Dab geystay burbur hanta oo ka dhacay xaafad ka tirsan Muqdisho.

0
10

Dab xoogan ayaa maanta qabsaday guri ku yaalla dhabarka dambe ee dhismaha aqalka Hooyooyinka ee degmada Xamarweyne, ka dib markii ay ku timid cillad dhinaca korontada ah.

Dadka degaanka ayaa   waxaa ay sheegeen in uu dabka ka bilaawday Korono, isla markaana uu baabi’iyay guriga uu ka bilaawday sidoo kalena uu ku faafay guryo kale.

Dabkaasi ayaa geystay burbur hanta, balse ma jiraan wax khasaaro nafeed ah oo ka dhashay.

Xaafada uu dabku ka kacay ayaa aheydmid isku raran ah, waxaana jirtay in saacado badan uu qaatay in uu dabka ku faafo Guryo kale maadaama gaadiidka dam-demiska uu geli waayay.

Ugu dambeyntii Kooxda gurmad deg dega ah ee dowlada hoose Xamar ayaa ku guuleystay daminta Dabkaasi.