Guddoomiyaha Aqalka Sareee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi oo ay wehliyaan ku xigeennadiisa, ayaa maanta shir guddoomiyay kalfadhiga Saddexaad kulankiisa 6-aad ee Golaha Aqalka Sare oo ajandihiisu ahaa Akhrinta labaad ee Hindise Sharciyeedka Xafiiska Hanti-dhowrka Guud ee JFS.
Ugu horrayn Guddoomiyaha Guddiga Khayraadka Qaranka Aqalka Sareee BJFS, Senator Saynab ismaaciil Maxamed ayaa Sanatarrada la wadaagtay Akhrinta labaad ee Hindise Sharciyeedka Xafiiska Hanti-dhowrka Guud ee Qaranka oo ay toosin, wax ka bedel, siiqayn iyo qaabaynba ay ku sameeyeen qodobada qaar ee sharciga.
Intaas kadib waxaa la gudagalay doodda iyo aragtida Sanatarrada kulanka maanta soo xaadiray, iyagoo soo bandhigay fikirkooda iyo wax yaabaha ay qabaan sharciga Xafiiska Hanti-dhowrka Guud ee Qaranka oo ay tahay in lagu kordhiyo ama laga tiro, si loo helo sharci is dheeli tiraya.
Ugu dambayn Guddoomiyaha Aqalka Sare Senator Cabdi Xaashi Cabdillaahi ayaa ugu baaqay labadda Gole Baarlamaan in ka qayb galaan Dagaalka dalka looga xoraynayo kooxaha Khawaarijta ayna ka wada tashadaan labadda Aqal.
