Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa dadka Soomaaliyeed u diray farriin ku saabsanย cunaqabateynta hubka ee laga qaaday Soomaaliya.
Madaxweynaha ayaa kaย hadlay dadaalka ay ku bixisay dowladda in la qaado cunaqabateynta hubka, faaโiidada ay u leedahay dowladnimada iyo halganka xoreynta dalka.
โDadka Soomaaliyeed waxa aan rabaa in aan ugu bishaareeyo sanadka 32-aad in aysan cunaqabateyn hubkanina saarneen, maanta dadka Soomaaliyeed waxa aan rabaa in aan u sheego dalka Soomaaliya dhammaan cunaqabateynta hubka waa laga qaaday,โ sida uu yiri Madaxweynaha Jamhuuriyadda.
Sidoo kale Madaxweynaha oo hadalka sii wata ayaa ku sii daray, โDalkeena maanta waxa uu xor u yahay intii awoodeenu ay laโegtahay hubkii aan rabno in aan soo iibsanno, oo caalamka aan ka soo iibsanno.โ
Madaxweynaha oo ka hadlay fursadaha ay Soomaaliya haysato ayaa yiri, โWaxaa maanta fursad u haysannaa dalalka na kaalmeenaya ee saaxiibada nala ah ee walaalaha ah, hubkasta oo aan waydiisanno in ay na siin karaan.โ
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ugu dambeyn sheegay in dowladda ay ku ad-adkaandoonta xakameynta hubka iyo khulkhulka hubka, isaga oo xusay in dowladda ay u dajisau shuruuc.
Fadhi ay yeesheen Golaha Ammaanka Qaramada Midoobay ayaa Soomaaliya looga qaaday cunaqabateynta hubka oo saarneed tan iyo 1992-dii. Tallaabadaan ayaa sheegay in ay Soomaaliya u abuuri doonta waddo cusub.
