Search
Subscribe
Home Blog Page 469

Soomaaliya iyo Mareykanka oo kala saxiixday is-afgarad dhanka horumarinta ciidanka Xoogga dalka

Muse Abdullahi Cirro
-
0
Soomaaliya iyo Mareykanka oo kala saxiixday is-afgarad dhanka horumarinta ciidanka Xoogga dalka

Wasiirka Gaashaandhigga xukuumadda Federaalka Soomaaliya Mudane Cabdulqaadir Maxamed Nuur iyo Safiirka Maraykanka ee u fadhiya Soomaaliya Mudane Larry André ayaa magaalada Muqdisho ku kala saxiixay is-afgarad ku aadan horumarinta iyo garab istaagga ciidanka Xoogga Dalka iyo xoojinta dagaalka Khawaarijta.

“Waxaan maanta aniga iyo Danjiraha Mareykanka Mudane Larry André is-afgarad ku kala saxiixanay magaalada Muqdisho, kaas oo gundhiggiisu yahay dhisidda ciidamada XDS ee Danab. Waxaan Isku afgaraney xoojinta dagaalka lagula jiro Khawaarijta” ayuu yiri Wasiirka Gaashaandhigga XFS.

Wasiir Cabdiqaadir Maxamed Nuur ayaa sheegay in ahmiyadda is-afgaradkan uu yahay in tababbar iyo qalabeyn loo sameeyo ciidanka Danab, si loo gaaro isku filnaansho ay ciidanka xoogga dalka kula wareegi karaan guud ahaan amniga dalka.

Mudane Cabdiqaadir Maxamed Nuur ayaa dowladda Mareykanka uga mahadceliyay taageerada ay siiyaan dowladda Soomaaliya, gaar ahaan ciidamada Danab, isagoo intaa ku daray Wasiirku in dowladda Soomaaliya ayka go’antahay dhismaha iyo tayeynta ciidamada xoogga dalka.

Munaasabadda ay heshiiska ku kala saxiixanayeen wasiirka Gaashaandhigga Soomaaliya iyo Safiirka dowladda Mareykanka ee Soomaaliya ayaa waxaa goob joog ka ahaa Taliye ku-xigeenka ciidamada Xoogga dalka Soomaaliyeed Jeneraal Cabaas Amiin.

Mareykanka oo Niger ka taageeraya dagaalada ay kula jirto kooxaha jihaad doonka ah

Muse Abdullahi Cirro
-
0
Mareykanka oo Niger ka taageeraya dagaalada ay kula jirto kooxaha jihaad doonka ah

Xoghayaha Arrimaha Dibadda ee Maraykanka Antony Blinken ayaa booqanaya dalka Niger ,lugtii labaad ee booqashadiisa kooban ee uu ku marayo wadamada Afrika.

Waxaa la filayaa in uu ku dhawaaqo taageero dheeraad ah oo uu Maraykanku siinayo dagaalka ay Niger kula jirto jabhadda jihaad doonka ah oo malaayiin qof ku qasbay in ay ka qaxaan guryahoodii gobolka Saaxil.

Mr Blinken ayaa ka mid ah saraakiil badan oo Mareykan ah oo booqasho ku tagay qaaradda Afrika bilihii la soo dhaafay,waxayna doonayaan Maraykanku waxa uu meesha ka saaro saamaynta Shiinaha iyo Ruushka ay ku leetihiin Afrika.

Madaxweynaha dalka Niger Mohamed Bazoum ayaa dhigiisa Mareykanka waxa uu sanadkii hore ku amaanay dhismaha dimoqraadiyada dalkaasi oo marar badan ay ka dhaceen afgambi militari.

 

Taliyaha Ciidanka Booliska oo kormeeray xarunta fadhiga Ciidanka gaarka ah ee Goodir

Muse Abdullahi Cirro
-
0
Taliyaha Ciidanka Booliska oo kormeeray xarunta fadhiga Ciidanka gaarka ah ee Goodir

Taliyaha Ciidanka Booliiska Soomaaliyeed, Sareeye Guuto. Sulub Axmed Firin, ayaa kormeeray Taliska Qeybta La-dagaalanka Argagixisada gaar ahaan fadhiga Ciidanka gaarka ah ee Goodir (RRT).

Kormeeka taliyaha ayaa ku saabsan u kuurgelidda xaaladaha shaqo ee taliska iyada oo Bishii Ramadaan fooda nagu soo hayso,taliyaha ayaa dhanka kale kormeeray Ciidan dhawaan koorso tababar meheradeed loogu furay Akademiyada Booliiska ee Sareeye Guuto Kaahiye.

Madaxweynaha Xasan Sheekh oo furay shirka golaha madasha wadatashiga qaran

Muse Abdullahi Cirro
-
0
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta magaalada Baydhabo ee xarunta ku meelgaarka Dowlad Goboleedka Koonfur-galbeed ka furay shirka Golaha Wadatashiga Qaran.
Shirka Golaha Wadatashiga Qaran ee Baydhabo waxaa lagu lafo-guri doona qaab dhismeedka amniga qaranka, hannaanka federaaleynta maaliyadda, doorashooyinka heer Federaal iyo heer dowlad-goboleed.
Shirkan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku Xigeenka Xukuumadda Mudane Salah Jama iyo Madaxweynayaasha Dowlad-Goboleedyada, Koonfur-Galbeed Mudane Cabdicasiis Xasan Maxamed, Hirshabeelle Mudane Cali Guudlaawe Xuseen, Jubbaland Mudane Axmed Maxamed Islaam, Galmudug Mudane Axmed Cabdi Kaariye iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.

Wasiirka Warfaafinta XFS Daa’uud Aweys oo faahfaahin ka bixiyay Shirka ka furmaya magaaladda Baydhabo

Muse Abdullahi Cirro
-
0
Wasiirka Warfaafinta XFS Daa’uud Aweys oo faahfaahin ka bixiyay Shirka ka furmaya magaaladda Baydhabo

-Shirka Madasha wada tashiga qaranka ayaa magaalada Baydhabo maanta ka fumaya waxaan shir guddoominaya madaxweynaha jamhuuriyadda Federalka Soomaaliya iyadoo ay ka qayb galayaan  madaxweynayaasha dowladda goboleedayada Soomaaliya.

“Waxaa diirada lagu saaraya shir arrimaha amniga ,midaynta maaliyadda maamul goboleedayada iyo dhowladda dhexe ay ku wada shaynayaan,arrimaha doorashooyinka iyo sameynta nidaamayo doorasho oo dalku yeesh taas oo qayb ka ah kulamadda ay yeelanayaan madaxweynaha XFS iyo kuwa maamul goboleedayadda oo ajandah shirka qayb ka ah.

Sidoo kale,madaxweynaha jamhuuriyadda iyo madaxda heer dowlad goboleed ayaa ka arrinsanaya qorsheyaasha muhiimka u ah geeddi socodka dowladnimada iyo horumarka dalka,shirkan ayaa ah shirkii shanaad ee madashan oo gabagabada Shirka madasha wada tashiga qaran laga filaya in ay natiijo wanaagsan ka soo baxdo,” waxaa sida yiri wasiirka warfaafinta Soomaaliya Daa’uud Aweys oo la hadlay warbaahinta qaranka.

 

Kuuriyada Waqooyi oo tijaabisay gantaal ah nuuca riddada dheer ka hor wadahadallada Japan iyo Kuuriyada Koonfureed

Muse Abdullahi Cirro
-
0
Kuuriyada Waqooyi oo tijaabisay gantaal ah nuuca riddada dheer ka hor wadahadallada Japan iyo Kuuriyada Koonfureed

Kuuriyada Waqooyi ayaa  tijaabisay mid ka mid ah  gantaalada riddada dheer ee isaga gudbah qaaradaha oo loo yaqaan  (ICBM) saacado ka hor inta aysan wada-hadallo taariikhi ah  yeelan hoggaamiyeyaasha Kuuriyada Koonfureed iyo Japan.

Gantaalkaan ayaa noqonay kii afraad ee ay Pyongyang  tijaabiso  toddobaad gudihiis,waxaana uu ku soo beegmayaa xilli Maraykanka iyo Kuuriyada Koonfureed ay si wadajir ah u sameynayaan dhoolatus ciidan oo  dhanka badda ah.

Maraykanka iyo Kuuriyada Koonfureed waxa ay dhoolatusyo ka wadeen gacanka Kuuriya – oo ah xulafada ugu weyn muddo shan sano ah,Kuuriyada Waqooyi ayaa marar badan sheegtay in ay dhoolatusyada noocaan ah ay  u aragto daandaansi.

Gantaalka ayaa subaxnimadii hore ee Khamiista laga soo tuuray  Pyongyang oo ku taal xeebta bari ee Kuuriyada Waqooyi, sida ay warbaahinta u sheegeen saraakiisha ciidamada ee Kuuriyada Koonfureed.

Wasaaradda difaaca ee Japan ayaa xaqiijisay in nooca ICBM uu yahay,waxayna sheegtay in laga soo tijaabiyay meel ka sarreysa 6,000 km isagoona ku dhacay meel ka baxsan Aagga dhaqaalaha gaarka ah ee dalka Japan,Saraakiisha  ciidamada Japan ma aysan sheegin wax khasaare ah oo ka dhashay gantaalka.

Mr Yoon ayaa amar ku bixiyay in ay sii wadaan militariga dalkiisa dhoolatuska wadajirka ah ee Mareykanka ay la sameynayaan  sida loo qorsheeyay,gantaalka Kuuriyada waqooyi ee loo yaqaan ICBM oo ay tijaabisay ayaa abuuray kulan degeg ah oo ay iskugu yimaadan dalalka ku bahoobay G7 iyo Qaramada Midoobay waxaan lagu cabaariyay  falka ay Pyongyang ku dhaqaaqday ee tijaabada gantaalka  ICBM loo yaqaan,labada dal ayaa sheegay in ay isugu yeeri doonaah golayaasha Amniga ka dib markii Pyongyang ay hawada u dirtay toddobaad gudihiis gantaalkii afaraad oo tijaabo ah.

Kuuriyada Woqooyi ayaa horumarin ka sameysay istaraatiijiyadeeda hubka Nukliyeerka iyadoo u Kim Jong-un, kormeeray qaybo badan oo ka mid ahaa dhowr barnaamij oo lagu hormarinayay madaxyada xanbaarah  hubka Nukliyeerka.

 

Wasiirka Gaadiidka iyo Duulista Hawada oo ka qayb gashay shir ka furmay Mareykanka

Muse Abdullahi Cirro
-
0
Wasiirka Gaadiidka iyo Duulista Hawada oo ka qayb gashay shir ka furmay Mareykanka

Wasiirka Wasaaradda Gaadiidka iyo Duulista Hawada Xukuumadda Faderalka Soomaaliya Xildhibaan Fardawso Cismaan Cigaal ayaa magaalada Washintong DC ee dalka Mareykanka kaga qeyb gashay shirweynaha horumarinta gaadiidka Adduunka, kaas oo ka dhacay xarunta Bankiga Adduunka.

Maanta waxaa jiray dood-wadaag ay ka mid ahayd Wasiir Fardawso, iyadoo soo bandhigay horumarka iyo caqabadaha haysta Gaadiidka Soomaaliya haysto, saameynta isbeddelka cimilada iyo Covid 19, kuwaas oo dib u dhac wayn ugastay hannaanka Gaadiidka Dalkeennu.

Guddiga Dhaqaalaha, Maaliyadda, Ganacsiga,ayaa maanta xafiiskooda ugu yeeray Wasiir Dowlaha Wasaaradda Boostada iyo Isgaarsiinta

Yoonis Duraan
-
0
Guddiga Dhaqaalaha, Maaliyadda, Ganacsiga,ayaa maanta xafiiskooda ugu yeeray Wasiir Dowlaha Wasaaradda Boostada iyo Isgaarsiinta

Guddiga Dhaqaalaha, Maaliyadda, Ganacsiga, Warshadaha, Isgaarsiinta iyo Dalxiiska Aqalka Sare, oo gacanta ku haaya Hindise Sharciyeedka Dhowrista Xogta, ayaa maanta xafiiskooda ugu yeeray Wasiir Dowlaha Wasaaradda Boostada iyo Isgaarsiinta, Mudane Axmed Cismaan Diiriye si uu uga jawaabo su’aalo dheeraad ah oo ay uga baahdeen sharciga.

Senator Ibraahim Owgaab Cismaan Guddoomiyaha Guddiga oo kulanka shirguddoominayay iyo Senator Layla, ayaa Wasiir dowlaha hor dhigay faalooyin iyo su’aalo ka soo noqday sharciga howrista Xogta Akhrintiisii labaad oo ay qabeen Sanatarrada Aqalka Sare, isaga oo wasiirkuna ka jawaabay dhammaan su’aalihii la waydiiyay.

Xubnaha guddiga iyo wasiirka oo isla gartay waxyaabihii ay sharciga dhowrista guddigu ka qabeen, ayaa ku ballamay wada shaqeyn dheeraad ah oo dhex marta labada dhinac.

Guddiga Khayraadka Qaranka, kaabayaasha Dhaqaalaha iyo Gaadiidka Aqalka Sare, ayaa maanta xafiiskooda ugu yeeray Wasiirka Kalluumeysiga

Yoonis Duraan
-
0
Guddiga Khayraadka Qaranka, kaabayaasha Dhaqaalaha iyo Gaadiidka Aqalka Sare, ayaa maanta xafiiskooda ugu yeeray Wasiirka Kalluumeysiga

Guddiga Khayraadka Qaranka, kaabayaasha Dhaqaalaha iyo Gaadiidka Aqalka Sare, ayaa maanta xafiiskooda ugu yeeray Wasiirka Kalluumeysiga iyo Dhaqaalaha Buluugga ah, Mudane Axmed Xasan iyo xubno kale oo la socday.

Kulanka oo ay shir guddoominaysay Guddoomiyaha Guddiga Khayraad Qaranka Aqalka Sare, Senator Saynab Ismaaciil Maxamed, ayaa u jeedadiisu ahayd turxaan bixin iyo ka jawaabista su’aalo dheeraad ah oo xubnaha guddigu ay uga baahdeen Hindise Sharciyeedka Horumarinta Iyo Maareynta Kaluumaysiga dalka.

Wasiirka Warfaafinta oo kulan sagootin ah la qaatey Madaxa UNDp Soomaaliya

Yoonis Duraan
-
0
Wasiirka Warfaafinta oo kulan sagootin ah la qaatey Madaxa UNDp Soomaaliya

Wasiirka Warfaafinta, Dhaqanka iyo Dalxiiska ee Xukuumadda Federaalka Soomaaliya, Mudane Daud Aweis Jama ayaa magaalada Muqdisho kulan sagootin ah kula qaatey Madaxa Xafiiska Horumarinta Barnaamijyada ee Qaramada Midoobay (UNDP) Mr Jocelyn Mason.

Wasiirka ayaa Wakiilka UNDP uga mahadceliyay waxqabadkiisii la xiriira taageerada dowlad dhiska Soomaaliya intii uu xafiiska joogay. Wasiirka ayaa sidoo kale u sharaxay Wakiilka UNDP taageerada ay Soomaaliya ka fileyso hay’adda xilli ay Dowladda Federaalka ee Soomaaliya xoogga saareyso barnaamijyada xasilinta ee goobaha laga xorreeyay Khawaarijta Al Shabab.

Wakiilka UNDP ee Soomaaliya Mr. Mason ayaa sheegay inuu aad ugu faraxsan wadashaqeyntii kala dhexeysa hay’adaha kala duwan ee Soomaaliya ee dhinacyada horumarinta intii uu dalka joogay, waxaana uu sheegay in hay’adda UNDP ay sii wadeyso taageeradeeda joogtada ah ee Soomaaliya.

Hay’adda UNDP ayaa ka mid ah hay’adaha caalamiga ah ee taageera Dowladda Federaalka Soomaaliya, iyadoo ku hawlan mashaariic kala duwan oo dhinaca horumarinta ku saabsan.

1...468469470...1,718Page 469 of 1,718

© 2023 Telefishinka Qaranka Soomaaliyeed