Khartuum (SONNA) Kulankan lagu soo dhaweynayay Culimada kala ah, Sheekh bashiir  Axmed Salaad  oo ah Gudoomiyaha Hay”adda Culimada Soomaaliyeed, Sheekh Maxamuud ciise, Maamulaha jaamacadda islaamiya ee Soomaaliya iyo Maxamuud Cabdiraxmaan oo ah barre wax ka dhiga jaamacado ku yaala dalka ingriiska ayaa waxaa kasoo qayb galay diblumaasiyiin ka socotay Safaaradda Soomaaliyeed ee suudaan, Madaxda Jaaliyadda, Culimada, Aqoonyahanada iyo Ganacsatada Soomaaliyeed ee Suudaan.

Soo dhawaynta ka dib ayuu Sheekh Bashiir Axmed Salaad kaga warbixiyay Soomaalida Suudaan xaaladda dalka uu ku suganyahay haatan, isagga oo sheegay in is badal dhan walba ah muuqdo, Sidoo kale Sheekh Bashiir ayaa u sheegay ree Suudaan in dalka uu sugayo dad wax soo bartay oo u diyaara in ay wax ka badalaan.

“Soomaaliya waxa ay u baahantahay aqoonyahano cilmigooda u dheeryahay in ay soo barteen sida dal loo dhiso, aqoonyahano u shaqeeya dalkooda ee aanan ka shaqeysan”ayuu yiri Sheekh Bashiir Axmed Salaad.

Gudoomiyaha Hay”adda Culimada Soomaaliyeed ayaa lagu wadaa inta uu Khartuum joogo in uu la kulmo Hay”adda Culimadda suudaan iyo Ururada dacawiga ee dalkan ka jira, sidoo kale sheekh ayaa la filayaa in uu kulan guud la yeelan doono Jaaliyadda iyo Ardayda Soomaaliyeed ee suudaan si ay isaga xaal wareystaan Xaaladda dalka iyo Wacyiga umadda.

Johannesburg (SONNA) Muwaadinkaan Soomaaliyeed oo lagu magacaabo Cabdulaahi Maxamed Cali ayaa ku sugnaa kaligii goob ganacsi oo uu ka ahaa waardiye, waxaana kusoo weeraray koox burcad ah kuwaasi oo dhac baahsan u geystay inta aysan dabka ku shidan dukaanka.

Kooxda burcadda ah ayaa waxaa la sheegay in ay Marxuumka ku xireen qol yar oo dukaanka qeyb uga yaalay kadibna ay halkaasi kaga tageen, waxaana ay qaateen lacago cadaan ah iyo agab kale oo cadadooda la shaacin, sida uu warbaahinta u sheegay midka mid ah shaqaalaha goobtaasi oo lagu magacaabo Liibaan Cusmaan Cali.

“markii aan ka tageynay habeenkii lacago badan ayaa qasnada ku jiray iyo kaararka telefoonada lagu shubto, dhamaan wey qaateen kadibna marxuumka ayey gubeen”ayuu yiri Liibaan Cismaan Cali.

Ciidamada Polie-ka ayaa halkaasi waxaa ay ka wadaan baritaano la xariira sidii gacanta loogu soo dhigi lahaa kooxihii falkaani geystay, iyada oo safiirka dowlada Soomaaliya u fadhiya dalka South Africa Jamaal Barow uu sheegay in falkaan ay u saareen ka safaarad ahaan guddi gaar ah oo daba gala arintaan.

“waxaan u saaray ruux gaar ah oo safaaradda ka tirsan in uu arintaan meel cad uga soo haro police-kana uu la shaqeeyo sidii loo soo heli lahaa dadkii geystay falkaan, dowlada South Africana waan kula xisaabtameynaa anaga oo kaashaneyna dowlada Soomaaliya”ayuu yiri Jamaal Barow.

Goobta ganacsiga ee dabka la qabad siiyay waxaa ay aheyd dukaan lagu iibiyo alaabaha jumlada ah oo ay ka iibsadaan Soomaalida ku nool deegaanada kale ee ku sii iibiya goobaha ganacsiga ee yaryar, waxaana ku burburay hanti aad u farabadan taa oo aan wali cadadeeda la shaacin.

Waxaa Sido kale ka shaqeynayay ilaa 17 ruux oo kala ahaa 12 ruux oo Soomaali ah, afar ruux oo u dhashay dalka Malawi iyo waliba hal ruux oo South Africaan ah.

Alle ha u naxariistee Cabdulaahi Maxamed Cali xalay saqdii dhaxe ayaa waxaa lagu aasay qabuuraha muslimiinta ee magaalada Pretoria ee caasimadda South Africa, waxaana aaskiisa kasoo qeybgalay Soomaali aad u fara badan oo aad uga tiiraayeysanaa falka naxdinta leh.

W/D:-C/laahi Maxamuud Amiin (C/laahi Qorshe)

Baydhabo (SONNA) Halkan waa kaam kuyaala duleedka bari ee Magaalada Baydhao ee xarunta gobolka Baay, Waxaana kujira boqolaal qoys oo dhawaan ka soo barakacey deegaano farabadan oo hoos yimaada gobolka Jubbada Hoose sida Shanqalaw, Saakaw, Baalinbaasho iyo Dameerka.

Deegaanada dadkaan ay ka soo barakaceen ayaa waxaa ka jira xaalado bini’aadanimo mana helin roob kufilan sedaxdii sano ee ugu danbeeyey, iyada oo  qoysaskan ay u badanyihiin xoola dhaqato iyo beeraley.

Inkastoo deegaanada dadka ay ka soo barakaceen ay kajiraan abaaro daran iyo jiilaal dheeraadey hadana waxaa in taasi u wehliya caqabado kale oo farabadan oo ka soo wajahey kunoolashaha deegaanadoodi taas oo ay ugu horeyso in si qasab ah al-Shabaab ay uga askareeyaan caruurta da’doodu kaweyntahay 10-ka sano.

Caruur aad u da’yar oo tiradooda kor udhaafayso 500 (shan boqol) ayaa kamid ah barakacayaasha, kuwaas oo waalidiintooda ay door bideen in ay caruurtooda  ka soo wadaan goobaha Shabaabka ay maamulaan si aan loo askareen.

Carurtan oo hami weyn u haya waxabarashada ayaa waxaa si lacag la aan ah wax looga baraa qol yar oo cooshado kasameysan, bugaagta iyo agabka wax lagu baro qaarkood mahaystaan, taas oo kuu muujinaysa daruufaha adag ee haysta Qoysaska caruurta, balse  waxaa kamuuqatay hami aad u sareeya ee ay u qabaan waxabarashada.

Gudoomiyaha gobolka Baay mudane  Cali Wardhaare Cabdiraxmaan oo maanta booqdey kaamka Tawfiiq ee ay kunoolyihiin qoysaska ayaa lahadley warbaahinta Qaranka Soomaaliyeed, waxaana uu sheegay in la joogo waqtigii qof walba uu ka qeyb qaadan lahaa badbaadinta dadkan ku rafaadsan kaamka.

W/D:-Siraaji Sheekh Isxaaq

Dowladda Qadar ayaa bayaan ay soo saartay ku sheegtay  inay dib u cusboonsiin doonto is garab istaagga shacabiga iyo xukuumadda Soomaaliya,isla markaana ay  ka go’antahay sidii  gargaar bani’adanimo  iyo waxqabad kale looggu fidin lahaa   shacabka Somalia iyo dowladiisa.

Tallaabadaan  ayaa ka dambeysay ka gadaal markii ay Dowladda Qadar bayaan ka soo saartay khudbad uu fadhiga Golaha loo dhan yahay ee Qaraamada Midoobay ka jeediyay Amiir Dhalaal C/casiis oo ah xoghayaha Sedexaad  ee wafdiga joogtada ah ee Dowladda Qadar  ee Qaraamada Midoobay, isla markana ka tirsan khubarada Qadar ee xaruunta hay’adda Xuquuqul insaanka oo fadhigeedu yahay magaalada Geneva.

Sidoo kale Dowladda Qadar ayaa aad u amaantay juhdiga ay dowladda Soomaalia gelisay daryeelka arrimaha xuquul insaanka ee Soomaalia, dib u dhiska hay’ada dowladda,dhaqan gelinta qaanuunka cusub ee Soomaalia,abuurista guddi madax banana ee ka shaqeya arrimaha xuquul insaanka iyo dhameystirka dastuurka cusub.

Bayaankaa ka soo baxay Dowladda Qadar waxaa kaloo lagu xusay  amhiyadda shirkii kol hore lagu qabtay London uu u leeyahay Soomaaliya siiba wadciga ay maanta ku jirto  iyo sida ay lagama maarmaanka u tahay dhaqangelintiisa, kaasoo diiradda lagu saaray dhinacyada xuquul insaanka iyo  la dagaalnka argagixisada.

Muqdisho(SONNA) Xog-hayihii Caafimaadka Dowladda Mareykanka Tom Price ayaa jagadii uu hayay iska casilay kadib markii uu la kulmay cadaadis xoogan oo ku aadan in diyaarado Khaas ah uu ku aaday safaro shaqo iyadoo la adeegsanayo lacagta dadweynaha.

Madaxweynaha Mareykanka Donald Trump ayaa aqbalay iscasilaadda xoghayihiisa caafimaadka Tom Price kaasi oo ay ku cadaatay eedeymaha loo so jeediyey.

Donal Jey Trump oo ka hadlayay dhacdadani ayaa muujiyay  in uu aad uga xumaaday ficilka wasiirkani,isagoo tilmaamay isticmaalka diyaaradaha gaarka loo leeyahay ee wasiirkan in aysan la jaan qaadeyn ballanqaadyadii Trump ee xilligii uu ku jiray ololaha doorashada, taasina keentay in wasiirka uu waayo xilkiisa.

Aqalka Cad ee Maraykanka looga arrimiyo ayaa sheegay in ku xigeenka xoghayaha caafimaad Don J Wright si ku meelgaar ah loogu magacaabay xilka uu baneeyay Tom Price.

Tom Price ayaa horay raaligelin uga bixiyay inuu 26 jeer diyaarado khaas ah ku safray tan iyo bishii May ee sanadkan, kharashka safarradaasina uu gaaray 400,000 oo doolar oo laga bixiyay khasnadda dowladda.

Ilaa 3 xubnood oo katirsan Wasiirada Xukuumadda Washington ayaa waxaa ku socoda baaritaano arrimahani la xiriira kuwaasi oo wajihidoona cawaaqib kan lamid ah haddii lagu helo falkaasi.

Muqdisho(SONNA) Waxaa magaalada Muqdisho ka soconaya qaban qaabo ku aadan munaasabadda xarrigga looga jarayo dhismaha xaruntii tababarka Ciidamada oo ay hirgelisay Dowladda Turkiga,taasi oo la filayo in maanta si rasmi ah loo furo.

Waxaa munaasabadda ka qeybgalaya mas’uuliyiin iyo saraakiil ka tirsan Dowladda Federaalka Soomaaliya iyo Turkiga,iyadoo saldhigani loogu talagalay in markiiba lagu tababari karo ilaa 10,000 oo askari.

Magaalada Muqdisho waxaa ku sugan Taliyaha Guud ee Ciidamada Dalka Turkiga Hulusa Akar,iyadoo saaka lafilayo in ay Muqdisho soo gaaraan mas’uuliyiin kale oo ka tirsan Dowladda Turkiga si ay uga qeybgalaan munaasabdda xarig jarka ah.

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo oo Muqdisho kula kulmay Taliyaha Guud ee Ciidamada Turkiga,ayaa kala hadlay sidii Dowladda Turkigu ay u kordhin lahayd taageerada ay u fidinayso Soomaaliya.

Halkan waa kaam kuyaala duleedka bari ee Magaalada baydhao ee xaruunta Gobolka Bay Waxaana kujira Boqolaal Qoys oo Dhawaan ka soobarakacey Deegaano Farabadan oo hoos imaanaya G/Jubada hoose Sida Shanqalaw, Saakaw , Baalinbaasho . iyo Dameerka.

Deegaanada dakan ay ka soo barakaceen ayaa waxaa ka jirta Xaalado bani aadimo, mana helin Roob kufilan sedaxdii sano ee ugu danbeeyey . Waxaana Qoysiskan ay ubadanyihiin xoola dhaqato beeraley

inkastoo Deegaanada Dadka ay ka soo barakaceen Ay kajiraan abaar daran iyo Jiilaal dheeraadey waxaa in taasi uweheliya caqabado kale oo Farabadan oo Ka soowajahey kunoolasha deegaanadoodi Tas oo ay uga Horeyso in si qasab ah Al Shabaab ay uga askareeyaan Caruurta da adoodu kaweyn 10 ka sano

taas oo Waaladiintu ay sheegeen in ubadkooda , laga horjoogsado fursadaha waxbarashada, si aan kala sooc lahayna loogu dilo amma lagu dhaawaco weerarada lagu qaado meelaha ay dadku ku badan yihiin.

Caruur aad uda yer oo tiradooda kor udhaafaysa 500 ayaa kamid ah Barakaciyaasha, kuwaas oo waalidiintooda door biday in ay aruurtooda Ay ka soowadaan goobaha Shabaabka ay maamulaan si aan loo as kareen

carurtan oo hami weyn uhaya Waxabarashada ayaa waxaa si lacag la aan ah wax looga baraa Qol yer oo Cooshash kasameysan , bugaata iyo qakimada Wax lagubarto Qaar kood mahaysan taas oo kuumuujnaysa Daruufaha adag ee Haysta Qoysiska Caruuta. balse  waxaa kamuuqatay hami Aad usareeya ee ay uqabaan Waxabarashada.

Gudoomiyaha G/baay Mudane  Cali wardhaare Cabduraxamaan oo maanta Booqadey Kaamka Tawfiiq ee ay kunoolyihiin Qoysiska ayaa lahadley warbaahinta Qaranka soomaaliyeed waxaana uu sheegay in lajoogo wakhtigii Qof walba uu kaqeyb qaadan lahaa Badbaadinta dadkan kurafaadsan Kaamkani.

Waxaa Diyaariyey: siraaji xaaji

Taabid Cabdi Maxamed Gudoomiyaha Gobolka Banaadir ahna Duqa Caasimada Soomaaliya ee Muqdisho ayaa lakulmay Saraakiisha Ciidanka AMISOM waxaana uu kala hadlay inay qeyb ka taaqaan suggidda Amniga Gobolka Banaadir.

Gudoomiyaha Gobolka Banaadir ahna Duqa Caasimada Taabid Cabdi Maxamed kulankaan uu la qaatay  Saraakiisha Ciidamada AMISOM ayaa qeyb ka ah Didaalada Maamulka Gobolka Banaadir uu ka qaadanaayo Xaqiijinta Amaanka Caasimada .

Guddoomiyaha ayaa yiri “Waxaan maanta oo Jimca ah xafiiska ku qaabilnay wafdi ka socday AMISOM iyo Safiirka Uganda ee Soomaaliya u fadhiya. Waxaana ka soo baxay qodobadan:

1. In raalin gelin buuxda ay ka bixiyaan falkii dhacay 26 September ee isgoyska KM4.

2. In isla xisaabtankii la fuliyay oo darawalkii iyo taliyihii kolonyada AMISOM labaduba la xabisay oo ay xiranyihiin.

Ciidamada Midowga Africa ee jooga Magaalada Muqdisho ayaa mararka qaar waxaa ay gaystaan dhibaatooyin soo gaara Shacabka Soomaaliyeed sida in ay Gawaaridoodu jiiraan dad rayid ah.