Kooxaha Khawaarijta ah ayaa saaka Weerar ku soo qaaday deegaanka Hilowle gaab ee gobolka Shabeellada dhexe oo dhawaan cadowga laga xoreeyay waxaana ka dhashay dagaalkaas Khasaare kala duwan.
Qaraxyo ayay Khawaarijtu subaxnimadii ku qadeen magaalada ka dibna waxaa ay is farasaareen xoogga dalka iyo xooggaga deegaanka oo la socday dhagarta Khawaarijta halkaas oo cashar loogu dhigay waxaana lagaga dilay dagaalka maleyshiyaad aad u badan.
Guddoomiyihii hore ee degmada Wadajir Axmed Xasan Caddow {Axmed Daaci} oo ku sugan deegaanka ayaa u waramay Warbaahinta Qaranka isaga oo sheegay in Khasaare xooggan cadowga lagu gaarsiiyay dagaalka hadana la sii baacsanayo.
Guddoomiyaha ayaa intaas ku daray in Khawaarij aan laga hari doonin inta laga saarayo dhulka howdka ah ee weerarka ay ka soo qaadeen si mar kale aysan u dhicin in dagaal ay ku qaadaan deegaanada nabadda ah ee laga xoreeyay.
