabayo baahiyaha dhabta ah ee ka jira xarumaha caafimaadka, isla markaana uu xoojin doono isla-xisaabtanka iyo hufnaanta nidaamka caafimaadka.

Hindise-sharciyeedkan ayaa si gaar ah diiradda u saaraya:

Xoojinta isla-xisaabtanka iyo hufnaanta adeegyada caafimaadka
Kor u qaadista kalsoonida bulshada ee adeeg bixinta caafimaadka
Ilaalinta xuquuqda bukaanka iyo tayeynta adeegyada

Ugu dambeyn, Agaasimaha ayaa ka codsaday Golaha Wakiilada Galmudug in ay ansixiyaan hindise-sharciyeedkan, si uu u noqdo sharci rasmi ah oo lagu horumariyo nidaamka iyo tayada adeegyada caafimaadka ee Galmudug.