Taliyaha Ciidanka Suudaan , Abdel Fattah Al-Burhan, ayaa sheegay in dalkiisa uu xilligan wajahayo shirqoolkii ugu weynaa ee taariikhda soo mara, kaasi oo sida uu sheegay lagu beegsanayo guud ahaan masiirka Suudaan.
Al-Burhaan oo khudbad ku saabsan munaasabadda 69-guurada ka soo wareegtay aas-aaska ciidammada qalabka sida ee Suudaan u jeediyay Shacabka ayaa weeraray taliyaha ciidamada Taageerada degdega ah, isagoo ku sifeeyay inuu yahay khaa’inul wadan damacsan inuu ka faa’ido dhiiga shacabka reer Suudaan.
Taliyaha ciidamada Suudaan, ayaa wacad ku maray in dhawaan Shacabka Suudaan ay u dabaal degi doonaan guulo laga gaaro ciidamada ka soo horjeeda ee tageerada degdega ah.
Khubarada dhanka militariga iyo qaar ka mid ah diblumaasiyiinta Caalamka ayaa saadaalin ay ka sameyeen dagaalka ka socda Suudaan, ayaa sheegay in dagaalku uu sii socon karo muddo dheer.
