Search
Subscribe
Home Blog Page 551

Doorashada qaar kamid ah kuraasta Aqalka Sare oo ka dhaceysa Jowhar

Liibaan Lugcad
-
0
Doorashada qaar kamid ah kuraasta Aqalka Sare oo ka dhaceysa Jowhar

Maanta oo Talaado ah ayaa waxaa lagu wadaa in Xildhibaannada Baarmaanka dowlad Goboleedka Hir-Shabeelle ay doortaan Xubno kamid ah Xildhibaannada Hir-Shabeelle ku matala Aqalka Sare .

Shalay 27 musharax oo ku tartamaya 8 kursi oo kamid ah Aqalka Sare ayaa Baarlamaanka Hir-Shabeelle waxaa ay u jeediyeen khudbadahooda musharaxnimo, iyaga oo soo bandhigay waxyaabaha uu qof walba qaban doono hadii uu guuleysto.

Saddex kamid ah kuraasta Aqalka Sare ee Hir-Shabeelle ayaa doorashadoodu tahay mid xiiso gaara leh, waxaana difaacanaya Sanoterada kala ah, Muuse Suudi Yalaxoow, Dr Cusmaan Maxamuud Dufle iyo Naciimo Ibraahim, kuwaas oo ku fadhiyay kuraastaan Afartii sano ee la soo dhaafay.

27 Musharax ee ku tartami doona 8 kursi ee Maamulka Hir-Shabeelle ku matalaya Aqalka Sare ayaa waxaa ay Magacyadooda kala yihiin.

1. Muuse Suudi Yalaxow

2. Cabdullahi Sheekh Xasan

3. Axmed Xasan Cadow Daaci
4. Dr. Xasan Cadaay Cali

1. Maxamed Amiiin Sheekh Cusmaan oo Afartii sano ee la soo dhaafay ku fadhiyay kursigaan

2. Daaha Muhudiin Sheekh Daa’uud

3. Axmed Maxamed Cal (Afcadeey)
4. Yussuf Macallin Xasan (Filla-Dheere)

1. Maxamed Axmed Nuur (Tarsan)

2. Raage Xasan Cusmaan (Xuut))

3. Dr. Cusmaan Maxamuud Maxamed (Dufle)

1. Prof. Maxamed Cusmaan Dhega-Juun
2. Nuur Maxamed Geedi (Canjeex)

1. Call Shacbaan Ibraahim

2. C/Qaadir Xanafi Sheekth Bashir

3. Cabdullahi Axmed Tawaad

4. Caasho Xuseen Abuukar

5. Cabdalle Cabdi Xuseen

1. Xasan lidow Muxumed Kobac

2. Cusmaan Axmed Macow

3. Cabdinuur Ibraahim Nuur

1. Fartuun C/Qaadir Faarah Karaama

2. Sacdlya Yarrow Aadan

1. Nacimo Ibraahim Yuusuf

2. Zamzam Cabdullahi
Xuseen

3. Maxamed Macallin Xasan Kulmiye

4. Abuukar Xasan Call ( Maqaneey

Ammaanka Magaalada Jowhar ayaa aad loo adkeeyay, waxaana Goobta doorashada goobjoog ka noqon doona Xubno ka socda Guddiyada doorashooyinka Heer Federaal iyo xalinta khilaafaadka.

R/Wasaare Rooble oo la kulmay Guddiga Doorashooyinka Heer Federaal

Liibaan Lugcad
-
0
R/Wasaare Rooble oo la kulmay Guddiga Doorashooyinka Heer Federaal

Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble ayaa kulan la qaatay xubno ka tirsan ka tirsan Guddiga Maamulka Doorashooyinka Heer Federaal (FEIT).

Guddiga doorashooyinka ee uu la kulmay Ra’iisul Wasaare Rooble ayaa Warbixin ka siiyay Halka ay marayaan howlaha Doorashada, iyagoo sidoo kale usoo jeediyey codsiyo la xiriira fududeynta Howlaha Doorashooyinka.

Ra’iisul Wasaaraha Xukuumadda Federaalka ah ee Soomaaliya ayaa guddiga Doorashooyinka uga jawaabay Codsiyadooda waxaana la isla gartay in ay muhiim tahay habsi u socodka Doorashooyinka Dalka.

Gabar Soomaali ah oo ka mid noqotay baarlamaanka dalka Norway

Liibaan Lugcad
-
0
Gabar Soomaali ah oo ka mid noqotay baarlamaanka dalka Norway

Gabar Soomaaliyeed ayaa noqotay qofkii ugu horeeyey ee Afrikaan ah ee loo doorto xildhibaan ka tirsan baarlamanka dalka Norway.

Haweenaydaas oo la yiraahdo Marayn Cabdi Xuseen ayaa sheegtay in ay siyaasadda u gashay duruufo haysta bulshada ay ka dhalatay iyo guud ahaan ba shacabka dalkaas oo ay rumaysan tahay in ay wax ka qaban karto hadii ay haatan ku guulaysatay in ay ka mid noqoto baarlamaanka.

Hase yeeshee waxay ku nuuxnuuxsatay in dadka codkooda siiyey aanay Soomaali oo keliya ahayn ee shacabku ku midaysnaayeen.

Hoggaamiyaha kooxdii qarxisay masaajidka Daarul-Faaruuq oo xukun adag lagu riday

Liibaan Lugcad
-
0
Hoggaamiyaha kooxdii qarxisay masaajidka Daarul-Faaruuq oo xukun adag lagu riday

Hoggaamiyaha maleeshiyadii weerarkii qaraxa ahaa kusoo qaaday Masaajidka Darauf Faaruuq ee magaalada Bloomington ee gobolka Minnesota oo la yiraahdo Emily Haris ayaa lagu xukumay 53 sanadood oo xabsi ah, kaddib markii lagu helay dhammaan dambiyadii lagu soo eedeeyay.

Dacwad-oogeyaasha ayaa ku rajo weynaa in Emily Haris, oo magaciisa afgarashada uu ahaa Micheal Haris in lagu xukumo xabsi daa’in, maadama uu hoggaaminayay kooxda weerarka ku soo qaaday masaajidka Daarul Faaruuq.

“Waa Illahey Mahadi in maanta la xukumay raggii ku soo duulay oo qarxiyay Masaajidka Daarul-Faaruuq, waa guul u soo hoyatay Muslimiinta Minnesota” ayuu yiri Imaam Maxamed Maxamuud Maxamed Carab oo ah Mamaulaha Masaajidka.

Andres Folk oo ah ku-simaha xeer-ilaaliyaha maxkamadda heer Federaal ee gobolka Minnesota ayaa sheegay in dhammaan dadkii ay wareysteen ay isku raaceen xanuunka iyo niyad jabka weerarkan oo ahaa mid “islaam naceyk ahaa”.

Garsooraha maxakamadda Federaalka Donovan Frank oo ku dhawaaqay xukunka Haris oo 50 -jir ah ayaa sheegay in weerarkaas uu ahaa mid argagixiso ah.

Jaaliyadda Soomaaliyeed iyo hoggaamiyehaasha Muslimiinta Minnesota ayaa soo dhaweeyay xukunkii shalay oo baritaankiisu socday sadex sano iyo bar.

Masaajidkaa Daarul Faaruuq ayaa la weeraray bishii August ee sanadkii 2017.

Gabar Soomaaliyeed oo wacdaro ka dhigtay munaasabad lagu casuumay dadka ugu caansan dunida

Liibaan Lugcad
-
0
Gabar Soomaaliyeed oo wacdaro ka dhigtay munaasabad lagu casuumay dadka ugu caansan dunida

The Met Gala – oo ah mid ka mid ah dhacdooyinka ugu waaweyn dunida oo ay ka soo qayb galaan dad badan oo caan ah, ayaa waxa ka soo muuqatay Imaan Cabdulmajid oo ah haweenay Soomaali ah oo ku labisnayd dhar aad soo jiitay ka soo qayb galayaasha munaasabadda .

Munaasabaddan oo loo qabtay si lacag loogu aruuriyo Matxafka Metropolitan Museum of Art’s Costume Institute ayaa sanadkan dib loo furay ka dib markii la hakiyay sanadkii hore sababa la xiriira cudurka safmarka ee korona.

Iman Cabdulmajid waxay ku dhalatay magaalada Muqdisho 25 July 1955-kii . waa gabdh dharka xayeysiiso, jilaa iyo ganacsato.

Jaamacadda Carabta oo doorashooyinka Soomaaliya u ballan-qaaday taageero maaliyadeed

Liibaan Lugcad
-
0
Jaamacadda Carabta oo doorashooyinka Soomaaliya u ballan-qaaday taageero maaliyadeed

Wasiirka Arrimaha Dibadda iyo Iskaashiga Caalamiga, Mudane Maxamed Cabdirisaaq Maxamuud, ayaa ku tilmaamay shirkii Jaamacadda Carabta ee heer Wasiir Arrimo Dibadeed ee ku qabsoomay Magaalada Qaahira intii u dhexeysay 9-10 September mid miro dhal ah, iyadoo looga dooday ajandaha ah in dhaqaale lagu taageero doorashooyinka Soomaaliya, Arrinta Falastiin, xaaladihii ugu dambeeyay wadamada Suuriya, Yemen, Liibiya iyo Lubnaan, iyo mowduucyo kale oo muhiim ah.

Wasiirrada Arrimaha Dibadda Carbeed ayaa waxa ay isku raaceen, kalfadhigoodii caadiga ahaa ee 156 -aad, oo uu shir -guddoominayay Wasiirka Arrimaha Dibadda ee Dowladda Kuwait, Sheikh Dr. Ahmad Nasser Al-Mohammad Al-Sabah, in doorashada Soomaaliya laga taageero dhanka dhaqaalaha iyo farsamada, si loo dhameystiro ka hor dhammaadka sanadkaan 2021-ka.

Wasiirka Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya ayaa hadal uu ka jeediyay Shirka Wasiirrada Arrimaha Dibadda Carabta waxa uu caddeeyay in Xukuumadda Federaalka Soomaaliya ay ka sugeyso ka qeybqaadasho dhab ah oo hore loogu dhaqaajinayo geeddi -socodka doorashada iyo taageerada maaliyadeed iyo farsamo, taas oo loo tixgelin doono inay tahay farriin cad oo ku socota dadka Soomaaliyeed iyo beesha caalamka si loo xaqiijiyo ahmiyadda dalalka Carabta ee walaalaha ah ay ugu fadhido Soomaaliya si ay uga gudubto caqabadaha jira.

Wasiir Maxamed Cabdirisaaq ayaa hadalkiisa sii raaciyay in Soomaaliya ay ku tallaabsatay horumar weyn sanadihii la soo dhaafay, balse ay weli u baahan tahay taageerada walaalaheeda Carbeed si loo horumariyo, dibna loogu dhiso hey’adaha dowladda, loona sii wado hirgelinta barnaamijyada mudnaanta leh ee ku suntan kor u qaadista qiyamka dimuqraadiyadda, xukunka oo si nabadgelyo ah la iskugu xil-wareejiyo iyo qabashada doorashooyin (iyadoo doorashada Aqalka sare ay bilaabatay , waxaa xigi doona doorashada Golaha Shacabka, kadibna doorashada Madaxweynaha) , iyo sidoo kale taageeridda hey’adaha dawladda, dib-u-dhiska dalka, deyn cafinta, iyo maalgelinta qeybaha muhiimka ah sida xoolaha, beeraha iyo kaluumaysiga.

Soomaaliya ayaa ka codsatay wadamada Carabta in ay bixiyaan qarash dhan $12 milyan oo doolar oo ka qeyb ah 29 milyan ee loo qorsheeyay in lagu socodsiiyo howsha doorashada.

Markii ugu horreysay tan iyo markii ay burburtay dowladdii dhexe ee Soomaaliya sanadkii 1991, Soomaaliya waxa ay bixin doontaa lacagta ugu badan ee doorashooyinka baarlamaaniga iyo tan madaxweynaha, iyadoo dalalka reer galbeedka ay bixiyeen 7.7 milyan oo doolar oo ay soo marsiiyeen Qaramada Midoobey, halka lacagta laga uruurin doono musharrixiinta lagu qiyaasay 8.2 milyan oo doollar, taas oo ka dhigaysa Soomaaliya inay bixiso lacagta ugu badan ee miisaaniyadda guud ee loo qoondeeyay doorashooyinka.

Dhanka kale, Wasiirka Arrimaha Dibadda Soomaaliya ayaa wadahadal labo dhinacle ah la yeeshay dhiggiisa Kuwait, Sheikh Dr. Ahmad Nasser Al-Mohammad Al-Sabah, isagoo sidoo kale khadka teleefoonka kula hadlay dhigaggiisa Qatar iyo Saldanada Cumaan, Sheikh Mohammad bin Abdulrahman Al-Thani iyo Sayyid Badr bin Hamad bin Hamood Albusaidi, waxa uu kala hadlay horumarinta xiriirka laba geesoodka iyo fursadaha iskaashi ee heer walba leh iyo xoojinta isku-duwidda si loogu adeego dano wadaagga.

 

Ra’iisul Wasaare Rooble oo guddoomiyay kulan ay yeesheen madaxda Golaha Wadatashiga Qaran “SAWIRRO”

Liibaan Lugcad
-
0
Ra’iisul Wasaare Rooble oo guddoomiyay kulan ay yeesheen madaxda Golaha Wadatashiga Qaran “SAWIRRO”

Ra’iisul Wasaaraha Xukuumadda Federaalka Soomaaliya  Mudane Maxamed Xuseen Rooble ayaa guddoomiyay kulan ay yeesheen madaxda Golaha Wadatashiga Qaranka oo looga hadlay dardargelinta arrimaha doorashooyinka dalka iyo bilaabista doorashada Golaha Shacabka ee Baarlamaanka Federaalka Soomaaliya.

Shirka waxaa goobjoog ka ahaa Madaxweyneyaasha Dowlad-goboleedyada Galmudug Axmed Cabdi Kaariye Qoor Qoor iyo Madaxweynaha Koofur Galbeed Cabdicasiis Xasan Maxamed Laftagareen, halka ay habka fogaan aragga uga qeyb galeen madaxweyneyaasha Puntland  Saciid Cabdullaahi Deni, Jubbaland Axmed Maxamed Islaam iyo Hirshabelle Cali Cabdullaahi Xuseen Guudlaawe.

MADAXWEYNE DENI OO GUDDOOMIYE IYO GUDDOOMIYE KU-XIGEEN U MAGACAABAY DEGMADA QARDHO

Liibaan Lugcad
-
0
MADAXWEYNE DENI OO GUDDOOMIYE IYO GUDDOOMIYE KU-XIGEEN U MAGACAABAY DEGMADA QARDHO

Madaxweynaha Dowlad Goboleedka Puntland Mudane Siciid Cabdullaahi Deni, ayaa soo saaray Xeer Madaxweyne Lr. 26 ee 12ka September 2021, kuna saabsan kala dirid Golaha Deegaanka Degmada Qardho iyo Magacaabid Guddoomiye iyo Guddoomiye Ku-xigeen Degmada Qardho.

Madaxweynaha Dowladda Puntland

Markuu arkay: Dastuurka Dowlad Goboleedka  Puntland Qodobkiisa 80aad.

Markuu garawsaday: In ay dhamaatay muddo xileedka Golaha Deegaanka Degmada Qardho

Markuu tixgeliyey: Aqoontooda, kartididooda iyo waayo-aragnimadooda shaqo

Wuxuu xeeriyey:

1. Waxaa la kala direy Golaha Deegaanka Degmada Qardho

2. Waxaa Maxamed Faarax Abdiseed (Buraale) si ku meel gaar ah loogu magacaabay Guddoomiyaha Degmada Qardho.

3. Waxaa Maxamuud Maxamed Ciise si ku meel gaar ah loogu magacaabay Guddoomiye ku-xigeenka Degmada Qardho.

Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

Ciidanka Danab oo howlgalo ka wada deegaano hoos yimaado Degmada Jalalaqsi

Liibaan Lugcad
-
0
Ciidanka Danab oo howlgalo ka wada deegaano hoos yimaado Degmada Jalalaqsi

Ciidanka Danab ayaa howlgalo kala duwan ka wada deegaano hoos yimaado Degmada Jalalaqsi ee Gobolka Hiiraan.

Howlgaladaan ayaa u jeedka waxaa uu yahay sidii maleeshiyaadka looga sifayn lahaa wadooyinka iyo tuulooyinka hoos yimaado Degmooyinkaasi.

Sidoo kale howlgalka ayaa waxaa uu ka socdaa wadada laamiga ee ka timaado Magaalada Muqdiaho.

Saraakiisha howlgalada hogaaminaayay ayaa waxaa ay sheegeen in Ciidanka ka go’an tahay in dhamaan degaanada ay ka saaraan deegaanadaasi.

Alshabaab ayaa mudooyinkaan waday weeraro ay ku dhibaataynayaan dadka shacabka ah ee reer miyiga ah.

Ra’iisul Wasaare Rooble  oo qaabilay wafdi  ka socday QM “SAWIRRO”

Liibaan Lugcad
-
0
Ra’iisul Wasaare Rooble  oo qaabilay wafdi  ka socday QM “SAWIRRO”

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa qaabilay wafdi sare oo ka socday QM oo ay hoggaamineysay Ku-xigeenka Xoghayaha guud ee QM Amina Jane Momamed.

Kulanka oo ay ka qeyb galeen madaxda Golaha Wadatashiga Qaranka, ayaa looga hadlay arrimo ay ka mid yihiin horumarrada ka jira Soomaaliya, arrimaha doorashooyinka, amniga, horumarinta dhaqaalaha, arrimaha bulshada.

1...550551552...1,568Page 551 of 1,568

© 2023 Telefishinka Qaranka Soomaaliyeed