Taliyaha Ciidanka Booliiska Soomaaliyeed, Sarreeye Guuto Asad Cismaan Cabdullaahi, ayaa shir guddoomiyey kulanka hoggaannada, Taliyaasha Qeybaha iyo Fadhiyada Madaxbannaan, kaasi oo looga hadlayey amniga guud ee dalka.
Kulanka ayaa warbixinno looga dhageystay saraakiisha amniga, kuwaas oo lagu faray kulamadii hore in ay dhaqan geliyaan qorshaha horumarinta amniga, si loo dardar-geliyo dadaallada lagu xoojinayo amniga una hortagaan falalka guracan ee ay wadaan kooxaha Khawaarijta.
