Wafdi uu hogaaminayo madaxweynaha Galmudug Axmed Cabdi kaariye ayaa gaaray deegaanka Bandar qaali isagoo ay wehliyaan xubno ka tirsan golaha wasiirada iyo Barlamaanka Galmudug iyo sidoo xildhibaano Ka tirsan golaha shacabka DFS.
Madaxweynaha iyo wafdigiisa ayaa intii ay ku sugnaayeen bañdar qaali kulan la qaatay maamulka iyo qeybaha bulshshada deegaankaasi kulmo ay uga xag wareysanyeen xaaladda deegaanka ay ku noolyihiin.
Gudoomiyaha deegaanka Bandar-qaali Sheekh Muxyadiin Axmed Garre oo ka hadlay kulanka ayaa Ka warbixiyay horumarada Ka jira deegaankaasi sida isku tashiga leh ay ku gaareen Bulshada deegaankaasi horumarka dhanka waxbarashada,caafimaadka ,amniga iyo adeegyada kale ee aas aaska u ah nolasha aadanaha.
Wasiirka wasaarada arimaha gudaha Galmudug Axmed Cabdi jaamac ayaa isna bogaadiyay horumarka ka muuqanaya deegaanka Bandar-qaali oo uu tilmaamay in ay yihiin bulsho ku dayasho mudan maamulka Galmudug naa uu kasoo bixiidoono waajib loogu leeyahay.
Madaxweynaha Galmudug ayaa balan qaaday in ay wax ka qaban doonaan baahiyada dhameystirka u baahan Isagoona tilmaamay in reer Bandar-qaali ay ku dayasho iyo tusaale u noqan doonaan dhamaan Galmudug.
