Ciidamada Booliska Soomaaliya ayaa xalay howlgalo dad badan lagu qabtay waxa ay ka sameeyeen xaafada Kordamac ee Degmada Deyniile Ee Gobolka Banaadir.
Gudoomiyaha Degmada Deyniile Abdishakuur Abuukar Macalin ayaa sheegay in xalay baaritaano ay ka sameyeen degmadaas ku qabteen dhagarqabayaal katirsan Argagixisada Al-shabaab oo ka danbeeyey Sida uu sheegay mar uu la hadlayey Warbaahinta Qaraxii shalay lagu dilay Sargaal katirsan Milatariga Soomaaliya Kaas oo Dhaawac weererkaan ka soo gaaray u geriyooday waxaana lagu magacaabi jiray Salaad Isaaq.
Sidoo kale waxaa Qaraxaan ku geriyooday Askar ilaalo u aheed sargaalkaan kaas oo miino nuuca wadada lagu Aaso ay haleeshay gaari nuuca raaxada ah oo uu watay xilli uu marayey Laamiga Deyniile.
DHAGEYSO CODKA Gudoomiyaha Degmada Deyniile Abdishakuur Abuukar Macalin
