Finland (SNTV)-ย Wasiirka Amniga gudaha ee dowladda Federaalka Soomaaliya oo uu wehliyo agaasimaha guud ee Hayโadda Socdaalka iyo Jinsiyadda ayaaย safar shaqo ku jooga dalka Finland ayaa la kulmey wasiirka arrimaha gudaha Finland, waxaana laga wadahadlay iskaashi laga yeesho dhinacyada amniga, socdaalka iyo baasaboorkaย Soomaaliga ah.
Dhinaca kale agaasimaha guud ee HSJ ayaa kulan gaar ah la qaatay kusimaha agaasimaha guud ee laanta socdaalka Finland, waxa ayna ka wada hadleen sidii la isaga kaashan lahaa arrimaha socdaalka.
Fniland ayaa ballan qaaday tababarro ay u sameynayaan saraakiisha socdaalka Soomaaliya.
Dalka Finland ayaa ka mid ah dalalka laga sugayo goโaanka dib u tix gelinta baasaboorka Soomaaliya, waxa ayna ballan qaadeen in ay dedejin doonaan habka aqoonsiga baasaboorka Soomaaliya.
Wafdiga wasiirka ayaa booqday qaar ka mid ah xarumaha ilaalada xuduudaha iyo xarunta isku xirka howlgallada amniga iyo socdaalada ee Finland.
Ugu dambeyn wasiirka iyo wafdiga uu hogaaminayo waxa ay kulan la qaateen Taliyaha Boolista Dalka Filand oo ay ka wada hadleen isdhaafsiga xogta iyo qibradaha Booliska iyo sidooย kale sidii ay Dowlada Filand qeyb uga qaadan laheyd tababaridda ciidamada Booliska Soomaliyeed.
