Hodan Xasan oo u tartamaysa Xildhibaannimada xaafadda 62A ee Minneapolis

Date:

USA-(SNTV)-Boqolaal Soomaali ah ayaa ka qeybgashay xaflad lagu soo dhaweynayay Hodan Xasan, oo u tartamaysa Golaha degaanka Xaafada 62A ee Minneaplis.

Xafladdan oo ka dhacday Magaalada Columbus Ohio,ayay ujeeddadiisu in Hodan loo muujiyo in ay tahay Qof u qalma xilka ay u tartamayso isla markaana ay buuxin karto kaalin muhiim ah oo Haweenka Soomaaliyeed iyo horumarkooda ka tarjumaysa.

Inkastoo Xaafadda ay odan u ordayso deggan yihiin Dadyow kala geddisan haddana waxay si weyn ugu baahan tahay murashaxnimadeeda inay u hesho taageero kaga timmaaddo Jaaliyaddeeda.

Hodan Xasan oo ay tartanka kula jiraan Murashixiin kale oo Laba ka mid ihi ay Soomaali yihiin, ayaa waxaa sidoo kale ordaya Ajaaniib, waxanay Hodan sheegtay inay ka go’an tahay inay Kursigaasi ku guuleysato Soomaali.

Qaybaha kala duwan ee Bulshada Soomaaliyeed eek u dhaqan Columbus ayaa si weyn usoo dhoweeyay Murashaxnimada Hodan, waxanay si weyn ugu boorriyeen inay sii Laba laabto dedaalkeeda.

Hodan Xasan ayaa Jaaliyadda kala hadashay in ay Reer Ohio ahmiyadda siiyaan dhallinyarada,isla markaana ay ka hor tagaan dilalka ka dhex dhaca Dhallin yarada Soomaaliyeed oo xiilliyadan dambe ku kordhayay Columbus.

Murashax Hodan ayaa ballan qaadday inay haddii ay tartanka kusoo baxdo ay wax badan ka qaban doonto baahiyaha asaasiga ee Soomaalida ku nool Columbus, waxanay codsatay in si taasi loo gaaro ay taageeradooda iyo dhaqaalahooduba la Garab istaagaan.

Deeqo Shire (SONNA) Columbus/ Ohio

 

Share post:

Ugu Akhris badan

Kuwo kale
Kuwo kale

Wasiirka Gaashaandhigga XFS oo ka warbixiyay Jabkii lagu gaarsiiyay Khawaarijta Ceeldheer

Wasiirka Gaashaandhigga XFS Mudane Axmed Macallin Fiqi ayaa sheegay...

Wasiirka Warfaafinta XFS oo Ruushka kaga qeyb-galay shir la xariiro dhaqanka

Wasiirka Warfaafinta, Dhaqanka Iyo Dalxiiska ee Jamhuuriyadda Federaalka Soomaaiya,...

Ururka Iskaashiga Islaamka (OIC) oo ku baaqay in tallaabo laga qaado Israel

Ururka Iskaashiga Islaamka (OIC) oo ay xilligaan taladiisa hayaan...

Xarunta Taliska Ciidanka Haramcad oo dib loo dayactiray oo xarigga laga jaray

Magaalada Muqdisho ayaa maanta lagu qabtay munaasabadda xarig-jarka xarunta...