Waxaa maanta lagu wadaa in lagu soo gaba gabeeyo Magaalada Beijing ee caasimadda dalka Shiinaha shirka wada-hadallada heerka sare ee Madasha Iskaashiga Shiinaha iyo Afrika (FOCAC) oo ay ka qeyb galayaan wufuud ka socota 53 dal oo Afrika ah, Qaramada Midoobey iyo Midowga Afrika.

Shirkan ayaa waxaa looga hadlayaa dardar-gelinta xiriirka dhaqaale iyo iskaashiga dan-wadaagga ku dhisan ee ka dhexeeya Shiinaha iyo dalalka Afrika.

Agaasimaha Warfaafinta iyo Xiriirka Warbaahinta Madaxtooyada Mudane Cabdinuur Maxamed Axmed  ayaa sheegay in goordhow lasoo gaba gabeyn doono shirka Madasha Iskaashiga Shiinaha iyo Afrika oo haatan ka socda maalinkii labaad Hoolka Weyn ee Ummadda magaalada Bakiin.

Hoggaamiyeyaasha iyo wakiillada ganacsatada ee qaybta ka ah Madasha Iskaashiga Shiinaha iyo Afrika ayaa ka baaraan dagaya qorsheyaal lagu kobcinayo maalgashiga, fududeynta isdhaafsiga badeecadaha, xoojinta nabadda iyo xasilloonida dalalka Qaaradda Afrika.

Dowlada Soomaaliya ayaa saxiixday heshiis la xiriira sare u qaadidda Iskaashiga Dhaqaale iyo Farsamo ee u dhexeeya Beijing iyo Muqdisho.

Waxaa magaalada Dhuusomareeb ee Xarunta Galmudug ka bilaabtay doorashada mid kamid ah kuraasta Baarlamaanka oo banaan, kaasi oo musharixiin ay ku tartamayaan.

Kursiga loo tartamayo waxaa 19 bishii Agoosto ee sanadkaan baneeyay C/qaadir Gaafow Maxamuud oo iska casilay xilka xubinnimada Baarlamaanka Soomaaliya.

Gelinkii dambe ee shalay waxaa magaalada Dhuusomareeb gaaray C/llaahi Gaafow Maxamuud Taliyihii hore ee Socdaalka iyo Jinsiyadaha iyo NISA oo doonaya inuu u tartamo kursiga uu baneeyay walaalkii C/qaadir Gaafow.

Doorashada Kursigan ka banaan Aqalka Hoose waxaa ku tartamaya Genaraal Cabdulaahi Gaafow Maxamuud Taliyihii hore ee Hay’ada Nabad Sugida iyo Xiirey Muxudiin Cumar Gudoomiyihii hore ee Degmada Dayniile.

Doorashada ayaa hada si toos ah uga socota magaalada Dhuuso mareeb , maadaama shalay la dhameeyay diiwaan gelinta ergada doorashada ka qeyb galaysa iyo xubnaha korjoogtada ah.

Doorashadan ayaa Hada waxaa goob joog ka ah Guddiga Doorashooyinka, Wasiiro ka tirsan Galmudug, Maamulka Gobolka kan Degmada, Ururada Bulshada Rayidka iyo Warbaahinta.

Dowladda Ingiriiska ayaa ballan qaadday inay dhaqaale gaarayo 7 Milyan oo Yuuro ku bixin doonto taakuleynta Ciidamada AMISOM, si ay sare ugu qaadaan dagaalka ay kula jiraan kooxda Al-Shabaab.

Hadalkan ayay Ra’iisul wasaaraha Dalka Britain Theresa May, sheegtay xilli ay booqasho ku maraysay   Dalal ay ka mid tahay Kenya, iyadoo sheegtay inay xaaladda ka taagan Dalka Soomaaliya saamayn ku yeelan doonto Waddamo kale, haddii aan wax laga qaban.

Mss, May ayaa intaa raacisay in ay lama huraan tahay in xoogga la saaro sidii loo heli lahaa nabad gelyo waarto oo ka hana qaadda Soomaaliya, taasina lagu gaari karo in dedaallo dheeraad ah lagu bixiyo la dagaallanka kooxaha argagixisada.

Dowladda Ingiriiska ayaa door weyn ku leh tababarrada iyo taakuleynta Ciidamada howl-galka Midowga Afrika ee AMISOM iyo kuwa Soomaaliya, iyadoo sidoo kale dhaqaale fara badan ku bixiso dagaalka ka dhanka ah Al-Shabaab.

Dalka Koonfur Afrika ayaa waxaa ka dhacay qarax sababay qasaare dhimasho iyo dhaawac,kaasi oo sida la sheegay ka dhashey dab ka kacay Warshada kutaala Dalkaasi.

Inta la xaqiijiyay ilaa 8 qof ayaa ku geeriyootay tiro kale oo aan la shaacina waa ay ku dhaawacmeen qaraxaasi,waxaana uu saameeyey howlihii shaqo ee ka socda Warshadda.

Waxaa jira baadi goob ay Shaqaalaha dabdamiska ugu jiraan dad lagu tuhunsan yahay iney gudaha warashadda gubatay ku jireen xilliga uu qaraxa ka dhacayey, warshadda gubatay oo ku taalla duleedka magaalada Capetown ee dalka Koonfur Afrika.

Sida uu warbaahint au sheegay Afhayeen u hadlay shaqaalaha dabdamiska ee Warshadaasi gubatay,dabka ayaa kacay gelinkii dambe ee shalay,waxaana qaraxaasi oo ahaa mid aad u xoogan aan la shaacin ilaa iyo haatan wax yaabaha sababay.

Waxaa lagu magacaabaa Warshadda gubatay Rheinmetall-Denel,taasi oo ay si wada jir ah u lahaayeen SHirkado laga leeyahay wadamada Koonfur Africa iyo Jarmalka.

Wararka ayaa sheega in Warshadda oo ah mid soo saarto hubka, bambooyinka iyo waxyaaba kale, ay isticmaalijireen ciidamada ammaanka Dalka KOonfur AFrika,halka qaarna loo iib geyn jiray daafaha caalamka.

Weli majiro war ka soo baxay hay’adaha ammaanka Dalka Koonfur AFrika eek u aadan qaraxa warshadaasi ka dhashey,balse waxaa weli soconaya gurmad iyo dabagalo ku saabsan waxa dhaliyay dabkaasi.

Muqdisho August 3 (SNTV):- Ururka saxafiyiinta qaranka Soomaaliyed ee Nusoj ayaa qabta Dood ku saabsan badqabka gabdhaha wariyayaasha ee soomaaliyed iyo sidii loo ilaalin lahaa.

Dooddan ayey Ururka ku casumeen Madax ka socotay Dowlada Federaalka ah ee Soomaalia, Qaar kamid ah Agaasimayaasha warbaahinta Muqdisho, Aqoonyahano iyo Qaar kamid ah wariyayaasha magaalada Muqdisho.

Doodda ayaa inteeda badan lagu falanqeeyey dhibaatooyinka iyo caqabadaha heysta gabdhaha wariyayaasha, xaaladaha ay kushaqeeyaan iyo sidii loo horumarin lahaa xirfadooda.

Maahir Jaamac Aadam oo ah gudoomiyaha Ururka saxafiyiinta Somaliyed ee Nusoj oo hadal kajeediyey Doodda ayaa sheegay in masuuliyadoodu ay tahay sidii ay u ilaalin lahaayeen Xuquuqda wariyayaasha soomaaliyeed meelkasto ay joogaan, Ujeedada ay u qabteen Doodanna ay tahay sidii xal loogu heli lahaa dhibaatada heystada gabdhaha wariyayaasha ah.

Amina ladan Axmed Cali oo ah gabar suxufiyad ah oo mudda kasoo shaqeysay howlaha saxaafada oo iyadna ka hadashay dooda waxay sheegtay in caqabado badan ay heystaan gabdhaha wariyayaasha ah, duruufana ay ku shaqeyan ay kamidyihiin mushaarka ay qaataan oo kuyar, iyo maamulayaasha warbaahinada qaarkood oo aan wax tixgalin ah siin gabdhaha, iyadoo ugu baaqday Ururka saxafiyiinta qaranka iyo Dowlada federaalka ah ee soomaaliya inay soo saaraan sharci ilaalinaya xuquuqda gabdhaha wariyayaasha ah.

MAryan AMiin oo ah Agaasimaha waaxda Arimaha bulshada ee xafiiska Ra’isalwasaaraha Soomaaliya oo gabagabadii Dooda ka hadashay goobta waxay sheegtay in Wariyayaasha ay kaalin wayn ka qaataan dib udhiska dalka gaar ahaan kuwa dumarka  sidaas darteed loo baahanyahay in la tixgaliyo oo aan lagu xadgudbin, iyadoo intaas kudartay inuu jira guddi madax bannaan oo ka shaqeeya xuquuqul insaanka Soomaaliya, kaasoo dabagalka kusameyn doona dhibaatooyinka loo geysto Gabdhaha wariyayaasha ah,

Ma ahan Dooddii ugu horeysay ee ay qabtaan Ururka saxafiyiinta qaranka ee Nusoj kaasoo ay uga hadlayaan xaaladaha ay kushaqeeyaan wariyayaasha Soomaaliyeed, waxaana haddii la joogteeyo Doodaha looga hadlayo dhibaatooyinka heysta wariyayaasha Soomaaliyeed meesha ka baxa caqabadaha ka heysta shaqadooda.