Munaasabad ay soo qabanqaabiyeen Midowga Africa iyo UNESCO ayaa ka dhacday magaalada Addis Ababa ee Caasimadda Ethiopia, waxaana ka qeybgalay in ka badan 35 Dawladood oo ay ku jirto Soomaaliya.
Mas’uuliyiin ka socday Wasaaradda Warfaafinta, Safaaradda Soomaaliya ee Addis iyo jaaliyadda Soomaaliyeed ee Ethiopia ayaa madasha oo xalay ka dhacday xarunta arrimaha dhaqanka ee Addis Abeba waxay kusoo bandhigeen qeybaha kala duwan ee ciyaaro dhaqameedka, cuntooyinka iyo ganacsiga kala duwan ee Soomaaliya u gaarka ah.
Munaasabaddan oo sanad kasta lagu qabto dalalka Africa ayaa sanadka lagu qabtay Ethiopia, waana markii u horraysay oo ay Soomaaliya ka qeyb gasho.
