48 Arday oo Soomaali ah ayaa loo qabtay xaflad qalin-jibin ah ka dib markii ay soo dhaameysteen barashadda qur’aanka kariimka taasi oo ay soo diyaariyeen Daladda ohio Dugsi Association daladdaas oo ay ku midoobeen dugsiyada qur’aanka ee ku yaaal dalka mareykanka .
Munaasabadda waxaa ka soo qeyb galay waalidiin, arday iyo martisharaf kala duwan oo lagu casuumay kuwaas oo farxadda la qeybsanayay ardayda dhammeysatay barashada qur’aanka kariimka ah.
Caruurtaan oo ah aad u yar yar kuna dhashay dalka mareynkanka ayaa ka kooban wiilal iyo gabdho intooda badan aad ka dareemaysay inuu ku dhacay is-bedel dhinaca ku hadalka Afka hooyo ee Soomaaliga balse waxaa wejiyadooda laga dheehan karayay farxad dhinaca horumarka ay gaareen.
Qaar kamid ah Waalidiinta oo ka hadlay madasha xafladda ayaa u mahadceliyay macallimiinta ku soo dadaalay in ay ubadkooda soo gaaraan heerkan oo ay bartaan xifdinta qur’aanka kariimka qowlka eebbe.
Maamulka Daladda Ohio Dugsi Association oo ay ku midoobeen dugsiyada qur’aanka ee dalka Mareykanka ayaa aad u bogaadisay arday kuna dhiirigelisay ine horay usii wadaan waxbarashadda.
Caruurta ku dhalata wadamadda shisheeye oo aan ku hadlin Afka Soomaaliga iyo Carabiga ayaa inta badan macallimiinta kala kulmaan dhib badan oo ah dhanka hingaadda iyo xuruufta labada luuqadood.
