Ciidanka Xoogga dalka oo cagta mariyay fariisimo maleeshiyada Al-Shabaab ku lahaayeen gobolka Gedo+(SAWIRRO).

Date:

Ciidanka Xoogga dalka ayaa howlgal qorsheysan ka fuliyay deegaano ka tirsan gobolka Gedo oo maleeshiyada Al-Shabaab ku dhibaateynayeen dadka xoola dhaqatada ah.

Ciidanka ayaa howlgalka si gaar ah uga fuliyay deegaanada Shaataloow iyo Kheydar kuwaas oo argagixisada Al-Shabaab si dhuumaaleysi ah dadka rayidka ah ugu dhibaateynayeen.

Dagaal kooban oo deegaanadaas ka dhacay ayaa ciidanka Xoogga waxay ku bur buriyeen dhammaan isbaarooyinkii u yaalay maleeshiyada Al-Shabaab, halkaas oo ay maalmihii u dambeeyay ku dhibaateynayeen shacabka isaga kala goosha degmooyinka Luuq, Doolow iyo Beled Xaawo.

Taliye Bakaal Kooke oo ka mid ah Saraakiishii hoggaamineysay howlgalkan ayaa sheegay in maleeshiyada Al-Shabaab laga sifeeyay deegaanada Shaataloow iyo Kheydar oo muddooyinkii dambe dadka shacabka ay ku qabeen dhibaato xooggan.

Maleeshiyada Al-Shabaab ayaa falalkooda gurracan ku soo koobay in ay carqaladeeyaan dadka rayidka ah, kuwaas oo iyagaba hardan ugu jira helida nolol maalmeedkooda.

Ciidanka Xoogga dalka ayaa gunta dhiisha isaga dhigay sidii ay argagixisada Al-Shabaab uga difaaci lahaayeen Shacabka Soomaaliyeed gaar ahaan kuwooda danta yar.

Share post:

Ugu Akhris badan

Kuwo kale
Kuwo kale

Wasiirka Gaashaadhigga oo ka qeybgalay munaasabad tababar loogu soo xirayay saraakiil katirsan ciidanka xoogga

Wasiirka Gaashaandhigga Dowladda Federaalka Soomaaliya mudane Axmed Macallin Fiqi,...

Wasiiru Dowlaha Gaashaandhigga oo la kulmay Wasiirka Arrimaha Dibadda Jabuuti

Wasiiru Dowlaha Wasaaradda Gaashaandhigga, Mudane Cumar Cali Cabdi, oo...

Soomaaliya iyo Jabuuti oo Kala saxiixday heshiis is-afgarad oo muhiim ah

Wasiirka Arrimaha Dibadda iyo Iskaashiga Caalamiga ah ee Soomaaliya,...

Kusimaha Ra’iisulwasaaraha XFS oo kulan la qaatay Wasiirka arrimaha dibedda Jabuuti

Ku-simaha Ra’iisul Wasaaraha ahna Ra’iisul Wasaare Ku-xigeenka Xukuumadda Federaalka...