Wasiirka Wasaaradda Ganacsiga iyo Warshadaha XFS Xildhibbaan Jibril Abdirashid Haji Abdi oo maanta guddoomiyey shirkii Wasaaradda, ayaa waxa looga hadlay dar-dar-gelinta hawlaha shaqo ee hayโadda Tayo-dhowrka Soomaaliyeed, waxaana uu warbixino ka dhageystay sii hayaha xilka Maareeyaha Hayโadda Tayo-dhowrka Marwo Xaawo Axmed Xasan iyo qaar ka mid ah agaasimeyaasha iyo la-taliyeyaasha hayโadda.
Sii hayaha Maareeyaha Hayโadaha Tayo-dhowrka Soomaaliyeed Marwo Xaawo Axmed Xasan, ayaa halkaas ku soo bandhigtay qorsheyaasha hor-tebinta u leh hayโadda ee sanadkan 2023, waxyaabahii u qabsoomay sanadkii hore iyo caqabadaha jira inta ba iyada oo xustay in sanadkan uu qorshahooda ugu weyn yahay siddii loo dar-dar-gelin lahaa wax ka qabashada badeecadaha tayadoodu hoosayso ee loo soo dhoofiyo dalka, iyo weli ba sidoo kale kuwa dhacay ee lagu isticmaalo wadanka gudahiisa.
Wasiir Jibril Abdirashid Haji Abdi, oo isagu na dhankiisa halkaas ka hadlay, ayaa masโuuliyiinta hayโadda kula dar-daarmay xoojinta wada-shaqeynta, dar-dar-gelinta hawlaha shaqo ee horyaala iyo ilaalinta bad-qabka caafimaad ee noolaha iyo biiโadda gaar ahaan siddii loo ilaalin lahaa badeecadaha tayadoodu hoosayso ee loo soo dhoofiyo dalka kuwaas oo khatar caafimaad ku ah shacabka Soomaaliyeed.
