Wasiir Yariisoow oo heshiis la gaaray dhiggiisa Uganda

Date:

Wasiirrada Warfaafinta Soomaaliya iyo Uganda ayaa magaalada Kampala ku kala saxiixdey heshiis iskaashi oo dhinaca Warfaafinta ah.

Wasiirka Warfaafinta & Hannuuninta Dadweynaha Xukuumadda Soomaaliya, Eng C/raxmaan Cumar Cusmaan (Yariisow)  iyo wefdi uu hoggaaminayey oo tagey caasimadda dalka Uganda ayaa kulan la qaatay wasiirka Warfaafinta, Isgaarsiinta & Tiknoolajiyadda dalka Uganda . waxa ay kulankooda diiradda ku saareen, is dhaafsiga shaqooyinka warbaahinta labada dal, iyo sidii dowladda Uganda ay gacan uga geysan lahayd tababaridda wariyeyaasha Warbaahinta Qaranka.

Labada Wasiir ayaa kala saxiixdey heshiis iskaashi ah kaas oo   sida ugu dhaqsiyaha badan u dhaqangeli doona.

Wasiirka wasiirka Warfaafinta, Isgaarsiinta & Tiknoolajiyadda Uganda, ayaa soo dhoweeyey heshiiska uu la gaaray dhiggiisa Soomaaliya, isla markaana ay labada wasaaradood kala faa’ideysan doonaan, iyadoo si toos ah la isu dhaafsan doono shaqaalaha iyo barnaamijyada muhiimka ah.

Wasiirka Warfaafinta & Hannuuninta Dadweynaha Mudane C/raxmaan Cumar Cusmaan (Yariisoow), ayaa Telefishinka Qaranka u sheegay in u jeedada ugu weyn ee socdaalkiisa Kampala iyo heshiiska uu la gaaray dhiggiisa uu la xiriiro sidii Warbaahinta Qaranka ay  isugu diyaarin lahayd Warbaahinta Bulshada (Public Broadcast).

Sidoo kale wasiir Yariisoow, ayaa sheegay in labada dal ay iska kaashan doonaan arrimaha wacyigelinta bulshada ee dhinacyada horumarka, isagoo ugu dambeyn sheegay in warbaahinta Soomaaliyeed oo dhan mustaqbalka dhow laga badeli doono sida ay hadda yihiin isla markaana  la gaari doono warbaahin Soomaaliyeed oo aqoon iyo Tiknoolajiyadda wanaagsan ku shaqeysa.

 

 

 

 

 

 

Share post:

Ugu Akhris badan

Kuwo kale
Kuwo kale

Maxkamada Gobolka Banaadir oo xukuno kala duwan ka soo saartay Saraakiil ku Eedaysanaa Musuq maasuq

Maxakmadda gobolka Banaadir ayaa maanta ku dhawaaqday natiijada Xukunka...

Wasiirka arrimaha Guddaha oo Shir guddoomiyey kulanka Gudidda Qaban qaabada Maalmaha Xoriyadda

Wasiirka Arrimaha Gudaha, Federaalka iyo Dib u heshiisiinta mudane...

Maxkamadda gobolka Banaadir ayaa maanta ku dhawaaqi doonto go’aanka dacwad loo heysto masuuliyiin

Maxkamadda gobolka Banaadir ayaa maanta oo Sabti ah mudeysay...

Wasiiru Dolwaha Wasaaradda Biyaha XFS ayaa ka qayb galay madashii 10 ee biyaha oo lagu qabtay Indonesia

-Wasiiru Dolwaha Wasaaradda Tamarta iyo Kheeyraadka Biyaha XFS Maxamed...