Wasaaradda Arrimaha Dastuurka oo soo bandhigtay waxqabadkeedii ee labadii bil ee la soo dhaafay.

Date:

Wasaaradda Arrimaha Dastuurka ee Xukuumadda Federaalka Soomaaliya ayaa maanta soo bandhigtay waxqabadkeedii labadii bil ee la soo dhaafay ee April iyo May, Wasiir Cabdi Xoosh oo saxaafadda xafiiskiisa kula hadlay ayaa uga jawaabay su’aallo dhawr ah oo ay weeydiiyeen waxa uuna u ballanqaaday in bil walba ay Wasaaradda u soo bandhigi doonto waxqabadkeeda saxaafadda si ay u gaarsiiyaan bulshada Soomaaliyeed, Wasiirka ayaa shirka jaraa’id waxaa ku wehliyay Agaasimaha Guud ee Wasaaradda Maxamed Abuukar Zubeyr.

La taliyaha Wasaaradda ee Arrimaha Warfaafinta, Xiriirka, iyo Wacyigelinta dadweynaha Cabdicasiis Cabdi Xaaji Gobdoon ayaa saxaafadda u aqriyay waxqabadka Wasaaradda oo ahaa sida hoos ku qoran:-

1. April 17, Wasaaradda Arrimaha Dastuurka ee Xukuumadda Federaalka Soomaaliya ayaa kulan muhiim ahaa oo ku saabsan geeddi socodka dib u eegista Dastuurka layeelatay hogaanka xisbiyada siyaasadda abuurmaya ee dalka.
2. April 29, Wasaaradda Arrimaha Dastuurka ee Xukuumadda Federaalka Soomaaliya ayaa shir ku saabsan ololaha geedi socodka dib u eegista Dastuurka la qaadatay ururada haweenka Soomaaliyeed.

3. May 4, Wasaaradda Arrimaha Dastuurka ee Xukuumadda Federaalka Soomaaliya ayaa kulan wadatashi ah la yeelatay ururada bulshada rayidka ee SOSECENSA iyo PUNSAA oo ka kala howlgala Koofurta, Bartamaha, iyo deegaanada Puntland iyo hay’adda IIDA.
4. May 8, Wasaaradda Arrimaha Dastuurka ayaa shir wadatashi ah la yeelatay ururada dadka Naafada oo ku saabsanaa sidii loo dhageeysan lahaa taladooda ku qotonta dhameeystirka Dastuurka.

5. May 9, Wasaaradda Arrimaha Dastuurka ayaa kulan wadatashi ah la qaadatay dhalinyarada Soomaaliyeed oo ay talooyinkooda ugu gudbinayeen Wasaaradda, dhalinyarada ayaa waqti fiican u helay in ay su’aallo weydiiyaan Wasiirka iyo masuuliyiinta ugu sareeysa Wasaaradda.
6. May 11, Wasaaradda Arrimaha Dastuurka ee Xukuumadda Federaalka Soomaaliya ayaa kulan wadatashi ah la qaadatay Culumada Soomaaliyeed oo ay kamid ahaayeen kuwo magac iyo maamuus ku leh bulshada dhexdeeda.
7. May 14, Shirka Madasha Wasaaradaha Arrimaha Dastuurka ee Dowladda Dhexe iyo Maamul Goboleedyada oo socday 3 maalin ayaa ka furmay Muqdisho, shirka ayaa waxaa looga hadlay Geedi-socodka dib u eegista Dastuurka oo ay Wasaaradda Arrimaha Dastuurka ee Xukuumadda Federaalka ay horkaceyso.

8. May 16, Shirka Madasha Wasaaradaha Arrimaha Dastuurka ee DF iyo M/Goboleedyada ayaa laga soo saaray War-murtiyeed 10 qodob ah oo ka hadlayay xoojinta wadashaqqeynta Wasaaradaha iyo in la abuuro Madal ay ku mideysanyihiin Wasaradaha oo 3dii bilba mar shirta iyo markii ay jiraan arrimo deg-deg ah.

9. May 17, Wasiirka Wasaaradda Arrimaha Dastuurka ee Xukuumadda Federaalka Soomaaliya Mudane AVV Cabdiraxmaan Xoosh Jibriil iyo wafdi uu hogaaminayay ayaa magaalada Nairobi kula kulmay saaxiibada Beesha Caalamka ee dowladda Soomaaliya taageera.
—–DHAMAAD—–

 

Share post:

Ugu Akhris badan

Kuwo kale
Kuwo kale

Dowladaha Soomaaliya iyo Jabuuti oo kala saxiixday heshiis ku saabsan xaaladda Ciidamada (SoFA)

War-Saxaafadeed Iyadoo la xoojinayo xiriirka laba geesoodka ah ee walaalnimo...

Guddoomiyaha Golaha Shacabka oo booqasho Ku tegay Magaalada Xuddur

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Mudane...

Ra’iisul Wasaare Xamsa oo la kulmay Wakiilka Gaarka ah ee Midowga Afrika ee Soomaaliya

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi...

Bangiga dhexe oo xoojinaya shuruudaha Akoon furashada

Bangiga dhexe ee Soomaaliya isaga oo la kaashanaya hay’adda...