Madaxweynaha JFS Mudane Hassan Sheikh Maxamuud ayaa Maanta Khudbad dhinacyo badan tabaneysa waxa uu ka jeediyey Masjidka Madaxtooyada Isaga oo hadalkiisa diirada ku saaray dagaalka ka dhanka ah Khawaarijta Al-shabaab.
Madaxweyne Hassan ayaa ugu horeeyn Cambaareeyey dagaalkii maanta ka dhacay Magaalada Baydhabo ee Gobolka Baay isaga oo ku baaqay in miiska wadahadalka lagu dhameeyo xiisadaas.
Dhanka kale Madaxweynaha oo ka hadlayey dagaalka Al-shabaab ayaa sheegay in dhawaan howlgalo ka dhan ah khawaarijta Al-shabaab laga bilaabay deeganada Maamulka KGS isaga oo xusay in ciidamadii qaadi la ahaa howlgalkaas qaar kood la geeyey deeganada maamulkaas halka kuwa kale la dhamestiri doono.
Madaxweynaha ayaa sidoo kale xusay in isna deganada Galmudug laga bilaabayo howlgal lamid ah midkaan oo ka dhan ah khawaarijta AL-Shabaab.
