Ciidamada Jubbaland iyo Ciidamada Xooga dalka oo dhawaan isku fureen wadada isku xirta Magaalooyinka Kismaayo iyo Afmadow ayuu Madaxweynaha Dowladda Jubaland Mudane Axmed Maxamed Islaam maanta booqasho ku tagay Degmada Afmadow ee Gobolka Jubada Hoose.
Qeybaha kala duwan ee Bulshada ku nool Degmada ayaa Madaxweynaha kusoo dhaweeyay bartamaha Magaalada isagoo mid mid u gacan qaaday dadweynahii soo dhaweeyay.
Madaxweynaha ayaa u tagay Degmada Afmadow dardar galinta howlgalada ay wadaan Ciidamada Jubaland iyo Ciidamada Xooga dalka kuwaas oo guulo wax ku ool ah laga gaaray maalmahii lasoo dhaafay.
