Garoowe (SONNA), Dowlad goboleedka Puntland, ayaa maanta dowladda dhexe ee Soomaaliya ku warreejisay ย 2400 (laba kun iyo afar boqol) oo askari, kuwaasi oo si rasmi ah uga mid noqon doona Ciidamada qalabka sida ee Soomaaliyeed, waxayna qeyb ka yihiin qorshaha isku dhafka Ciidamada Qaran ee Dowladda ay wado.
Munaasabadda lagu warreejinayey askartan, ayaa waxaa ka qeyb galay Madaxweyne ku xiggeenka Maamulka Puntland, Mudane C/xakiin C/laahi Cumar Cameey, Wasiiru dowlaha Wasaaradda Gaashaandhigga XFS, Mudane Maxamed Cali Xaggaa, Wasiirka Amniga Puntland, Taliyaha Ciidanka Daraawiishta Puntland iyo Saraakiil kale.
Taliyaha ciidanka Daraawiishta Puntland Jenaraal Siciid Maxammed Xirsi, ayaa munaasabadda ka sheegay in ciidankaan laga soo xulay Daraawiishta Puntland, islamarkaana masโuuliyadoodu ay ku wareegtay dowladda Federaalka ah ee Soomaaliya.
Wasiir-dowlaha Wasaaradda Gaashaandhigga Xukuumadda Federaalka ย Soomaliya Mudane Maxamed Cali Xagaa oo ciidanka la wareegay, ayaa ku boorriyay in ay laba-jibaaraan dagaalka looga hor jeedo Cadowga Ummadda Soomaaliyeed ee Alshabaab, isagoo xusay in Xukuumadda geed dheer iyo mid gaabanba ay u kori doonto siddii loo heli lahaa ciidan Soomaaliyeed oo isku dhafan.
Madaxweyne ku xiggeenka Puntland, Mudane Cabdixakiin Cabdullaahi Xaaji Cumar oo ciidanka ku wareejiyey wasiiru-dowlaha difaaca Soomaaliya, ย ayaa sheegay in hawl badan laga soo maray soo xulidooda, isagoo boggaadiyey doorka dowladda ee ah sidda ay uga howlan tahay isku dhafka Ciidamada qalabka ee Soomaaliyeed.
