Taliyaha Ciidanka Asluubta oo booqdey Warshada farsamada gacanta ee xabsiga dhexe

0
93

Taliyaha Cusub ee Taliska Ciidanka Asluubta Soomaaliyeed Sarreeye Guud Bashiir Maxamed Jaamac, ayaa maanta kormeeray Warshadda Farsamadda Gacanta ay ku bartaan Maxaabiista Xabsiga dhexe ee Xamar iyo Warshadda Waxsoosaarka Ciidanka Asluubta, halkaasi oo soo indha indheeyey sida shaqada ay u socoto.

Taliyaha oo ay wehliyeen ku xiggeenadiisa iyo Saraakiil kale, ayaa mid mid u booqday Qeybaha ay ka kooban yihiin Warshadahaasi, waxaana uu xog wareystay Madaxda , Maxaabiista farsamadda gacanta barata iyo Ciidanka ka shaqeynaya Warshadda.

Taliyaha Ciidanka Asluubta Soomaaliyeed Sarreeye Guud Bashiir Maxamed Jaamac, ayaa sheegay in Shaqada Warshadda si dardar leh ay ku socon doonto, islamarkaana la ballaarin doono, isaggoo tilmaamay in Warshado kale lagu soo kordhin.