Dhaxal sugaha Sacuudiga oo booqanaya dalalka Uk iyo Mareeykanka

0
87

Prince Muxamed Ben Salman, oo booqashadiisa ay qaadan doonto muddo 3-esho ah ayaa la kulamo la qaadanaya madax kala duwan ee dowladda Masar, isagoo ukicitimi doona dalka UK kahor inta uusan tagin magaalada Washington ee xarunta dalka Mareykanka, halkaasi oo uu kusoo afjari doono socdaalkiisa dibadda.

Booqashada Muxamed Ben Salman ayaa timid maalin kadib markii maxkamadda Masar ay ayidday heshiiska ay Sucuudiga kula wareegayaan labo jasiiradood oo kuyaala badda cas.

Heshiiskan ayaa lagu dhawaaqay mar Boqor Salmaan Ben Cabdel-Casiis Al-Sacuud uu booqasho ku tagay magaalada Qaahira ee caasimadda Masar, bishii April ee sanadkii 2016-kii, halkaasi oo uu Boqorka Sucuudiga kaga dhawaaqay heshiiskan oo ku kacaya lacago balaayiin doolar ah, waxaana uu heshiisku isagu jiraa mid maalgashi ah iyo qafiifinta deeymaha lagu leeyahay dalka Masar.

Waa markii ugu horreeysay ee uu Amiir Muxamed Ben Salman Ben Cabdel-Casiis socdaal howleed ku tago dibaddaha taniyo markii loo magacaabay xafiiska ugu awoodda badan bishii June ee sanadkii 2017-kii.