Doha (SNTV)-Shirka 140-aad ee midowga Baarlamaannada Adduunka ayaa lagu soo geba gebeyeey magaalada Dooxa ee xarunta dalka Qatar,waxaana ka qeybgalay Wafdi heer sare ah oo ka kooban labada Aqal ee Baarlamaanka Federaalka Soomaaliya oo uu hogaaminayo Guddoomiyaha Aqalka Sare Senator Cabdi Xaashi Cabdullaahi.
Waxaa shirkan la qabtaa sanadkiiba mar,waxaana inta badan diirada lagu saaraa hadba xaaladda taagan,ee wadamada ku mideysan oo ay Soomaaliya kujirto.
Shirkan ayaa geba gebadiisa waxaa laga soo saaray qodobo muhiim ah oo ay qeyb ka tahay wadashaqeynta baarlamaanada aduunka,iyo sidii wax looga qaban lahaa dhibaatoyin badan oo kajira dalalka caalamka qaarkood.
Dhanka kale Guddoomiyaha Golaha Aqalka Sare Sen. Cabdi Xaashi iyo Wafdigiisa ku sugan magaalada Dooxa ee Dalka Qatar waxaa ay shir gaar ah la qaateen Guddoomiyeyaasha Guddiyada:
1. Guddiga Saaxiibtinimada Qadar iyo Afrika; iyo
2. Guddiga Saaxbtinimada Qatar iyo Dowladaha Carabta ee Golaha Shuurada Dalka Qadar.
Labada dhinac waxaa ay ka wada hadleen adkaynta xiriirka saaxiibtinimo iyo wada shaqaynta labada dhinac, isla markaasna la sameeyo guddiyo saaxiibtimo oo ka kooban Labada Aqal ee BFS, kuwaas oo gacan wayn ka gaysan doonna adkaynta xiriirka saaxiibtimo iyo kan walaaltinimo ee labada Dowladood iyo waliba wada shaqayn xooggan oo dhex marta labada Gole (Golaha Shuurada Qadar iyo Baarlamaanka Federaalka Soomaaliya labadiisa Aqal).
