Hawlgal qorshaysan oo ay ciidanka Komandostu ka fuliyeen deegaano hoos taga degmooyinka Afgooye iyo Balcad ayay kula wareegeen deegaanada Basra iyo Baqdaadi.
Hawlgalkaas ayaa lagu soo furtay dad shacab ah oo u xirnaa maleeshiyada Al-shabaab, kuwaas oo hadda dib ula midoobaya ehelkooda.
Ciidanka ayaa deegaanadaas ka wada hawlgallo nabadgalyada lagu xoojinayo, islamarkaana miinooyinka looga saarayo jidadka ay maleeshiyadu goysay, sida uu Sonna u xaqiijiyey sargaal sare oo ka tirsan xoogga dalka.
Maleeshiyaad ka tirsan kooxda argagixisada ah ee Al-shabaab ayaa lagu dilay hawlgalka, waxaana looga furtay saanad ciidan.
