Hay’adda caalamiga ah ee muhaajiriinta ee loo soo gaabiyo (IOM) ayaa sheegtay in tirada dhimashada muhaajiriintii ay la qalibantay doon gudaha xeebaha dalka Tunisia todobaadkii lasoo dhaafay ay kor udhaaftay ugu yaraan 112 qof.
Dhowaan ayay ahayd markii la shaaciyay in tirade dhimashada ay gaartay 50 qof, warbixintaasi oo la shaaciyay waxyar uun kadib markii ay doontu ku degtay xeebta dalka Tunisia.
86-qof oo kale kuwaasi oo isagu jira muhaajiriin kasoo kicitimay wadamada caalamka iyo qaar u dhashay Tunisia ayaa la sheegay in ay illaalada xeebaha Tunisia ay ku guulleeysteen in ay soo badbaadiyaan waxyar uun kadib markii ay doontu ku degtay xeebta dalka Tuunisiya.
Dhowaan ayaa dalka Libya ee waqooyiga Afrika uu billaabay tallaabo lagula dagaalamayo dadka muqalisiinta ah, kuwaasi oo si joogta ah tacadiyo isagu jira jirdil iyo silcin ugeysta dadka tahriibka ah.
Dadka ay dhibaatadan qaybsatay ayaa waxaa ay isagu jireen qaar ka tagay wadamo kamid qaaradda Afrika oo ay kujiraan qaar udhashay dalka Tuniisiya kuwaasi oo doonayay in ka gudbaan badda Mediterranean-ka iyagoo ku safrayay doono aanan ka bixi Karin safarka halista ee biyaha badweynta, iyadoo kuwa ka badbaada ay gaaraan Sicily oo katirsan dalka Talyaaniga.
In ka badan 32,000 oo qof ayaa sanadkaan gaaray wadamo katirsan qaaradda Yurub kuwaasi oo marka hore ka gudbay dhinaca badda, sida ay sheegtay hay’adda IOM, iyadoo ay tiro lagu qiyaasay 660 qof ay ku dhinteen xilli ay isku dayayeen in ay ka gudbaan biyaha Medhitareeyniyaanka.
Tuniisiya ayaa taniyo sanadihii lasoo dhaafay noqotay marin ay isticmaalaan dadka tahriibka ah kuwaasi oo doonaya in ay si sharci darro ah ku tagaan dalal kuyaala qaaradda Yurub halkaasi oo ay aaminsan yihiin in ay helayaan nolol wanaagsan.
