Wasiirka Waxbarashada, Hiddaha iyo Tacliinta Sare Faarax Sheekh Cabdulqaadir oo ay wehliyaan wasiirada waxbarashada dowladaha xubnaha ka ah dowladda Federaalka ayaa goordhaw gaaray Magaalada Dhuusamareeb ee xarunta Galmudug,
halkaas oo labada maalmood ee soo aaddan uu ka dhacayo shir wadatashi ah oo ku saabsan waxbarashada dalka.
Wafdiga Wasiirka waxaa garoonka Diyaaradaha Dhuusamareeb ku soo dhaweeyay Wasiirka Waxbarashada Galmudug, masuuliyiin iyo qeybaha Bulshada.
Wafdigan ayaa ujeedkoodu yahay in ay ka qeyb galaan shirka Wada-tashiga Arrimaha Waxbarashada oo dhawaan ka furmi doono Magaalada Dhuusamareeb.
