Wasiirka Cadaalada iyo Awqaafta dowlad goboleedka Koonfur galbeed oo maalintii labaad kusugan magaalada Xuddur ayaa xafiiska guddoomiyaha gobolka Bakool ku qaabilay guddoomiyaha degmada Xuddur iyo kuxigeenadiisa iyo mas’uuliyiinta gobolka.
Waxana uu xog laxiriirta khilaaf ka taagan maamulka masaajidka weyn ee magaalada Xuddur ka dhgeysteen mas’uuliyiinta kulanka ay laqaateen.
Masaajidka weyn ee Xuddur oo dhismihiisa uu socday muddo Seddex Sano iyo bar welina qabyo ah, waxa la dahfurey 11-08-2021 intaa wixi ka dambeeyey waxa khilaaf ka taagnaa imaamada masaajidka taasoo qeyb ka ah imaanshiyaha Wasiirka caddaalada iyo Wasiirka Awqaafta iyo arrimaha diinta Koonfur galbeed, waxana kulamo laqaadan doonaan cullimaa’udiinka iyo wax garadka si masaajidka loogu dhiibo cida ku haboon oo mas’uuliyadiisa hanan karta.
Wasiirka Caddaalada Koonfur gakbeed Xasan Ibraahim Lubuur iyo Wasiirka Awqaafta iyo Arrimaha diinta oo kukanka ka dib warbaahinta lahadlay ayaa u mahadceliyey guddiga dhismaha masaajidka iyo dhamaan ummada muslimka ah ee ka qeyb qaadatay dhismihiisa.
