Muqdisho (SNTV) Ugu yaraan 45,000 oo qof ayaa ka cararay guryahooda kadib dagaalada sii xoogaysanaya ee ka taagan gobolka koonfurta ee xadka la leh dalka Urdun.

Duqaymaha cirka ee meelaha jabhadda joogaan ee Koonfurta Suuriya ayaa ka dhigay ugu yaraan saddex cusbitaal iyo xarumo caafimaad shaqadooda albaabada laysagu dhufto xilli ay ciidamada Suuriya ay wadaan dagaal ay doonayaan in ay ku qabsadaan deegaanada jabhadu gacanta ku ahayso, sida ay muujinayaan ilo wareedyo.

Wakaaladda Wararka SANA ee Suuriya ayaa sheegtay in duqaymaha hawada ee Diraac ay yihiin kuwo hor dhac ah si ay loogu siqo dhinaca koonfur bari ee magaalada.

Ugu yaraan 45,000 oo ruux ayaa kacararay guryihii ay daganaayeen markii ay dagaaladu sii xoogeeysteen gobolka Diraac ee Koonfurta Suuriya ay soohdin wadaagaan dalka Urdun, sida ay sheegtay Q/Midoobay dhowaan.

Daraasiin dad ah ayaa lagu dilay in ka badan 100 qof way ku dhaawacmeen sida ay muujinayaan ilo wareedyo dagaaladii u dambeeyay Suuriya ku dhow dhow.

W/Tarjumay Muxamednur Mucalim Muxamed

Muqdishu (SNTV) Dhinacyada iska soo horjeeda ee Madaxweyne Salva Kiir iyo hogaamiyaha mucaaradka Riek Machar ayaa magaalada Khartoum ee caasimadda Suudaan ku saxiixay heshiis nabadeed arbacada maanta ah taasi oo xabad joojinteeda ay dhaqan geli doonto 72-saacadood kadib, sida uu sheegay wasiirka Arrimaha dibadda Sudan, inkastoo uu afhayeenka jabhadda diiday inuu ka hadlo.

“Dhammaan dhinacyada waxa ay ku heshiiyeen xabad joojin joogto ah muddo 72-saacadood kadib markii dikumentiga heshiiskani ay ku saxiixeen magaalada Khartoum,” Al-Al-Dierdiry Axmed oo ah wasiirka arrimaha dibadda Suudaan ayaa sidaasi kud dhawaaqay kadib wadahadalada dhinacyada oo lagu qabtay caasimadda Suudaan ee Khartoum.

Wasiirka Arrimaha dibadda Suudaan Al-Dierdiry Axmed ayaa sheegay in qodobada ay dhinacyada K.Suudaan ku heshiiyeen ay kamid yihiin sida ay la furo wadooyinka ay ka gudbaan gargaarka beni’aadannimada, in la sii daayo maxaabiista iyo in la billaabo dhismaha dowlad shaqeynaysa muddo afar billood kadib.

Wareegga cusub ee wadahadalada cusub ayaa maalintii isniintii uga furmay magaalada Khartoum madaxweynaha K/Suudaan Salva Kiir iyo hogaamiyaha Jabhadda Riek Machar, halkaasi oo uu martigeliyay madaxweynaha Suudaan Cumar Al-Bashir.

Wadahadalladan hogaamiyeyaasha iska soo horjeeda ee K/Sudaan ayaa horey waxaa u billaabay madaxda bariga Afrika kuwaasi oo ku baaqay in in la dhameeyo waxashnimada dagaalka mudada afarta sano ka socday gudaha Dalka Koonfurta Suudaan oo ah dalka ugu yar ee dunida.

Labada hogaamiye ayaa waxaa soo wajahay baaqyo isa soo tarayay oo uga imaanayay Jamciyadda Quruumaha ka dhaxeeysa kuwaasi oo ugu baaqayay labada hogaamiye in ay wajihi karaan cunoqabateeno imaan kara haddii ay soo afjari waayaan colaadda ka taagan gudaha dalka Koonfurta Suudaan.

Bilowgii bishii December sanadkii 2013-kii ayay ahayd markii uu dagaal sokeeye ka qarxay dalkan, kaasi oo meesha kasaaray yididiiladii laga inuu sare u kac uu sameeyo wax yar uun kadib markii lagu dhawaaqay madaxbanaanidiisa inuu ka qaatay dalka Suudaan kadib labo sanadood.

Dagaalka ayaa biloowday markii uu madaxweyne Kiir ku eedeeyay Mr Machar oo ahaa ninka isaga ku xigay uu u maleegayay shirqool madaxweynaha, kadibna waxaa xigay dagaalo ay ku dhinteen tobonaano kun oo qof islamarkaana dad lagu qiyaasay afar milyan ay guryahooda ka barakaceen.

W/Diyaariyay Muxamednuur Mucalim Muxamed.

Munaasabadda Xuska sanad guurada 41aad ee kasoo wareegatay sanadkii 1977dii xiligii walalaha jamhuuriyada jabuuti ay xornimada ka qaateen gumeystihii faransiiska oo subaxnimadii hore ee saaka ka bilaabatay Barxada Sheekh Cusmaan ee Magaaladda Jabtuuti waxaa ka qeyb galay Madaxweynaha Jamhuuriyadda Mudane Ismaacil Cumar ,Madaxda kale ee wadankan iyo saraakiisha Ciidanka dalkan. Wafdi uu hogaaminayo guddoomiyaha golaha shacabka ee JFS oo booqasho rasmi ah ku jooga dalkan jabuuti ayaa sidoo kale ka qeyb galay dabaal dega xornnimada jabuuti. Sidoo kale shacabka reer jabuuti ayaa isugu soo baxay goobta dabaal degan uu ka dhacayay ,waxaana isla goobta lagu saaray Calanka Jamhuuriyada Jabuuti.

Maadaxweynaha jabuuti Mudane Ismaaciil Cumar geele ayaa isaga oo saaaran gaari kor ka furan waxa uu salaan ka qaatay Ciidanka Dalkan Jabuuti. Qeybaha kala duwan ee Ciidanka Dalkan Jabuuti oo socod gaardis ah ku maray Madaxda munaasbada joogtay hortooda ayaa intaasi ka dib waxaa goobta lagu soo bandhigay walaalaha jamhuuriyada Jabuuti oo ay ku jiraan Ciidan,gawaarida gaashaan ,hubka noocyadiisa kala duwan iyo diyaarado.

Intaasi ka dib shacabka reer jabuuti aya isugu soo baxay Madaxtoyada dalkan jabuuti waxana halkaasi kula hadlay Madaxweynaha jabuuti Mudane Ismaaciil Cumar Geele ,waxaana uu ugu hambaleeyay 41sano guuradii kazoo wareegatay markii xornimada qaateen,isagoo sheegay in qofka walba looga baahanyahay in dhankiisa uu dalka ugu hiiliyo lana xuso halyeeyadii dalkan gaarsiiyay xornimada uu manta u dabaal degaayo.

Sidoo kale Madaxweynaha jamhuuriyada Jabuuti Mudane Ismaaciil Cumar Geele ayaa inta uu la hadlayay shacabkiisa waxa uu ka hadlay arimaha soomaaliya,isagoo sheegay in Soomaaliya colaado sokeeyo oo ay soo martay ka dib manta ay sameysay horumar ku dayasho mudan islamarkaana shacabka labada wadan ay yihiin walaalo aan marnaba kala maarmin jabuutina ay dadaal walba ku bixineyso horumarka dowladnimo ee Soomaaliya,wuxuuna caalamka ugu baaqay in uu Soomaaliya ka taageero sidii ay u horumari laheyd.

Guddoomiyaha golaha shacabka ee JFS Mudane Maxamed Mursal Sheekh Cbadiraxmaan ayaa xusay in xoriyadda Jabuti maanta u dabaal dagayso ay farxad galinayso Soomaaliya, islamarkaana ay samaysay horumar balaaran muddo 41-sano ah oo wax laga baran karo.

Ibraahim Guudle, Djibuti