laba askari oo horay uga tirsanaa ciidamadii Serbiya ayaa shalay lagu xukumay min sided sano oo xarig ah ,ka dib markii lagu soo eedeeyay in ay dambiyo dagaal ay ka geysteen magaalada bariga Foca sanadkii 1992,halkaas oo lagu xasuuqay dad muslimiin ah oo u dhashay Bosniya.

Maxkamad ku taal Bosnia iyo Herzegovina ayaa xukuntay in Radovan Paprica iyo Slavko Ognjenovic, oo ka mid ahaa  ciidamadii Seerbiya intii lagu guda jiray dagaalkii Bosnia ee sanadihii 1992-1995, ay fuliyeen dambiyo ka dhan ah bini’aadanimada.

Bayaanka maxkamada ayaa lagu sheegay in Paprica iyo Ognjenovic ay kaqeyb qaateen weeraro qorshaysan oo lagu qaaday dadka rayidka ah ee Bosniya, isla markaana ay galeen dambiyo xadgudub ah sida galmo iyo xasuuq.

Ku dhowaad 3-kun oo rayid ah ayaa lagu dilay magaalada Foca iyo agagaarkeeda,iyadoo sidoo kale la gubay  guryo iyo masaajidyo.

UK ayaa sheegtay in ay ciidamo nabad ilaalin ah oo qeyb ka ah howgalka qaramada midoobe ee dalka Mali ay direyso

Ciidankan oo tiradooda ay tahay 300 askari ayaa ku biiraya howlgalka Minusma ee qaramada midoobe .

Maj Gen Nick Borton,  oo ah taliyaha howlgalka ciidanka UK ayaa sheegay in qatarta sii kordheysa ee kooxaha argagaxisada dalka Mali ay sababtay in UK ciidan u dirto dal u jira 2,500 Mile

Ciidanka Britain ayaa la geyn doonaa magaalada GAO ee ku taala bariga dalka Mali.

Saraakiisha ciidanka Britain ayaa sheegay howlgakan uu ka duwan yahay midkii Afgaanistaan oo ciidanka Britain uu ka soo gaaray qasaaro badan

Wasiirka Arrimaha Dibadda iyo Iskaashiga Caalamiga, Mudane Maxamed Cabdirisaaq Maxamuud Abuubakar, ayaa maanta oo Khamiis ah ku qaabilay xafiiskiisa uu ku leeyahay Wasaaradda ee Caasimadda Muqdisho, Safiirka Jamhuuriyadda aanu walaalaha nahay ee Turkiga, Mudane Mehmet Yilmaz.

Kulanka ayaa intii lagu guda-jiray waxaa looga hadlay arrimo dhowr ah oo khuseeya xiriirka labo geesoodka iyo iskaashi wadaagga ka dhexeeya labada dal, waxaa kale oo ay isla fallanqeeyeen arrimihii ugu dambeeyay xaaladaha gobolka iyo dunida.

Kulanka ayaa waxaa goob-joog ka ahaa Xoghayaha Joogtada Wasaaradda Arrimaha Dibadda iyo Iskaashiga Caalamiga, Mudane Danjire Maxamed Cali-Nuur Xaaji iyo Agaasimaha Waaxda Asia iyo Australia, Mudane Cabdisalaam Suleymaan Cabdi (Koodaar).

Waxaa maanta ku soo xirtey Dekedda Hobyo Doonni ganacsi oo u rarnayd ganacsato reer Galmudug ah, Doonnidan oo sidey xamuul iskugu jira Gawaari, Shidaal, cunooyin kala duwan iyo qalab dhismo ayaa waxaa dhammaantood lagu dejiyey iyada oo la isticmaalayo shactaro, wishash iyo agab kale oo loogu talo-galay howl-gelinta Dekedda KMG-ka ah.

Doonidan ganacsi ayaa waxa ay bilaw u ahayd qorshihii howlgelinta Dekadda KMG-ka inta laga gaarayo dhismaha Dekadda Casriga ah oo aan rajaynayno in ay bilaabato bilawga sanadka soo socda Insha Allah.

wasiirka dekadaha iyo kaluumeysiga Galmudug Cabdisabir shuuriye oo saxaafada la hadlay ayaa yiri

Waxa aan u mahadcelinayaa ganacsatada Shirkadda Baraarug oo aaminay Dekeddan KMG-ah kuna dhiiraday in ay hantidooda galiyaan howshan bilawga ah, waxaa aan dhinaca kale codsi u diraynaa ganacsatada kale ee reer Galmudug in ay ganacsigooda deegaanada kale qeyb ahaan u soo wareejiyaan Dekedda KMG ah ee Hobyo, annaga oo maamul ahaan ku soo dhaweynayna Adeeg Hufan iyo dhiirigelin wanaagsan.

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa kormeeray qeybaha kala duwan ee Dekedda Muqdisho oo kamid ah ilaha muhiimka ah ee dhaqaalaha dalka.

Ujeedka kormeerka ayaa ahaa sidii loo hubin lahaa adeegyada ay shacabka Soomaaliyeed u hayso dekeddu iyo in qiimeyn lagu sameeyo dhaqan galka heshiiskii lagu horumarinayay dekedda ee dhowaan ay kala saxiixdeen Dowladda Federaalka iyo Shirkadda Alberak .

Ra’iisul Wasaaraha ayaa warbixinno la xiriira howllaha socda ka dhageystay Wasaaradda iyo maamulka dekedda, waxayna warbixin guud ka dhiibeen adeegyada ay bulshada u hayaan, gaar ahaan isbadallada horumarineed ee qeybaha dekedda lagu sameynayo.

Eng. Rooble ayaa soo indha-indheeyey qeybaha kala duwan ee dekedda, waxuna boggaadiyey shaqada socota ee loogu adeegayo shacabka Soomaaliyeed, isagoo kula dardaarmay in la sii dardargeliyo.

Kormeerka ayaa waxaa ku weheliyey Ra’iisul Wasaaraha, Wasiirro ka tirsan Xukuumadda iyo Guddoomiyaha Gobolka Banaadir ahna Duqa Muqdisho Mudane Cumar Maxamuud Maxamed Filish.

Shirkada kaliya ee taleefanada ee ka jirta Dalka itoobiya ee lagu magacaabo Ethio -telecom ayaa sheegtay in adeegii taleefanada qeybo ka mid ah gobalka Tigray ee waqooyiga itoobiya uu iminka shaqeynayo.

Shirkadu waxay sheegtay taleefanada oo hawada ka maqnaa mudo 3 isbuuc ah sababo la xiriira xiisadaha ka jiray gobalka hada meelaha qaar ay shaqeynayaan inta dhimana ay gacanta ku hayaan.

Deegaanada Dansha,Turkan ,Humera,Shiraro,meytsebri iyo Maykadra ayaa taleefanada qeyb ahaan shaqeynayaan sida shirkada sheegtay.

Magaalada Alamata ayaa taleefanada si buuxda u shaqeynayaan.

Shirkadu waxa ay sheegtay in ay gacanta ku heyso dayac tirka qalabka isgaarsiinta ay waxyeeladu gaartay islamarkaana ay kaashaneyso shirkada korontada itoobiya oo ay tahay in ay adeega korontada soo celiso si ay taleefanada u shaqeeyaan meelaha dhiman ee gobalka

Maanta oo kale (3-da December) ee sandkii 2009 waa maalin dadka Soomaaliyeed aanan marnaba dareenkooda hilmaami doonin xasuuqii ka dhacay hotelka shamoow ee magaalada Mudisho oo ay ku nafwaayeen dad fabadan oo qeyb-ka ahaan indhaha bulshada Soomaaliyeed.

Dadkii ku shahiiday waxaa ka mid ahaa suxufiyiin, Arday, waalidiin, wasiirkii Caafimaadka Khamar Aadan Cali , Wasiirka tacliinta sare Ibrahim Xasan Caddow, wasiirkii waxbarashada Axmed Cabdulaahi Waayeel, iyo dhaqaatiir caan ah ee uu ka mid ahaa Professor Maxamed Aadan oo loo yaqiin Dr. Shahiid.

Wasiirka waraafinta dhaqanka iyo dalxiiska xukumadda federaalka Soomaaliya Cismaan Abuukar Dubbe oo ka hadlay sida dadka Soomaaliyeed ay utaabatay dhacdadaan ayaa sheegay in weeraarkaasi lagu waayay xubnihii ugu muhiimsanaa dowladda iyo ubuxii dalka.

“Xubnihii ugu muhiimsanaa ee dowladda iyo indhihii bulshada ayaan ku weynay masiibadii Hotelka shaamow hase ahaatee kuwii ka dambeeyay falkaasi iyana kama dambeynin oo waa la arka waxa ay dalkaan ka yihiin waana uga tacsiyadeynaa inagoo shuhadado alle uga baryeyna janadiisa Fowso ayuu hadalkiisa ku daray

Wasiirka maaliyadda ee xukumadda federaalka Soomaaliya Dr. Cabdiraxmaan Ducaale Bayle ayaa sheegay in kow iyo toban sano ka dib wali ay dadka Soomaaliyeed dareemayaan xanuunka xasuuqii hotelka Shaamow.

“Kow iyo toban sano kadib waan dareemeynaa xasuuqii foosha xumaa ee ka dhacay Hotelka shaamoow waxaana ay aheyd mid taabatay quluubta shacabka Soomaaliyeed ayuu yiri wasiirka Bayle.

Wasiiru dowlaha arrimaha dibadda oo aaladda fogaan aragga uga qeyb-galay shir aan caadi ahayn oo ay yeesheen wasiirrada arrimaha dibadda Afrika

Wasiiru dowlaha arrimaha dibadda iyo iskaashiga caalamiga, Mudane Balal Maxamed Cusmaan, ayaa kaga qeyb-galay aaladda fogaan aragga kaltanka 21-aad shir aan caadi ahayn oo uu yeeshay golaha fulinta Ururka Midowga Afrika oo looga hadlay aaga ganacsiga Xorta ah ee Afrika (AfCFTA) iyo fulinta hindisaha Midowga Afrika ee 2020 ee aamusinta qoriga.

Wasiiru dowlaha arrimaha dibadda iyo iskaashiga caalamiga ayaa muujiyay rabitaanka Soomaaliya iyo shucuubta qaaradda si loo hirgeliyo aagga ganacsiga xorta ah si ay u suuragasho in dalalka qaaradda Afrika ay is-weydaarsadaan badeecooyin iyo adeegyo si aan caqabad ku jirin si loo gaaro is-dhexgal dhaqaale oo waxtar leh oo macnaheedu yahay xilli cusub oo iskaashi qaaradeed ah.

22 Maarso, 2018 ayaa Soomaaliya ay ku saxiixday caasimadda Kigaali ee dalka Ruwaanda labo heshiis oo kala ahaa Aaga Ganacsiga Xorta ah ee Afrika iyo Hab maamuuska isku socodka xorta ah ee Dadka.

Wasiirka Wasaarrada Arrimaha Gudaha Federaalka iyo Dib-u-heshiisiinta XFS, General Mukhtaar Xusseen Afrax iyo Wafdi uu hogaaminayo ayaa u ambabaxay deegaannada ay colaaduhu ka jiraan Gobolka Hiiraan ee Maamul Goboleedka Hir-Shabeelle.

Wafdiga Wasiirka ayaa ku hormaraya Magaaladda Beledween si ay uga sii gudbaan deegaanka Nagaarta Ee hoos tago Degamada Matabaan si uu uga qayb qaato joojinta colaadda halkaas ka taagaan wasiirka ayaa ku baaqay in si-sharuud la’aan ah lagu joojiyo dagaalka u dhexeeya beelaha walaalaha ah ee ka socdo deegaanno hoos yimaada degmada Matabaan , Gobolka Hiiraan ee maamulka Hir-Shabeelle.

Waxa uu ugu baaqay odayaasha iyo dhinacyada ku diriraya deegaankaas in ay la shaqeeyaan ciidamada Dowlada ee gaaray Halkaas si ay ugu fududaato joojinta dhiiga daadanaya.

Wasiirka ayaa inta uu ku jiro socdaalka nabaddoonimo waxa uu sidoo kale tegayaa deeganada hoose tago Degmada Beledweyne si uu uga qeyb qaato dadaallada lagu xoojinayo Nabadda, iyo is dhex galka Bulshada.