Search
Subscribe
Home Blog Page 856

Yaa loo xukumay ciyaar yahaankii Danaanada loo dilay?

SNTV
-
0
Yaa loo xukumay ciyaar yahaankii Danaanada loo dilay?

Muqdisho (SNTV)- Dable xoogga dalka Maxamed Cismaan Maxamed Nuur ayaa loo heysta dilka Allaha Unaxariiste Cabdiraxmaan Cabdullaahi Cismaan  oo uu ku dilay garoon lagu ciyaaro kubadda cagta  kaas oo ku yaal degmada Kaxda sedaxdii January ee sanadkan.

Maalin kadib  ayay ku guuleysteen ciidamada Amniga ee joogo baraha qaybta galbeed in ay ku wareejiyaan Maxamed Cismaan Maxamed Nuur hey’adaha ku shaqada leh sida laanta dambi baarista Boliiska CID.

Hey’adda    dambi baarista boliiska CID  ayaa  ka gudatay waaajibka kaga aadan ee baaris, waxa ayna ku soo wareejisay Gungaarka eedeysanaha  Xafiiska Xeer Ilaalinta Ciidamada Qalabka Sida 12/01/2020, Xafiiska Xeer Ilaalinta ayaa isla  xilligaaasi weydiistay garsoorka in loo gudbiyo eedeysanaha xabsiga dhexe  garsuge ahaan si’ ay u sameeyaan baaris kale oo dheeraad ah.

Intaas kadib Xafiiska Xeer Ilaalinta Ciidamada Qalabka Sida ayaa isku howlay baarista sida ay wax uga dhaceen garoonka lagu ciyaaaro kubadda cagta ee ku yaal degmada Cirifka jirta ee Kaxda, waxa ayna bilowgii February codsadeen in la muddeeyo dhageysiga eedda ka dhanka ah eedeysane Maxamed Cismaan Maxamed Nuur.

Labadii bishan ayay Maxkamadda u fariisatay eedda ka dhanka ah eedeysane Maxamed Cismaan Maxamed Nuur, waxaana ugu horreyn la weydiiyay jiritaanka eedda loo heysto in uu ka jawaabo.

Xafiiska Xeer Ilaalinta Ciidamada Qalabka Sida ayaa ku dheeraaday sharaxaadda sida ay wax u dhaceen, Dhamme Ismaaciil Salaad Maxamed ku xigeenka Xeer Ilaaliyaha Guud ee Ciidamada Qalabka Sida ayaa u sheegay Garsoorayaasha in eedeysane Dable Xoogga Maxamed Cismaan Maxamed Nuur uusan ka mid aheyn dadka ku ciyaarayay garoon ku yaal degmada Kaxda dhinaca Xoosh balse uu garab siin ugu yimid wiil ay isku heyb yihiin, waxa uu meesha ka saaray Xeer Ilaaliyaha in wax wada xaajood ah dhex maray dhalinyaradii kubadda ciyaareysay iyo eedeysanaha balse si’aan ka fiirsasha laheyn uu ugu riday laba xabadood  Cabdiraxmaan Cabdullaahi Cismaan sidaasna uu ku geeriyooday.

Abuukaataha u dooday eedeysanaha ayaa Maxkamadda u sheegay in Dable xoogga dalka Maxamed Cismaan Maxamed Nuur uu u tagay garoonka si’ uu uga fal celiyo walaalkiis oo ciyaarta ku badda looga saaray awood sheegasho balse markii uu meesha tegay isku deygiisa kala eryidda dhalinyaradii ciyaareysay ay sababtay xabadihii uu riday dhimashada Marxuumka.

Garsoorayaasha  ayaa dhageysiga dhinacyada kadib go’aamiyay in lagu xukumo Maxamed Cismaan Maxamed Nuur dil toogasha ah oo ah qisaasta Marxuum Cabdiraxmaan Cabdullaahi Cismaan   sida uu u sheegay dhinacyada dacwadda Gaashaanle Sare Xasan Cali Nuur Shuute guddoomiyaha Maxkamadda Darajada Koowaad ee Ciidamada Qalabka Sida.

Xukunsanaha ayaa haysta  fursad  30-cisho ah oo   uu ku dalban karo Rafcaan .

Ra’iisal wasaaraha Suudaan oo ka badbaaday isku-day dil

Yoonis Duraan
-
0
Ra’iisal wasaaraha Suudaan oo ka badbaaday isku-day dil

Raiisel wasaaraha Sudan Abdullah Hamduuk ayaa ka badbaaday isku day dil oo lala beegsaday gaarigiisa oo marayey caasimada Sudan ee Khartoum.

Shilka ayaa dhacay subaxnimadii hore ee saaka xilli uu ka sii baxayey gurigiisa oo ku yaal aagga Kafouri una sii socday goobtiisa shaqo ee Golaha Wasiirrada Sudan, iyadoo Ilo wareedyo dhinaca amniga ah ay u sheegay BBC qeybteeda dibadaha lahadasha in gaariga uu ku qarxay qeybta hoose ee buundada loo yaqaan koobir , taasoo isku xirta magaalooyinka Khartoum iyo Bahri, halkaas oo kolonyada Raiisul Wasaaraha ay ku safrayeen.

Warka ayaa intaas ku daray in Hamduuk iyo shaqaalihiisuba aysan wax khasaaro ah soo gaarin oo ay bed qabaan, mana jirto illaa iyo hadda cid sheegatay masuuliyadda weerarka lagu qaaday Ra’iisalwasaare Hamduuk.

Hamduuk wuxuu qabtay jagada Raii salwasaaraha kadib afgembigii xukunka Madaxweynihii hore ee Cumar Xasan al-Bashiir, taas oo ku timid kadib mudaaharaadyo ballaaran oo muddo ka socday dalka suudaan oo dhan.

Wasiirro ka tirsan XFS oo gaaray Baraawe

Yoonis Duraan
-
0
Wasiirro ka tirsan XFS oo gaaray Baraawe

Wafdi uu hoggaaminayo Wasiirka Wasaaradda Waxbarashada Xukuumadda Soomaaliya Xildhibaan Cabdullaahi Goodax Barre ayaa gaaray Magaalada Baraawe ee gobolka Shabeellada Hoose.

Wafdiga wasiirka ayaa  garoonka diyaaradaha degmada Baraawe  kusoo  dhaweeyey mas’uuliyiinta Maamulka degmada iyo Xubno ka tirsan Maamulka Koonfur Galbeed soomaaliya.

Xubnaha la socda wasiirka ayaa waxaa ka mid ah Danjiraha Midowga Yurub ee Soomaaliya Cali Saciid Fiqi, Wasiirka Gargaarka & Maareynta musiibooyinka ,Guddoomiyaha Gobolka Shabeellaha Hoose iyo Xubno kale, iyagoona halkaasi mashaariic kala duwan ka fulin doono.

“Waxaan maanta Safar shaqo aan ku tagnaya magaalada baraawe ee caasimada maamul gobaleedka Koonfur galbeed oo aan ka sameyneyno mashaariic lagu horumarinayo waxbarashada degmadaas iyo degaanada hoostaga maamulka Koonfur galbeed ” ayuu yiri Wasiir Goodax Barre .

mashaariicda waxbarasho ee ay ka hirgalinyaso wasaarada waxbarashada dalka degaanada maamulka Koonfur galbeed ay looga goleyahay sidii sare loogu qaadilaha tayada waxbarashada degaanadda hoostaga maamulka Koonfur galbeed.

 

Howlo mashaariic ah oo laga fulinayo degmada Cadale ee gobolka Shabeellaha dhexe

Yoonis Duraan
-
0
Howlo mashaariic ah oo laga fulinayo degmada Cadale ee gobolka Shabeellaha dhexe

Xilibaano ka tirsan maamulka  Hirshabeelle ayaa soo kormeeray mashaariic laga fuliyay Degmada Cadale ee Gobolka Shabeelada Dhexe.

Xildhibaanadu goobaha ay kormeeren waxaa ka mid ah iskoolada, Isbitaalka Hooyada Iyo Dhalaanka iyo saldhiga Booliska Degmada oo dhawaan xariga laga Jaray.

Gdudoomiayaha Degmada Cadale Muuse Maxamed Kaliil oo kormeerka xilibaanada ku wehliyay ayaa ka hadlay waxyaabihii ugu qabsoomay Degmada iyo baahiyaha ka jira

Xilibaanada ayaa dhankooda sheegay inay ku faraxsan yihiin in adeegyada Bulshada laga hirgaliyo Degmada Cadale inta dhimane ay u gudbin doonaan madaxda sare ee Maamul Goboleedka hirshabeelle, si wax looga qabto.

Nin u dhintay Buur u iska soo tuuray dalka Masar.

Yoonis Duraan
-
0
Nin u dhintay Buur u iska soo tuuray dalka Masar.

Wiilkan dhallinyarada ah oo kasoo jeeda dalka Masar ayaa wararku sheegayaan inuu si bareer ah isu dilay isagoo iska soo tuuray buur kamid ah buuraha taariikhiga ah ama ahraamta dalka Masar, taasoo dhererkeedu yahay 136 miter.

Wasaaradda dhaqanka dawladda Masar ayaa sheegtay in wiilku uu iska soo tuuray meel sare kadibna oo dhulka ku dhacay isagoo mayd ah maadaama ay buurtu aad u dheerayd isaguna uu ahaa wiil aad u da’yar.

Wasaaradda ayaa sheegtay inay baaritaan xoogan ku wado waxyaalaha sababay inuu iska soo tuuro buurta dheer isla markaana ay soo bandhigi doonto xogta ku saabsan arrintaas.

Ciidamada nabadsugida ayaa sheegay inay ogaadeen in wiilka dhalinyarada ah uu buurta fuulay isagoo aan qaadan digniintii ay siiyeen ilaalada ahraamta masar isla markaana uu ka baxsaday ilaalada markii uu dusha sare tagayna oo si toos ah isu soo tuuray.

Laamaha ammaanka ayaa dhankooda sheegay in baaritaano hor dhac ah oo la sameeyey ay sheegayaan in wiilka dhalinyarada ah uu maskax ahaan xanuusanaa isla markaana uu ahaa qof aan la ilaalin karin.

Safaaradda Soomaaliya ee Uganda oo tababar u soo xiray Arday Soomaaliyeed.

Yoonis Duraan
-
0
Safaaradda Soomaaliya ee Uganda oo tababar u soo xiray Arday Soomaaliyeed.

Tababrkan oo ay soo qabanqaabiyeen Ururka Ardayda Soomaaliyeed ee jaamacadda Kampala, socdayna muddo hal maalin ah laguna  barayay qaabka, ayaa ka dhacay Jaamacadda Kampala.Munaasabadda Xiritanka tababarka ayaa waxaa goob joog ka ahaa Xoghayaha labaad ee Safaaradda Soomaaliya ee Uganda mudane Guulled Xuseen Maxamed, Masuulliyiinta Jaamacadda KU, Madaxda ururka ardayda Soomaaliyeed ee jamacadda, Aqoonyahano iyo marti sharaf kale.

Ugu horeyn Guddoomiye ku-xigeenka Jaamacadda Kampala ayaa ardayda Soomaaliyeed ku amaanay doorka fiican aay ku leeyahiin Jamaacadda, waxuuna ardayda tababarka loo soo xiray kula dardaarmay inay sii wadaan dadaalkooda.

Dhanka kale Xoghayaha Labaad ee Safaaradda Guuleed Xuseen Maxamed oo ka hadlay munaasabadda ayaa ardayda u sheegay tababarka aay ka faa’ideysteen inay Wallaalahood Soomaaliyeed ugu faa’ideyaan, si berri loo helo jiil war qora.

Gabagabadii Madaxa Ardayda Soomaaliyeed ee Jaamacadda KU Cali Wardheere ayaa sheegay ujeedada aay tababarkan u qabteen uu yahay guud ahaan Ardayda Soomaaliyeed ee wax ka barata jacamadaha Uganda inay bartan qaabka wax loo qoro.

Maxkamadda Ciidamada oo xukun ku riday Muuse Maxamed  Axmed

SNTV
-
0
Maxkamadda Ciidamada oo xukun ku riday Muuse Maxamed  Axmed

Muqdisho (SNTV)- Muuse Maxamed  Axmed ayaa loo heysta kamid ahaanshiyaha maleeshiyada Alshabaab iyo farsameynta agabka qarxa sida Bom F1.

Ciidamada Xoogga dalka gaar ahaan Guutada 14-ka October  ayaa ka qabtay eedeysane Muuse Maxamed  Axmed magaalada Marka bilowgii November 2019  isaga oo uga  soo safray Janaale, waxa uu watay xilligaas eedeysanaha la qabanayay Caagad lagu soo qariyay Bambo nuuca gacanta F1 oo lagu dhex qariyay raashin iyo nuuc dareeraha kamid ah oo dadka qaarkiis u yaqaanaan Subag.

Intaas kadib ayaa loo soo  wareejiyay  eedeysanaha magaalada Muqdisho, waxa ayna ciidamada xoogga dalka ku wareejiyeen ciidamada Boliiska  gaar ahaan qeybta dambi  baarista Boliiska CID.

Baaritaan dheer kadib ayay  ku wareejiyeen  Xafiiska Xeer Ilaalinta Ciidamad Qalabka Sida  dabayaaqadii  November sanadkii ina dhaafay, waxa ayna markale isku howleyn baarista kiiska eedda ka dhanka ah  Muuse Maxamed  Axmed.

15-kii February sanadkan ayuu codsaday xafiiska xeer ilaalinta mudeynta kiiska ka dhanka eedeysane Muuse Maxamed  Axmed  waxa ayna Maxkamadda  muddeysay dhageysiga eedda ka dhanka ah eedeysane Muuse Maxamed  Axmed 24 February sanadkan.

Fursadda habraaca doodda waxaa bilow u ah xafiiska xeer ilaalinta ciidamada qalabka sida, waxa ay Maxkamadda la hor yimaadeen agabkii lagu soo qabtay oo ka kooban labo BOM F1 iyo qiraalka eedeysnaha uu Maxkamadda ka hor sheegay, Gaashaanle Muumin Xuseen Cabdullaahi ku xigeenka xeer ilaaliyaha guud ee ciidamada qalabka sida ayaa u sheegay garsoorayaasha in eedeysanaha uu isticmaalay dhagar aan laga maleysan Karin isaga oo isku dhex milay raashin dareera ah iyo walxaha qarxa.

Abukaataha u doodayay eedeysanaha ayaa Maxkamadda weydiistay in loo naxariisto maadama uusan aqoon ulaheyn wax yaabaha lagu soo qabtay eedeysanaha Maxkamadda hor taagan, waxa uu sheegay in qof kale uu usoo qariyay Muuse Maxamed Axmed.

Ugu dambeyn Maxkamadda ayaa go’aan ka soo saartay waxaana lagu xukumay Muuse Maxamed  Axmed  10-sano oo  xabsi ciidan ah  sida uu u sheegay dhinacyada dacwadda Gaashaanle Sare Xasan Cali Nuur Shuute guddoomiyaha Maxkamadda Darajada Koowaad ee Ciidamada Qalabka Sida.

Xukunsanaha ayaa haysta fursad uu ku qaadan karo rafcaan xukunka kadib muddo 30-cisha ah.

Latin Brides with regards to Marriage — What You Need to know About Deliver Order Wedding brides

SNTV
-
0

Easy Latina Brides pertaining to Marriage — A A Z’s Second Asian email order brides has an individual thought, and a positive solution to her marital relationship partner. Unlike a regular Latin woman who look and feel much attached to her groom, Hard anodized cookware bridal mail order brides to be need to meet other people, and make new friends. The reason is the Asians are not simply because conscious of the complexion seeing that the Us citizens, hence for what reason the Asians often appearance pale.

More than likely, a north american bride definitely will not need the same desire for a white-colored man as a result of his bright-skinned complexion, just because a site white person in America will not be interested in a great Asian bridal mail buy brides. However an Oriental woman would want to become familiar with a white guy due to the fact that bright white men are considered to be not as much cultured likened to Asian men.

A north american bride might not want a West man since she feels that he’d not understand how to deal with her if anything happened with her. However , an Asian female also does indeed certainly not think the American gentleman can be irritated about her if this girl died or left him alone. Hence, an American bride will never care very much about getting married to an Asian man and may even prefer a Traditional western man with regards to marriage. Cookware brides usually prefer to get married to Western males, especially if they want to live in the West and make friends because part of the globe.

Brides to be for relationship from India are usually not interested in Western men because there are many Indians who are Christians. The Muslims do not consider Christian believers his or her best friend since there are many Christian believers who trust in God.

Therefore , when an American, Asian, or perhaps African man comes online and looks for brides pertaining to marriage, the mail order wedding brides are more likely to give preference to Western males. This is because they will feel that he is a more skilled man who does not trigger any trouble. within their lives.

If you are not interested in getting married to from Asia or Africa, then you will most likely find a handful of mail order brides on the net for your https://latinwomendating.com/ marriage. However , if you wish to get married to from one worth mentioning countries, you are likely to most likely end up being surprised at how hard it will be that you can find them. I used to be and I understand so many people who were.

Midowga Afrika oo shaaciyay Dalalka uu saameeyay Coronavirus

Yoonis Duraan
-
0
Midowga Afrika oo shaaciyay Dalalka uu saameeyay Coronavirus

Ururka Midowga Afrika ayaa shaaciyey tirada rasmiga ah Dalalka Afrika ee uu gaaray caabuqa Coronavirus oo ka soo billowday Dalka Shiinaha.

War-saxaafadeed kasoo baxay Ururka Midowga Afrika ayaa lagu sheegay in kiisas la xariira cudurkaasi Covid-19 laga helay Waddamada Algeria, Nigeria, Egypt, Morocco, Senegal iyo Tunusia.

Midowga Afrika ayaa sidoo kale ku baaqay in la muujiyo feejignaan dheeri ah, si looga hortago in cudurka uu u sii gudbo Dalalka kale ee Qaaradda.

Coronavirus oo hadda si weyn ugu sii fidaya Dunida ayaa waxaa u dhintay Dad badan, kuwaas oo badi ku noolaa Waddanka Shiinaha oo uu caabuqaan ka soo billowday.

Hay’ada IAEA oo eedeysay Dowladda Iiraan

Yoonis Duraan
-
0
Hay’ada IAEA oo eedeysay Dowladda Iiraan

Hay’adda Tamarta Atomigga Caalamiga ah ee IAEA ayaa Dowladda Iiraan ku eedaysay inay hareer martay sharciyada Caalamiga ah ee la xiriira xakameynta Hubka Nucliyerka.

Barnaamijka Nukliyeerka ee Iiraan ayaa la sheegay inuu si weyn u sii kobcayo isla markaana ay jiraan goobo cusub oo ay xukuumadda Tehran si qarsoodi ah ugu farsamayso barnaamijkeeda ku saabsan bacriminta macdanta Yuraaniyamka ee laga farsameeyo  Nukliyeerka.

Hay’ada IAEA, ayaa Dowladda Iiraan ku dhaleeceysay sida ay ugu guuldarreysatay inay ka jawaabto su’aalaha la xiriira howlaha Nukliyeerka, waxanay sheegtay in ay Tehtan dooneyso inaan lala socon howleheeda ku aaddan Hubka halista ah iyo qaabka ay u shaqeeyaan

1...855856857...1,655Page 856 of 1,655

© 2023 Telefishinka Qaranka Soomaaliyeed