Madaxweyne Farmaajo oo Xariga ka Jaray Waddooyin Muhiim u ah Bulshada Caasimadda “Sawirro”

0
3

Muqdisho (SNTV) Madaxweynaha Dowladda Federaalka Soomaaliya Maxamed Cabdullaahi Farmaajo ayaa saakay waxa uu xariga ka jaray laba waddo oo muhiim ah oo ku yaalla magaalada Muqdisho, kuwaas oo dib udhis lagu sameeyay.

Waddooyinka xarrigga laga jaray ayaa kala qeybiya degmooyinka Cabdicasiis iyo Shangaani ee Gobolkan Banaadir, waxaana dhisay Maamulka Gobolkan Banaadir.

Dayactirka waddooyinka ayaa qeyb fududeeyn doonaan habsami u socodka wadada ee gaadiidka kala duwan ee isaga kala goosha degmooyinka ay waddooyinkani ku dhexyaalaan iyo sidoo kale bilicda Caasimadda.

Munaasabadda xarigga looga jarayay ayaa waxaa goob joog ka ahaa Guddoomiyaha Gobalkan Banaadir Cabdiraxman Cumar Yariisow iyo mas’uuliyiin kale, iyadoo Madaxweynaha Dowladda Federaalka Soomaaliya, Mudane Max’ed C/laahi farmaajo uu ugu magacdaray mid kamid ah wadooyinka xarriga laga jaray gabyaagii weynaa abwaan Cabdullaahi Suldaan Tima-cadde.