Hoggaamiyaha Dowlad Goboleedka Koonfur Galbeed Sheekh Aadan Maxamed Nuur (Sheekh Aadan Madoobe), ayaa maanta Magaalada Baydhabo ka daahfuray Shirka Madasha Arrimaha Bini’aadannimada ee (CHF).
Shirka waxaa soo qaban-qaabiyay Hay’adda SoDMA, waxaana ka qeybgalaya Wasiirrada wasaaradaha Gargaarka Dowlad goboleedyada,wakiillo ka socda beesha caalamka, hay’adaha caalamiga ah iyo kuwa maxalliga ah, hay’adaha Qaramada Midoobay, iyo ururrada bulshada rayidka ah.
Shirka sanadkan waxaa diiradda lagu saarayaa soo kabashada abaaraha dalka iyo u diyaar-garowga El Niño 2026, iyadoo la xoojinayo wada-shaqeynta tallaabooyinka hore loo qaado, iyo xalalka waara ee kor loogu qaadayo adkeysiga bulshooyinka Soomaaliyeed.
