Hay’adda Qaramada Midoobay u qaabilsan Beeraha ee FAO ayaa sheegtay in uu soconayo dadaal xoog leh oo lagula dagaalamayo ayaxa kaas oo ka jira maamul goboleedyada Puntland iyo Galmudug.
FAO waxay tilmaantay in wasaarada beeraha ee dowlada federaalka soomaaliya ay kaalin weyn ka qaadaneyso sidii ayaxa loo cirib tiri lahaa.
Shaqaalaha ayaa ku howlan in aanu ayaxu gaarin dhulka beeraha ee koonfurta dalka .
FAO waxay sheegtay in bishii October ayaxa laga buufiyay dhul gaaraya 12,000 hiktar deegaanada Puntland iyo Galmudug
Ayaxan oo FAO ay ku tilmaantay afar malyuun ayaa ka yimi dhanka dalka Yemen waxaana uu ka soo bilaabay soomaaliya gobolada bari ee Puntland .
Ayaxa ayaa hada u jiheystay gobolada bartamaha iyo koonfurta dalka taas halis galin karta dhulka beeraha
