Search
Subscribe
Home Blog Page 1270

Kismaayo oo hormuud u noqotay 30-kii degmo ee galay tartan aqooneedka bisha Ramadan

SNTV
-
0
Kismaayo oo hormuud u noqotay 30-kii degmo ee galay tartan aqooneedka bisha Ramadan

Muqdisho (SNTV)- Tartanka adag ee kama dambeysta ah ayaa u dhaxeeyay  degmooyinka Kismaayo & Warta-Nabadda oo ka kala tirsan Benaadir & Jubbada-Hoose

Tartameyaasha labada degmo ee Kismaayo & Warta Nabadda ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.

Tartamayaasha Degmada Warta Nabadda ee Gobolka Banaadir waxaa dhankooda la weydiiyay todobo su’aal, waxa ay ka jawaabeen Labo  su’aal,  ma jirin wax ka faa’iideysi ah oo ay heleen, sidaasi darteed wadarta guud ee dhibcaha ay heleen tartameyaasha Degmada Warta Nabadda waxay noqotay 4-dhibcood.

Tartameyaasha Degmada Kismaayo ee Gobolka Jubbada Hoose waxaa la weydiiyey todobo Su’aal, todobadii su’aal ee la weydiiyay waxa ay ka jawaabeen afar su’aal, waxa ay ka faa’iideysteen hal su’aal oo soo hareer martay tartamayaasha Degmada Warta Nabadda.  sidaa darteed wadarta guud ee dhibcaha tartameyaasha Degmada Kismaayo ay heleen waxay noqotay 10- dhibcood.

Tartamayaasha Degmada Kismaayo ee Gobolka Jubbada Hoose ayaa caawa ku guuleystay tartan Cilmiyeedka Warbaahinta Qaranka, halka tartamayaasha Degmada Warta Nabadda oo markii saddexaad oo xiriir ah ay soo tiigsadeen kulanka kama dambeysta ah, Shibis ayaa kaalinta 3-aad horay ugala baxday Hodan.

Sanadkiiba bisha Ramadana ayaa mar la qabtaa tartankan uu taaba gelinayo maamulka gobalka Benaadir halka warbaahinta Qaranka ay taaba geliso.

Wasaaradda Ganacsiga oo mamnuucdey in Hubka caagga ka sameysan oo ay carruurta ku ciyaaraan in aan dalka laga soo dejin karin

SNTV
-
0
Wasaaradda Ganacsiga oo mamnuucdey in Hubka caagga ka sameysan oo ay carruurta ku ciyaaraan in aan dalka laga soo dejin karin

Wasiirka Ganacsiga Soomaaliya Maxamed Cabdi Xayir (Maareeye) ayaa wareegto uu soo saaray ku mamnuucay in ganacsatadu ay soo dejin karin Toys-ka ka sameysan Hubka Caagga ah ee ay ku ciyaaraan carruurta munaasabadaha ciidda.

Ref: SNTV ayaa xalay baahiyey war-bixin ka hadleysa dhibaatada carruurta mustaqbal ahaan Hubka caagga ka sameysay iyo Baaruudda.

Maxkamadda ICC oo sii daysay Jean Pierre Bembe oo dembiyo dagaal loo haystay

SNTV
-
0
Maxkamadda ICC oo sii daysay Jean Pierre Bembe oo dembiyo dagaal loo haystay

Garsooreyaasha Maxkamadda Caalamiga ah ee Dambiyada ICC ayaa amar ku bixiyey in xabsiga laga sii daayo Mr. Jean-Pierre Bemba oo ahaa madaxweyne ku xigeenkii hore ee Jamh.Dimuqraadiga ah ee Kongo.

Mr. Jean Pierre Bemba ayaa maxkamadda Dembiyada dagaalka ee ICC waxa ugu ridday Xukun kusaabsanaa inuu ku luglahaa dagaaladii ka dhacayJamh.Dimuqraadiga ee Koongo, iyadoo ku eedeeysay inuu kaalin kulahaa dembiyo dagaal oo uu hore ugeystay kuwaasi oo ka dhacay gudaha dalkaasi.

Maxkamadda ICC ayaa shaacisay in ay ka laabatay go’aankii hore ay u ridday kadib markii ay war ka soosaartay kadib kulan looga arrinsanayay kiiska Mr. Bemba usbuucii aynu kasoo gudubnay.

Pierre ayaa lagu xukumay toban iyo sideed sanandood oo xabsi ah sanadkii 2016-kii.

Garsooreyaasha Maxkamadan oo go’aamiyay in dacwaddii horey loogu soo dib looga laabtay kadib markii la cadeeyay in askar daacad u ahayd isaga ay ahaayeen kuwii ka geystay dembiyada dagaal dalka Jamh. Afrikada dhexe taasi oo muujinaysa inaan mas’uuliyadda eedahaasi Mr. Bemba lala xiriirin karin sidaasi darted waxa ay Maxkamadu si kumeel gaar ah u siisay xorriyadiisa.

R/Wasaaraha Britain Theresa May ayaa qirtay in ay oggoshahay in la sameeyo hanaan lagu xakameeyn karo socdaalka Midowga Yurub ee muhaajiriinta si wax looga qabto mashkiladda socdaalka dhulka.

Mr. Bemba ayaa lagu wadaa inuu dib ugu laabto deegaanka uu ku nool yahay oo ah dalka Beljam-ka halkaasi oo ay daggan yihiin qoyskiisa.

R/Wasaaraha Talyaaniga oo jawaab ka bixiyay cambaareeyn Faransiiska uga timid “Sawirro”

SNTV
-
0
R/Wasaaraha Talyaaniga oo jawaab ka bixiyay cambaareeyn Faransiiska uga timid “Sawirro”

R/Wasaaraha dalka Talyaaniga, Giuseppe Conte, oo ka hadlay cambaareeyn dhowaan ka soo yeertay Madaxweynaha Faransiiska Emmannuel Macron kaasi oo si kulul u dhaleeceeyay Talyaaniga is hortaagii uu ku sameeyay in markabkii siday Muhaajiriinta uu ku xierto dekadda Talyaaniga.

Macron ayaa eedeeyay dowladda Talyaaniga talaabadii ay kaga hor istaagtay muhaajiriin lasoo badbaadiyay ay galaan gudaha dalka Talyaaniga.

Af-hayeen u hadlay madaxwaynaha dowladda Faranskiisa Emmanuel Macron ayaa sheegay in go’aanka Talyaaniga uu yahay mid muujinaysa xushmad la’aan iyo mas’uuliyad darro.

Balse Mr. Conte oo ka jawaabayay hadalka ka soo yeeray Madaxweynaha dalka Faransiiska ayaa sheegay in Talyaaniga uusan aqbali karin dabeecadaha ballan ka baxyada ku wajahan oo ka imaanaya Talyaaniga kuwaasi oo sida uu sheegay Giuseppe Conte ahaa dalal waqti kasta ka jeesan jiray wax u qabashada dadka soogalootiga ah.

Dowladda Spain ayaa oggolaatay markabka Aquarius oo ahaa markabkii ay diiday dowladda Talyaaniga uu ku xirto dekadda biyaheeda.

Xaaladda dadka la socday markabka ayaa dhalisay in sidoo kale R.Wasaaraha dalka Uk Theresa May ayaa qirtay in ay oggolaatay  in wax laga qabto arrimaha dhinaca socdaalka Midowga Yurub eek u aadan muhaajiriinta si loo adkeeyo heshiiska ka bixitaanka Britain ee Yurub.

Britain’s Prime Minister Theresa May reacts as she arrives in Downing Street in central London on October 9, 2017.
British Prime Minister Theresa May will tell the European Union on Monday that “the ball is in their court” as her divided government resumes Brexit negotiations in Brussels. / AFP PHOTO / Ben STANSALL (Photo credit should read BEN STANSALL/AFP/Getty Images)

 

 

 

Madaxweyne Farmaajo “Culumadu waa in ay bulshada u iftiimisaa dhagarta Al Shabaab iyo afkaarahooda gurracan”

SNTV
-
0
Madaxweyne Farmaajo “Culumadu waa in ay bulshada u iftiimisaa dhagarta Al Shabaab iyo afkaarahooda gurracan”

Muqdisho(SNTV):–Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo xalay la kulmay dalladaha ay ku midaysanyihiin culumada Soomaaliyeed ayaa ugu baaqay culumada diinta in ay dardar geliyaan kaalintooda kaga aaddan dagaalka ka dhanka ah afkaaraha xagjirnimada ah.

Madaxweynaha ayaa sheegay in wadajirka iyo wada-shaqeynta culamadu ay asaas u tahay qorsheyaasha cirib-tirka argagixisada iyo dabar-gooynta fikradaha dib u dhigay dowladnimadeenna, oo ay ka mid yihiin qabyaaladda, musuqmaasuqa iyo caddaalad darrada.

Madaxweynaha ayaa yiri “Argagixisadu waxa ay ka macaashaan khilaafka ka dhex jira bulshada, gaar ahaan wada shaqeyn la’aanta culumada diinta iyo hormuudka bulshada. Sidaas darteed, waa in idinka oo mideysan mar kasta aad u iftiimisaan bulshada in dagaalka aan kula jirno argagixisada uu yahay jihaad waajib nagu wada ah.”

“Shacabka Soomaaliyeed waxa ay hibo u leeyihiin dhaqan sharaf leh oo waafaqsan diinteena suubban ee Islaamka, balse waxaa ku soo duulay kuwo ujeedkoodu yahay in ay tirtiraan cid kasta oo ku abtirsata magaceenna. Culumadu waa in ay bulshada u iftiimisaa dhagarta Al Shabaab iyo afkaarahooda gurracan.”

Dhanka kale, Culumada oo la wadaagay Madaxweynaha aragtidooda iyo talooyinkooda ku aaddan dagaalka ka dhanka ah argagixisada Alshabaab, ayaa bogaadiyey guulaha la taaban karo ee ay ku tallaabsatay Dowladda Federaalka Soomaaliya.

Culumada ayaa sheegay in ay kalsooni ku qabaan dadaallada ay dowladdu ku bixineyso dib-u-habeynta garsoorka, ilaalinta madax-bannaanida dalka, kobcinta dhaqaalaha iyo dib u soo-celinta boqolaalka dhallinyarada ah ee ku dhibaateysan xabsiyada shisheeye.

Madaxweynaha Jamhuuriyadda ayaa uga mahad celiyey culamadii ka soo qayb gashay kulankan sida ay u ajiibeen marti qaadkan, isagoona tilmaamay sooyaalka ay culumada Soomaaliyeed ku leeyihiin gobonnimo doonkii dalka iyo dadaallada ay haatan ku bixiyaan wacyigelinta, faafinta cilmiga, xoojinta amniga iyo toosinta dhaqanka bulshada.

R/wasaare Kheyre oo Caawa Kormeeray Qaar kamid ah Xarumaha Ciidanka Booliska Soomaaliyeed

SNTV
-
0
R/wasaare Kheyre oo Caawa Kormeeray Qaar kamid ah Xarumaha Ciidanka Booliska Soomaaliyeed

Muqdisho (SNTV), Ra’iisul wasaaraha Xukuumadda Federaalka Soomaaliya, Mudane Xasan Cali Kheyre oo ay wehliyeen Wasiirka Amniga Mudane Maxamed Abuukar Islow, Taliyaha Ciidanka Booliska S/guuto Bashiir Cabdi Maxamed Ameeriko iyo Taliyaha Ciidanka Asluubta S/guud Bashiir Maxamed Jaamac Keynaan, ayaa Xilli dambe oo caawa ah waxay kormeer ku tageen qaar kamid ah Xarumaha Ciidanka Booliska Soomaaliyeed.

Ra’iisul wasaare Kheyre oo u kuur galayey sida ay u shaqeeyaan Xilliga Habeenkii ah Ciidanka Booliska, ayaa kormeeray Xarunta Dembi baarista ee C.I.D, Dugiga tababarka ee Gen. Kaahiye, Taliska Ciidanka ilaalada Nabad gelyada Wadooyinka, Xarunta Gaadiidka Ciidanka Booliska iyo meelo kale.

Taliyaha Ciidanka Booliska Soomaaliyeed S/guuto Bashiir Cabdi Maxamed Ameeriko,ayaa  R/wasaare Kheyre iyo Wasiirka Amniga Qaranka,  waxuu warbixin ka siiyey Xaaladda Amni ee magaaladda Muqdisho, isaggoo u sharaxay sida ay u shaqeeyaan Habeenkii Xarumaha Caawa R/wasaaraha uu kormeeray.

Ra’iisul Wasaaraha Xukuumadda Federaalka Soomaaliya, Mudane Xasan Cali Kheyre, ayaa sheegay in Ciidanka Booliska uu ku ammaanayo sida wacan ee shaqada amniga ay u hayaan, waxaana uu kula dardaarmay inay laba jabaaraan howlaha qaran.

Shibis oo xaqiijisay kaalinta 3-aad ee tartan aqooneedka bisha Ramadan

SNTV
-
0
Shibis oo xaqiijisay kaalinta 3-aad ee tartan aqooneedka bisha Ramadan

Muqdisho (SNTV)-Habeenkan caawa ah waxaa kaalinta 3-aad ee tartanka u wada tartamay degmooyinka Hodan iyo Shibis  oo soo bandhigay dadaalladii ugu dambeeyay.

Tartameyaasha Degmada Hodan ee Gobolka Banaadir waxaa la weydiiyey 7– Su’aal, todobadii su’aal ee la weydiiyay waxa ay ka jawaabeen saddex su’aal,  mana jirin wax ka faa’iideysi ah oo ay heleen.  sidaa darteed wadarta guud ee dhibcaha tartameyaasha Degmada Hodan ay heleen waxay noqotay 6- dhibcood.

Tartamayaasha Degmada Shibis ee Gobolka Banaadir waxaa dhankooda la weydiiyay 7-su’aal, waxa ay ka jawaabeen lix  su’aal, waxa  ayna ka faa’iideysteen hal su’al oo soo hareer martay tartamayaasha Degmada Hodan, sidaasi darteed wadarta guud ee dhibcaha ay heleen tartameyaasha Degmada Shibis waxay noqotay 14- dhibcood.

Tartamayaasha Degmada Shibis ee Gobolka Banaadir ayaa caawa u soo gudbay kaalinta saddexaad ee tartanka.

Tartanka ay tabineyso warbaahinta Qaranka isla markaana uu taaba gelinayo maamulka gobalka Benaadir waxaa habeen dambe oo ah habeenka ugu dambeeyo guud ahaan tartanka ku wada ballansan degmooyinka  Warta Nadda & Kismaayo oo ka kala tirsan Gobollada Banaadir iyo Jubbada Hoose.

Taliyeyaasha Booliska iyo Asluubta oo kormeeray qaar kamid ah Xarumaha Ciidanka Ammaanka ay ku leeyihiin Duleedka Muqdisho

SNTV
-
0
Taliyeyaasha Booliska iyo Asluubta oo kormeeray qaar kamid ah Xarumaha Ciidanka Ammaanka ay ku leeyihiin Duleedka Muqdisho

Muqdisho (SNTV), Taliyaha Ciidanka Asluubta Soomaaliyeed S/guud Bashiir Maxamed Jaamac Keynaan iyo Taliyaha Ciidanka Booliska Soomaaliyeed S/guuto Bashiir Cabdi Maxamed Ameeriko, ayaa maanta kormeer ku tagay qeybo kamid ah Baraha Ciidanka ammaanka ay ku leeyihiin qaar kamid ah degmooyinka Gobolka Banaadir.

Labada Taliye, ayaa tagay Xaafado ku  yaallo duleedka Magaaladda Muqdisho, gaar ahaan inta u dhaxeyso Taliska Asluubta iyo Sarkuusta, halkaasi oo dhowaan la qorsheynayo in laga dhiso Saldhig Boolis, maadaama ay sii ballaaraneyso Muqdisho,  Xaafadahaasina  aysan laheyn Saldhig.

Taliyaha Ciidanka Asluubta Soomaaliyeed S/guud Bashiir Maxamed Jaamac Keynaan, Taliyaha Ciidanka Booliska Soomaaliyeed S/guuto Bashiir Cabdi Maxamed Ameeriko , Taliyaha iyo taliye ku xiggeenka  Qeybta Booliska G/banaadir  iyo Saraakiil kale, ayaa sidoo kale  kormeeray halka uu marayo Mashruuc  ka kooban Xabsi iyo Xarumo ay ku shaqeeyaan Garsoorka oo ka dhismaya KM7 Ex Xaruntii hore ee Taliska Ciidanka Asluuba Soomaaliyeed.

inta ay ku guda jireen Kormeerka, ayaa Taliyeyaasha Booliska iyo Asluubta waxay soo mareen baraha kontoraal ee Ciidanka Ammaanka ku leeyihiin Deyniile, EX Kontarool Afgooye, Tarabuunka, Saldhiga Booliska Degmadda Xamar Jajab  iyo meelo kale, waxaana Ciidanka ay ku dhiiri geliyeen inay laba jibaaraan shaqada Qaranka ay u hayaan.

Wasiirka Qorsheynta XFS oo Muqdisho kula kulmay Wafdi ka socda Dowlada Sweden

SNTV
-
0
Wasiirka Qorsheynta XFS oo Muqdisho kula kulmay Wafdi ka socda Dowlada Sweden

Muqdisho (SNTV) Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya Mudane Jamaal Maxamed Xasan ayaa kulan ujeedkiisa ahaa iskaashi dhinaca Tirakoobka la qaatay Agaasimaha Guud ee Hay’addaha Tirakoobka (Statistics) Dalka Sweden oo soo gaaray magaalada Muqdisho.

Dowladdaha Soomaaliya iyo Sweden ayaa iskaashanaya dhinacyada Horumarinta ee ku aadan soo saarida xog sax ah oo dhameystiran kuna saabsan dhaqaalaha, tirakoobka dadka iyo isbedelada maciishadda Wadanka.

Wasiir Jamaal Maxamed Xasan oo kulanka ka dib Warbaahinta la hadlay ayaa faafaahin ka bixiyay kulanka iyo waxyaabaha ugu waa weyn oo ay isla meel dhigeen Agaasimaha.

“Kulanka waxaan diirada ku saarnay xiriirka soo jireenka ee Soomaaliya iyo Sweden iyo inaan xoojino Mashaariicda ay wada qabanayaan labada dowladood iyadoo la xoojinayo dhisida waaxda Tirakoobka, sidoo kale waxaan isla fiirinay Mashaariic iyo tabbaro badan ay wadaan si aan wax badan u qabano, waxaan rajeyneynaa inaan sii wadi doono qeybta Labaad ee Mashruuca oo bilaabaneysa Bisha Janaayo ee sanadka soo socda”.ayuu yiri Wasiirka

Wasiir Jamaal ayaa sidoo kale tilmaamay in Dowladda Soomaaliya  ay wado dadaalo ay ku dooneyso in lasoo saaro xogta dhabta ah ee ku aadan korarka Dhaqaalaha iyo la socodkiisa halka uu marayo

“Sidoo kale waxaan ka hadalnay sidii loo qiimeyn lahaa Waxyaabaha Maciishada, Sicir bararka iyo Arrimaha nolosha si joogto ah maalin kasta u saameeya, Dhaqaalaha dalka heerka uu marayo iyo faqriga taagan ayaan rabnaa inaan tirakoob sax ah ka sameyno, waxyaabo badan oo been abuur ah ayaa dalka laga qoraa”.ayuu yiri Wasiirka Qorsheynta.

Agaasimaha Guud Hay’addaha Statatics eecDowladda Sweden Joakim Stymne ayaa sheegay in wada hadalka uu quseeyay iskaashiga labada dowladood,waxa uu intaa ku daray in Dowladda Soomaliya ay horumarineyso dhinaca xogaha Qaranka.

“Wada hadalada aan yeelanay waxay quseeyaan wada shaqeynta u dhaxeysa Sweden iyo Soomaaliya, Hormarada laga sameeyay Tirakoobka waxaan u maleyneynayaa inay tahay talaabo wanaagsan oo hore loo qaaday isla markaana dowlada Soomaaliya ay ku dhiseyso Hay’addaheeda ka dib sanado badan oo waqtiyo adag ah, Dowlada Soomaaliya way ka go’an tahay inay arinkan hormarso”.ayuu yiri Agaasimaha

Sadaxdii sano ee la soo dhaafay waxaa ay dowladda Sweden tababaro joogta ah siineysay shaqaalaha ku howlahan Arrinta Xogaha si aqoontooda kor loogu qaado, sidoo kale waxay balanqaaday in Tababaro gaaraya 28 oo heer caalami ah ay u sameyn doonto.

Maamulka G/Banaadir iyo Wasaaradda Caafimaadka oo iska kaashanaya Horumarinta Adeegyada Caafimaadka Caasimadda

SNTV
-
0
Maamulka G/Banaadir iyo Wasaaradda Caafimaadka oo iska kaashanaya Horumarinta Adeegyada Caafimaadka Caasimadda

 

Muqdisho, 12 June 2018 – Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa sheegay in Wasaaradda Caafimaadka DFS ay ka wada hadleen sidii la isaga kaashan lahaa baahinta adeegyada Caafimaadka ee Caasimadda.

Guddoomiyaha Gobolka Banaadir ayaa kulan la qaatay Wasiirka Caafimaadka Xukuumadda Federaalka Soomaaliya Drs. Fowsiya Abiikar Nuur iyo howlwadeenada Wasaaradda, waxana dood dheer laga yeeshay
sidii loo wanaajin lahaa tayada adeegyada iyo faya-dhowrkooda, si bulshadu u helaan adeeg caafimaad tayo sare leh.

“Waxaan ka wada hadalnay Wasaaradda isku xirka adeegyada Caafimaadka iyo sidii loo horumarin lahaa caafimaadka Gobolka Banaadir, maadaama bulshada ugu badan Gobollada dalka ay ku nool yihiin Caasimadda, waxaa lagama maarmaan ah in la helo nidaam caafimaad la isku halayn karo.”Ayuu yiri Duqa Muqdisho.

Mudane Eng. Yarisow ayaa ku tilmaamay kulankan dhex maray Maamulka Gobolka Banaadir iyo Wasaaradda Caafimaadka XFS mid dhabaha u xaaraya in dadka Caasimaddu ay helaan adeegyo Caafimaad oo tayo leh, isla markaana labada dhinac ka wada shaqeyn doonaan hirgelinta arrintan.

Wasiirka Caafimaadka Xukuumadda Federaalka Soomaaliya Drs. Fowsiya Abiikar Nuur ayaa uga mahadcelisay Maamulka Gobolka Banaadir wada-shaqeynta kala dhaxeysa iyo sida ay mar walba diyaar ugu yihiin in Shacabka ku nool Caasimaddu in ay helaan adeeg Caafimaad wanaagsan.

DHAMMAAD
1...1,2691,2701,271...1,709Page 1,270 of 1,709

© 2023 Telefishinka Qaranka Soomaaliyeed