Dowladda Federaalka Soomaaliya iyo hayโadda UNESCO ayaa gaaray is afgarad rasmi ah oo lagu taageerayo ka faaโiidaysiga garaadka macmalka ah (Artificial Intelligence โ AI) si Soomaaliya uga mid noqoto dalalka ka faaโiidaya isbeddelka teknolojiyadeed ee dunida ka socda.
Is afgaradkan, oo lagu saxiixay magaalada Bangkok, waxaa kala saxiixday Wasiiru Dowlaha Wasaaradda Isgaarsiinta iyo Teknolojiyadda, Mudane Axmed Diiriye, iyo Madaxa Hawlaha AI-da ee UNESCO, Dr. Lidia Brito.
Isfahamkaan cusub ayaa horseedi doona in si degdeg ah loo bilaabo qiimayn qaran oo AI ah, taasoo lagu ogaanayo heerka ay Soomaaliya ka joogto diyaar-garowga teknoolojiyaddan cusub, lana qeexayo tallaabooyinka loo baahan yahay si loo horumariyo ka faaโiidaysigeeda.
Is afgaradkaan ayaa la filayaa in uu xoojiyo iskaashiga u dhexeeya Soomaaliya iyo UNESCO, isagoo Soomaaliya u furaya waddo cusub oo horumar, hal-abuur iyo adeegyo casri ah lagu gaari karo iyada oo la adeegsanaayo garaadka macmalka ah.
