Search
Subscribe
Home Blog Page 120

Wasiirka Amniga Gudaha ayaa xafiiskiisa ku qaabilay wafdi ka socda dalka Ciraaq

Leyla Aden
-
0
Wasiirka Amniga Gudaha ayaa xafiiskiisa ku qaabilay wafdi ka socda dalka Ciraaq

Wasiirka Amniga Gudaha Xukuumadda Federaalka Soomaaliya General Cabdullaahi Sheekh Ismaaciil (Fartaag), ayaa xafiiskiisa ku qaabilay wafdi ka socda dalka Ciraaq oo uu hoggaaminayo La-taliyaha Wasiirka Arrimaha Gudaha Sarreeye Guud Ziyad Daha Cali iyo Agaasimaha Waaxda Iskaashiga Caaalmiga ah ee Wasaaradda Arrimaha Gudaha Ciraaq Sarreeye Gaas Calaa Canshuur Manaati oo maanta dalka ku yimid booqasho rasmi.

Kulanka ayaa diiradda lagu saaray xoojinta xiriirka walaaltinimo ee Soomaaliya iyo Ciraaq, iyadoo si gaar ah looga hadlay iskaashiga dhinacyada amniga, la-dagaallanka argagixisada, tababarrada ciidamada iyo isdhaafsiga khibradaha.

General Fartaag oo uga mahadceliyey safarka ay ku yimaadeen dalka, ayaa xusay in booqashadani ay tahay tallaabo lagu xoojinayo wada-shaqeynta iyo iskaashiga labada dal, gaar ahaan dhinaca amniga.

Booqashadani waxa ay daba socotaa safarkii uu Wasiirka Amniga Gudaha Soomaaliya uu ku tagay dalka Ciraaq iyo hishiiskii iskaashiga Amni ee Labada wasaarood ay Kala saxiixdeen, kuna qotomay Xoojinta iskaashiga dhinaca Amniga, isdhaafsiga khibradaha iyo ka faa’iideysiga khibrada Ciraaq ee dhinaca la dagaalanka argagixisada.

Horjoogayaal iyo Maleeshiyaad katirsan khawaarijta oo lagu qabtay dagaalkii Bariire

Leyla Aden
-
0
Horjoogayaal iyo Maleeshiyaad katirsan khawaarijta oo lagu qabtay dagaalkii Bariire

Weriye Zakariye Qaasim Bagax oo ku sugan Bariire ayaa la kulmay labo ka mid ah maxaabiista dagaalka ee Khawaarijta looga qabtay howlgalkii guuleystay ee Bariire, midka koowaad, horjoogayaasha arxanka daran ee Khawaarijta ayaa silsilad kula xiray Geed weyn, iyagoo ku talagalay in uu dagaalamo ilaa inta uu ka dhinto, balse geesiyaasha Qaranka ayaa nolosha ku qabtay.

Kan labaad waxaa la qabtay isagoo dhaawac ah, waxaana hadalladiisa laga fahmay inuu yahay horjooge dhagar badan, wuxuu sheegay in maleeshiyaadkii uu watay oo dagaalka lagu laayey uu gurmad ahaan uga keenay degmada Jilib ee gobolka Jubbada Dhexe.

Wareysiyo xasaasi ah oo xog badan ay ku soo bandhigayaan xubnahaan maxaabiista ah ayaad saacadaha soo socda ka daawa doontaan Warbaahinta Qaranka Soomaaliyeed.

 

 

Wasiirka Arrimaha Dibadda iyo Wafdi uu Hoggaaminayo oo Gaaray Dalka Aljeeriya

Leyla Aden
-
0
Wasiirka Arrimaha Dibadda iyo Wafdi uu Hoggaaminayo oo Gaaray Dalka Aljeeriya

Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaam Cabdi Cali, oo ay wehliyaan wafdi heer sare ah, ayaa gaaray magaalada Algiers, caasimadda dalka Aljeeriya.

Wafdiga Wasiirka ayaa si diirran loogu soo dhoweeyay magaalada Algiers, waxaana halkaas kusoo dhoweeyey Safiirka Jamhuuriyadda Federaalka Soomaaliya ee dalka Aljeeriya, Mudane Yuusuf Xasan Axmed, Yusuf Jeego, iyo mas’uuliyiin kale oo ka tirsan dowladda martida loo yahay.

Booqashadan muhiimka ah ayaa qeyb ka ah dadaallada joogtada ah ee lagu xoojinayo xiriirka diblomaasiyadeed, iskaashiga istiraatiijiyadeed, iyo wada shaqeynta labada dal ee walaalaha ah Soomaaliya iyo Aljeeriya si loo gaaro horumar, xasillooni iyo is-afgarad waara.

Aqoon Isweydaarsi ku saabsan Tabinta Doorashooyinka oo ka furmay Baydhabo

Leyla Aden
-
0
Aqoon Isweydaarsi ku saabsan Tabinta Doorashooyinka oo ka furmay Baydhabo

Wasaaradda Warfaafinta Dhaqanka Iyo Dalxiiska Xukuumadda Federaalka Soomaaliya oo kaashanaysa Wasaaradda Warfaafinta iyo Wacyigalinta ee Dowlad Goboleedka Koonfur Galbeed ayaa maanta ka furtay magaaladda Baydhabo Tababar ku saabsan Anshaxa Warbaahinta ee Tabinta Doorashooyinka Soomaaliya oo ka qeyb galayaan 20 suxufiyiin oo kala matalaya xarumaha Warbaahinta.

Aqoon isweydaarsigani oo soconaya Mudda laba maalmood ah waxaana uu diiradda saarayaa kaalinta Warbaahinta ee Tabinta Doorashooyinka dalka si ku dhisan dhexdhaxaadnimo iyo eex la’aan dhinacyada doorashada si waafaqsan mabaadi’ida saxaafadda iyo sharciga Doorashooyinka iyo xeernimayayaasha

Agaasimaha Xiriirka Dowlad Goboleedyadda ee Wasaaradda Warfaafinta Dhaqanka Iyo Dalxiiska JFS mudane Cabdiraxmaan Axmed xuseen, ayaa uga mahad celiyay Masuuliyiinta Wasaaradda Warfaafinta Koonfur galbeed iskuduridka tababarka iyo sida ay marwalba wadashaqaynta wanaagsan ula leeyihiin Wasaaradda Warfaafinta Dhaqanka iyo Dalxiiska, isaga oo sheegay ujeedka tababarkani yahay kor u qaadista kaalinta Warbaahinta ee Tabinta Doorashooyinka Soomaaliya.

Agaasimaha Guud ee Warfaafinta Iyo wacyi galinta bulshada Dowlad Goboleedka Koonfur galbeed Soomaaliya Mudane Cumar Mustafe oo furay Tababarka ayaa xubnaha wariyayaasha ah ee matalaya Warbaahinta Dowliga ah iyo kuwa gaarka loo leeyahay ee Koofur Galbeed kula dardaarmay ka faa’iidaysiga casharada tababarka iyo dhaqan galinta waxa ay dhaxlaan khubarada bixinaysa aqoon isweydaarsiga isaga oo bogaadiyay iskaashiga Wasaaradda Warfaafinta ee heer Federaal ee kor u qaadista wacyi Warbaahinta.

Aqoon isweydaarsigani oo ah tixane looguna talo galay kor u qaadista fahamka Doorashooyinka iyo kaalinta muhiimka Warbaahinta ee suxufiyiinta Soomaaliyeed waxaa taageeray howlgalka xilliga kala guurka ee Qaramada Midoobay ee Soomaaliya ( UNTMIS) si loo xoojiyo Warbaahinta wax u tabisa si hufan, madax banaan oo ku dhisan dhexdhaxaadnimo

Aqoon isweydaarsi ku saabsan tabinta doorashooyinka oo laga furay Baydhabo

Fardowso Xasan Nuur
-
0
Aqoon isweydaarsi ku saabsan tabinta doorashooyinka oo laga furay Baydhabo

Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya, iyadoo kaashanaysa Wasaaradda Warfaafinta iyo Wacyigelinta ee Dowlad-goboleedka Koonfur Galbeed, ayaa maanta magaalada Baydhabo ka furtay aqoon isweydaarsi ku saabsan anshaxa warbaahinta ee tabinta doorashooyinka Soomaaliya, kaas oo ay ka qeybgalayaan 20 suxufi oo ka kala socda xarumaha warbaahinta.

Aqoon isweydaarsigan oo soconaya muddo laba maalmood ah ayaa diiradda saaraya kaalinta warbaahinta ee tabinta doorashooyinka dalka, si ku dhisan dhexdhexaadnimo, eex la’aan, mabaadi’da saxaafadda iyo shuruucda doorashooyinka.

Agaasimaha Xiriirka Dowlad-goboleedyada ee Wasaaradda Warfaafinta, Dhaqanka iyo Dalxiiska JFS, Mudane Cabdiraxmaan Axmed Xuseen, ayaa uga mahadceliyay masuuliyiinta Wasaaradda Warfaafinta Koonfur Galbeed isku-dubbaridka tababarka iyo wada-shaqeynta wanaagsan ee ay la leeyihiin wasaaradda heer federaal. Wuxuu sidoo kale sheegay in ujeedada tababarkani tahay in la kor u qaado doorka warbaahinta ee tabinta doorashooyinka dalka.

Agaasimaha Guud ee Warfaafinta iyo Wacyigelinta Bulshada ee Dowlad-goboleedka Koonfur Galbeed, Mudane Cumar Mustafe, oo tababarka si rasmi ah u furay, ayaa kula dardaarmay wariyeyaasha ka kala socda warbaahinta dowladda iyo kuwa gaarka loo leeyahay in ay si dhab ah uga faa’iidaystaan casharada tababarka. Wuxuu sidoo kale bogaadiyay iskaashiga Wasaaradda Warfaafinta ee heer federaal ee ku aaddan kor u qaadista wacyiga warbaahinta.

Aqoon isweydaarsigan oo ah qeyb ka mid ah tixane loogu talagalay fahamka doorashooyinka iyo kaalinta muhiimka ah ee saxaafadda Soomaaliyeed, waxaa taageeray howlgalka xilliga kala-guurka ee Qaramada Midoobay (UNSOM), si loo xoojiyo warbaahin madax bannaan, hufan, dhexdhexaad ah.

Taliyaha Ciidanka Dhulka oo kormeer shaqo ku tegay Deegaanka Bariire

Leyla Aden
-
0
Taliyaha Ciidanka Dhulka oo kormeer shaqo ku tegay Deegaanka Bariire

Taliyaha Ciidanka Dhulka Xoogga Dalka Soomaaliyeed, Jeneraal Sahal Cabdullaahi Cumar, ayaa maanta kormeer shaqo ku tagay deegaanka istiraatiijiga ah ee Bariire ee gobolka Shabeellaha Hoose, halkaasi oo Ciidanka Xoogga Dalka iyo saaxiibadooda Ciidamada Uganda ee UPDF ay ka xoreeyeen maleeshiyaadka Khawaarijta, kuna dhigeen casharro lama ilaawaan ah.

Intii uu socday kormeerka, Jeneraal Sahal ayaa booqday gododkii iyo xarumihii maleeshiyaadka Khawaarijta laga saaray, halkaas oo lagu arkayay meydad badan oo cadawga ah, hub farabadan iyo saanado kale oo ciidan oo ay ka carareen.

Taliyaha Guutada 17-aad ee Kumaandooska Xoogga Dalka, Gaashaanle Cali Cageey, ayaa taliyaha ugu warbixiyay xaaladda amniga iyo sida ay ciidanku u xaqiijiyeen xasilloonida deegaanka.

Jeneraal Sahal Cabdullaahi Cumar ayaa bogaadiyay geesinimada iyo howlkarida Ciidanka Xoogga Dalka iyo saaxiibadooda UPDF ee qeybta ka ahaa howlgalka, isaga oo ku dhiirrigeliyay inay sii laba-laabaan dadaallada lagu ciribtirayo kooxaha Khawaarijta ee dhibaatada ku haya shacabka Soomaaliyeed.

 

 

Degmada Yaaqshiid oo lagu qabtay kulan lagu xoojinayo wada shaqaynta Booliiska iyo Shacabka

Leyla Aden
-
0
Degmada Yaaqshiid oo lagu qabtay kulan lagu xoojinayo wada shaqaynta Booliiska iyo Shacabka

Degmada Yaaqshiid ee gobolka Banaadir oo lagu qabtay kulan looga hadlayo Amniga, is dhexgalka Shacabka iyo Ciidanka Booliiska Soomaaliyeed kulankan wuxuu daaraa fulinta amar uu hore u bixiyey Taliyaha Ciidanka Booliiska Soomaaliyeed S/Guuto Asad Cismaan Cabdullaahi,

Afhayeenka Ciidamada Booliska Soomaaliyeed Cabdifitaax Aadan oo faah faahin ka bixiyey kulankan ayaa yiri“Waxaan ka bilownay degmooyinka Gobolka Banaadir barnaamijyo isku xiraya bulshada iyo Ciidamada Booliska.”

Bandhigaan oo ay Kasoo qeyb galeen masuuliyiin ka socdey maamulka Gobolka Banaadir iyo Saraakiil Ka socotey Ciidanka Booliska, ayaa muhiimadiisu ahayd adkeynta wada shaqeynta Bulshada iyo Booliiska iyo is dhaafsiga xogaha muhiimka u ah Amniga.

Bulshada ayaa loo sheegey in ay Ciidanka gacan ku siiyaan Sugida Amniga iyo in wixii ay dhibaato u arkaan kusoo wargeliyaan Ciidanka Booliiska Soomaaliyeed.

Guddoomiyaha Degmada Yaaqshiid Suleymaan Maxamuud (fargax) ayaa ugu baaqay bulshada Degmada in wax waliba oo ay u arkaan inuu amnigooda Qatar ku yahay ay la soo wadaagaan laamaha amniga.

Safiirka Soomaaliya ee Yemen oo la kulmay Madaxweyne ku xigeenka dalkaasi

Fardowso Xasan Nuur
-
0
Safiirka Soomaaliya ee Yemen oo la kulmay Madaxweyne ku xigeenka dalkaasi

Safiirka Soomaaliya u fadhiya dalka Yemen, Cabdixakiin Maxamed Axmed, ayaa maanta qasriga madaxtooyada kula kulmay Madaxweyne ku xigeenka Yemen, Mudane Caydruus Qaasim Al-Zubeidi.

Kulanka ayaa diiradda lagu saaray xoojinta iskaashiga laba geesoodka ah ee u dhexeeya labada dowladood iyo xiriirka ka dhaxeeya labada shacab, gaar ahaan dhinacyada ganacsiga iyo arrimaha bulshada.

Sidoo kale, waxaa laga wada hadlay xoojinta amniga xeebaha iyo ka hortagga khataraha ay ka mid yihiin burcad-badeedka, tahriibka iyo hubka sharci darrada ah.

Federal Government of Somalia’s Weekly Briefing

Fardowso Xasan Nuur
-
0
Federal Government of Somalia’s Weekly Briefing

1- President Hassan Sheikh Mohamud has received the letters of credence of the new ambassadors to Ethiopia, Ghana, Ivory Coast, Mexico, Venezuela, Korea, Mauritania, and Iraq.

2- President Hassan Sheikh Mohamud has appointed Ambassador Aweys Xaji Yusuf to be the National Security Advisor of the Federal Republic of Somalia.

3- Prime Minister Hamza Abdi Barre has appointed Mr. Osman Cali Farah to be the First (Deputy Director-General) of Aden Adde International Airport in Mogadishu.

4- Deputy Prime Minister Salah Ahmed Jama met with the new British Ambassador to Somalia, Mr. Charles Nicholas King, and they discussed enhancing cooperation between the two countries.

5- The Ministry of Justice and the Supreme Court held a joint meeting to address challenges facing the country’s prisons, such as overcrowding and inmate safety concerns.

6- Foreign Minister Abdisalam Abdi Ali has met the new Special Representative of the Chairperson of the African Union Commission for Somalia and Head of the African Union Stabilization and Support Mission in Somalia (AUSSOM), Ambassador El Hadji Ibrahima Diene.

7- The Somalia Humanitarian Platform Conference, organized by SoDMA in coordination with the Southwest Ministry of Relief and Disaster Management, concluded in Baidoa.

8- Deputy Special Representative of the United Nations Secretary-General and UN Humanitarian Affairs Coordinator for Somalia, Mr. George Conwey, said that Somalia’s humanitarian situation requires urgent, large-scale relief.

9- A crucial meeting in Mogadishu between the Immigration and Citizenship Authority and the National Identity and Registration Authority (NIRA) discussed harmonizing services and plans related to the national identity card.

10- The Minister of Planning, Investment and Economic Development, Mahmud Sheikh Farah Beenebeene, held a fruitful meeting with Ambassador Karin Johansson, the European Union Ambassador to Somalia.

11- Defense Minister Ahmed Moalim Fiqi met with the European Union Ambassador to Somalia, Karin Johansson, to discuss defense, security, and Europe’s support for Somalia.

12- Somali National Army and Ugandan Defense Forces delivered a strong blow to Al-Shabab terrorists in a battle in Bariire, Lower Shabelle region, killing more than 70 militants.

13- A major fire caused substantial financial losses at Suuq Bacaad, the second-largest market in Mogadishu.

14- Finance Minister Bihi Iman Ige met with the British Ambassador to Somalia, Mr. Charles King, to discuss the financial relations between the two countries.

15- The Director-General of the Immigration and Citizenship Authority, Mustafa Sheikh Ali Dhuhulow, has formally signed important procedures to improve the services the agency provides to the Somali people.

16- Foreign Minister Abdisalam Abdi Ali has received copies of the letters of credence of ambassadors from Ghana, Ivory Coast, Mexico, Venezuela, Korea, Mauritania, and Iraq.

17- The Governor of Banaadir and Mayor of Mogadishu, Dr. Hassan Mohamed Hussein (Muungaab), delivered a total grant of $200,000 to the drought-relief committee in the Awdal region of northern Somalia.

18- The Embassy of the Federal Republic of Somalia in India welcomed ten diplomats from the Ministry of Foreign Affairs and International Cooperation of Somalia who were on a work visit to New Delhi.

19- The Governor of Banaadir and Mayor of Mogadishu, Dr. Hassan Mohamed Xuseen (Muungaab), appointed Mohamed Aden Afrah as Director of the Department of Labor and Workforce of the Banaadir Administration and Mogadishu Local Government.

20- Deputy Finance Minister Abdighafar Elmi Hange participated in the African Ministers of Finance meeting in Bangui, Central African Republic, to discuss economic development and climate-change resilience.

21- Officials of the Federal Government of Somalia held consultative meetings in Beled Xaawo, Gedo region, with traditional elders about how the public can cooperate with the recently deployed Somali National Forces in the region.

22- The Minister of Interior, Federal Affairs and Reconciliation appointed the Monitoring and Approval Commission for the House of Representatives of the newly established Northeast State of Somalia.

23- The Ministry of Ports and Maritime Transport concluded in Mogadishu a workshop on the duties and the general framework for Somalia’s maritime security and addressing sea-based threats.

24- The National Intelligence and Security Service (NISS) conducted operations targeting a house where Kharijites leaders were meeting in the Aboorey area of Hiiraan province.

25- Qudama Hamza Yusuf Mohamed aka Yahya, Abdi Hassan Roble aka Afey and Ibrahim Omar Sham’un aka Hubka, all members of Al Shabab, were executed by firing squad after being sentenced to death by the Army Court for murders and terrorist offenses.

Warbixinta Toddobaadlaha ee Dowladda Federaalka Soomaaliya oo soo baxday

Fardowso Xasan Nuur
-
0
Warbixinta Toddobaadlaha ee Dowladda Federaalka Soomaaliya oo soo baxday

2-Madaxweyne Xasan Sheekh Maxamuud ayaa u magacaabay Danjire Aweys Xaaji Yuusuf in uu noqdo La-taliyaha Amniga Qaranka ee Jamhuuriyadda Federaalka Soomaaliya.

3-Ra’iisul Wasaare Xamsa Cabdi Barre ayaa u magacaabay Mudane Cismaan Cali Faarax, inuu noqdo Maareeye Ku-xigeenka Koowaad ee Garoonka Diyaaradaha Aadan Cadde ee magaalada Muqdisho.

4-Ra’iisul Wasaare Ku-Xigeenka Soomaaliya Mudane Saalax Axmed Jaamac ayaa qaabilay Danjiraha cusub ee Britain u fadhiya Soomaaliya Mr. Charles Nicholas King, iyagoo ka wadahadley xoojinta iskaashiga u dhaxeeya labada dal.

5-Wasaaradda Cadaaladda iyo Maxkamadda Sare ayaa qabatey kulan wadajir ah oo looga hadlayay caqabadaha ka taagan xabsiyada dalka sida buux-dhaafka maxaabiista iyo arrimaha badqabka maxaabiista.

6-Wasiirka Arrimaha Dibadda  Cabdisalaan Cabdi Cali ayaa  qaabilay  Wakiilka Gaarka ah ee Guddoomiyaha Guddiga Midowga Afrika u qaabilsan Soomaaliya, ahna Madaxa Howlgalka Xasillinta iyo Taageerada Midowga Afrika ee Soomaaliya (AUSSOM), Danjire El Hadji Ibrahima Diene.

7-Shirka Madasha Bani’aadannimada Soomaaliya oo ay soo qabanqaabisay Hay’adda Maareynta Musiibooyinka (SoDMA) oo kaashanaysa Wasaaradda Gargaarka iyo Maareynta Musiibooyinka Koonfur galbeed ayaa lagu soo gabagabeeyay magaalada Baydhabo.

8-Ku-Xigeenka Ergeyga Gaarka ah ee Qaramada Midoobay ahna Isku-duwaha Arrimaha Bani’aadannimada ee Soomaaliya, Mudane George Conway ayaa sheegay in xaaladda bani’aadannimo ee Soomaaliya ay ka jirto baahi ballaaran oo u baahan gurmad degdeg ah.

9-Waxaa  magaalada Muqdisho ka qabsoomay kulan muhiim ah oo u dhexeeyay Hay’adda Socdaalka iyo Jinsiyadda iyo Hay’adda Aqoonsiga iyo Diiwaangelinta Qaranka (NIRA) kaas oo looga hadlayay is-waafajinta adeegyada labada hay’adood iyo qorsheyaasha la xiriira adeegsiga kaarka aqoonsiga qaranka.

10- Wasiirka Qorsheynta, Maalgashiga iyo Horumarinta Dhaqaalaha  Maxamuud Sheekh Faarax (Beenebeene), ayaa kulan miro-dhal ah la yeeshay, Danjire Karin Johansson, Safiirka Midowga Yurub ee Soomaaliya.

11- Wasiirka Gaashaandhigga Axmed Macallin Fiqi ayaa la kulmay Safiirka Midowga Yurub u fadhiya Soomaaliya , Karin Johansson,iyagoo ka wada hadlay difaaca dhanka amniga iyo  taageerada Yurub ee Soomaaliya.

12- Ciidamada Xoogga Dalka iyo Ciidamada Difaaca Uganda ayaa jab xooggan gaarsiiyey argagaxisada Al-Shabaab dagaal ka dhacay magaalada Bariire ee gobolka Shabeelleha Hoose, iyadoo halkaasi lagu dilay in ka badan 70 xubnood oo ka tirsanaa argagixisada.

13- Dab khasaare maaliyadeed oo baaxad leh gaystay ayaa qabsaday  Suuq Bacaad oo ah suuqa labaad ee ugu weyn magaalada Muqdisho.

14- Wasiirka Maaliyadda  Biixi Imaan Cige ayaa kulan la yeeshaya Danjiraha Britain u fadhiya Soomaaliya Mr. Charles King, iyagoo ka wadahadley xiriirka dhaqaale ee labada dal.

15- Agaasimaha Guud ee Hay’adda Socdaalka iyo Jinsiyadda Mustafa Sheekh Cali Dhuxulow ayaa si rasmi ah u saxiixay habraacyo muhiim ah oo lagu hagaajinayo adeegyada ay hay’addu siiso bulshada Soomaaliyeed.

16- Wasiirka Arrimaha Dibadda  Cabdisalaan Cabdi Cali, ayaa ka  guddoomay  qaar ka mid ah nuqulka  warqadaha aqoonsiga danjirannimo ee Safiirada  dalalka Ghana, Ivory Coast, Mexico, Venezuela, Korea, Mauritania, iyo Ciraaq.

17- Guddoomiyaha Gobolka Banaadir ahna Duqa Magaalada Muqdisho  Dr. Xasan Maxamed Xuseen (Muungaab)  ayaa deeq lacageed oo dhan laba boqol kun oo dollar ($200,000) ku wareejiyay guddiga gurmadka abaaraha ka jira Gobolka Awdal ee Waqooyiga Soomaaliya.

18- Safaaradda Jamhuuriyada Federaalka Soomaaliya  ee dalka Hindiya ayaa magaalada New Delhi ku soo dhoweysay toban diblomaasiyiin oo ka socday  Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya oo halkaasi socdaal shaqo ku gaarey.

19- Guddoomiyaha Gobolka Banaadir ahna Duqa Magaalada Muqdisho Dr. Xasan Maxamed Xuseen (Muungaab) ayaa u magacaabay Maxamed Aadan Afrax, Agaaasimaha Waaxda Shaqada iyo Shaqaalaha Maamulka Gobolka Banaadir iyo Dowladda Hoose ee Xamar .

20- Wasiir Ku Xigeenka Maaliyadda  Cabdiqafaar Cilmi Xaange ayaa magaaladda Bangui ee Jamhuuriyadda Afrikada Dhexe uga qeyb galey shirka Wasiirrada Maaliyadda ee dalalka Afrika oo looga hadlay  horumarinta dhaqaalaha iyo u adkeysiga isbedelka cimiladda .

21- Masuuliyiin ka tirsan Dowladda Federaalka Soomaaliya ayaa  ayaa magaalada Beled Xaawo ee gobolka Gedo kulamo wadatashi ah la kula qaatay odaayasha dhaqanka  ,iyagdoo ka wadahadley sidii shacabka ay ula shaqeyn lahaayeen Ciidamada Qalabka Sida ee dhowaan la wareegay amniga gobalka.

22- Wasiirka Arrimaha Gudaha, Federaalka iyo Dib-u-Heshiisiinta  ayaa magacaabay Guddiga Hubinta iyo Ansixinta Golaha Wakiillada Dowlad Goboleedka Waqooyi Bari ee Soomaaliya.

23- Wasaaradda Dekedaha iyo Gaadiidka Badda ayaa Muqdisho ku soo gabagabaysay aqoon isweydaarsi ku saabsan  diyaarinta waajibaadka iyo qaab dhismeedka guud ee amniga badaha Soomaaliya iyo duulaanka khataraha badaha ka dhaca.

24- Ciidamada Hay’adda Sirdoonka iyo Nabadsugidda Qaranka ayaa hawgallo ku beegsaday guri ay ku shirayeen horjoogayaal ka tirsan Khawaarijta oo ku yaalley degaanka Aboorey ee gobolka Hiiraan.

25- Qudaama Xamze Yuusuf Maxamed (Yaxye), Cabdi Xassan Rooble (Afeey) iyo Ibraahim Cumar Shamcuun (Hubka) oo ka tirsanaa argagixisada Al Shabab ayaa lagu  fuliyay dil toogasho oo ay horay ugu xukuntay Maxkamadda Ciidamada kadib markii ay ku heshay dilal iyo dembiyo argagixiso oo ay geysteen.

1...119120121...1,713Page 120 of 1,713

© 2023 Telefishinka Qaranka Soomaaliyeed