Gudoomiyaasha Gobolka Mudug oo Fuliyay Howlgal Wadajir ah.(SAWIRO).

Galmudug iyo Puntland

0

Gudoomiyaha Gobolka Mudug Axmed xuseen Shire Bukhaari oo wehlinayo Gudoomiyaha Gobolka Mudug ee Puntland Faysal Sheikh Cali, Gudoomiye ku xigeenka Degmada Gaalkacyo Galmudug Eng. Maxamed Cabdi Cilmi iyo Saraakiisha Booliiska Gobolka ee Labada dhinac ayaa maantay kormeer ku tagay Degaanada Bardo dheere, Bohosha iyo Maxjarka oo dad ay ka wadeen degaamayn cusub oo maamulku aysan waxba ka ogayn.

Kormeerkaan ayaa salka ku hayay kadib dhaqan galinta qodobada shalay laga soo saaray Shirka amniga oo Gaalkacyo ay ku yeesheen maamulada iyo laamaha amniga.

Socdaalkaan waxaa Qeyb ka ahaa Laamaha Amaanka kuwaa Horey ugu Heshiiyay Iskaashiga amni ee Gobolka.

Dhawaan ayay ahayd markii Gudoomiyaha Gobolka Galmudug Ahmed Shire Bukhari iyo Dhiggiisa Puntland Feysal Sheikh Cali aay Heshiis Ku Gaareen Iskaashiga Amniga Gobolka iyo Horumarka Labada Maamul.