Wafdi uu hogaaminayo Guddoomiyaha golaha shacabka Jamhuuriyadda Soomaaliya oo uu qayb ka yahay guddoomiyaha Baarlamaanka Jabuuti ayaa gaaray magaalada Baydhabo ee xarunta gobolka Baay.
Wafdiga waxaa garoonka diyaaradaha magaalada Baydhabo ku soo dhaweeyay masuuliyiinta sare ee dowlad goboleedka Koofur-galbeed iyadoo loo galbiyay dhanka madaxtooyada magaalada Baydhabo waxaa halkaas uu uga qayb galayaa wafdigani xafladda furitaanka Kalfadhiga 5aad ee golaha wakiilada Koofur-galbeed oo lagu wado inuu furo madaxweynaha maamulkaasi.
Guddoomiyaha Baarlamaanka dalka Jabuuti Mudane Maxamed Cali Xumad iyo wafdiga uu hugaaminayo ayaa saaka ka soo dagay garoonka diyaaradaha magaalada Muqdisho oo si weyn loogu soo dhaweeyay ka hor inta uusan u sii gudbin magaalada Baydhabo.
