Wararka ka imaanaya Gobolka Galguduud ayaa sheegaya in kooxda Argagixisadda ah ee Al-shabaab ka geystay Weeraro dhuumaalaysi ah iyadoo bartilmaameedsanaya Ateenooyinka shirkadaha isgaarsiinta,Baraagaha Biyaha iyo Ceel-biyoodyadda Xoolla dhaqatada uga cabaan Xoolluhu.

Wakiilka Warbaahinta Qaranka jeylaani xasan Cismaan ayaa sheegay in ay Maleeshiyadka Al-shabaab burburiyeen xarumo isgaarsiineed,ceelal biyoodyo iyo baraago ku yaalay deegaannada kala ah Cadakibir,Qaayib iyo Maarsamage oo hoos-taga Degmadda Baxdo.

Wararka ayaa sheegay in kooxdaasi ay isaga baxsadeen deegamaadi ay weerareen,waxaana maqan isgarsiinta degmada Baxdo iyo degaamada hoostaga .

Kooxda Al-shabaab ayaa caadeysatay in ay burburiyaan xarumaha muhiimka ah ee laga fuliyo adeegyada bulshada.

Weerarkan Bahalnimada ayaa muujinaya Sida argagixisaddu ugu heelan tahay in ay dabar jarto Bulshadda Deegaamadaas ku nool maadama wakhti lagu jiro xili abaareed ay bilowda duminta Ceelasha biyaha iyo kaabayaasha Nolosha Bulshadda.

Danjiraha Jamhuuriyadda Federaalka Soomaaliya ee dalka Hindiya Mudane Amb Axmed Cali Daahir ayaa kulan muhiim ah la qaatay bulshada Soomaaliyeed ee ku nool magaalada caasimada ah, New Delhi ee dalka Hindiya.
Kulanka oo ay kasoo qeybgaleen qeybaha kala duwan ee bulshada ayaa waxaa uu ujeedkiisu ahaa is xogwareysi, kala warqaadasho iyo sidii looo joogteyn lahaa wadashaqeynta bulshada iyo Safaaradda xiriir dhawna ay ka yeeshaan caqabadaha soo wajaha ee u baahan in ay Safaradddu wax ka qabato.
Xubno u hadlaayey bulshada ayaa soo jeediyay dhibaatooyinka ay la kulmaan iyo guud ahaan caqabadaha ka haysta adeegyada kala duwan ee ay uga baahdaan dowladda iyo shacabka reer Hindiya.
Danjiraha oo hadalka qaatey ayaa ugu horreyn uga warramay bulshada xaaladda dalka gaar ahaan xaaladda Safaaradda Soomaaliyeed ay ku sugan tahay iyo sida ay lagama maarmaan u tahay in la helo iskaashi bulsho oo buuxa.
Danjiraha ayaa ballan qaaday in caqabadaha qaar uu si hoose u gali doono waxna ka qaban doono sidii loo xalinlaha.
Bulshada kala duwan ee Soomaaliyeed ayaa dalka Hindiya u yimaado xaalado kala duwan sida arrimaha waxbarashada, caafimaadka iyo ganacsiga.

Ugu dambeyn kulanka danjiraha iyo bulshada Soomaaliyeed ee New Delhi ayaa ku soo idlaaday jawi Isfahan iyo wax wadaqabsi ah bulsho iyo ka Safaarad ahaan si ay ugu wada shaqeyaan hanaan dowladeed iyo is gacansiin buuxda.

Wasiirka Wasaarada Caafimaadka iyo Daryeelka Bulshada ayaa maanta booqasho ku tagay Isbitaalka guud ee Demartino.

Wasiirka ayaa kulan la qaatay Agaasimaha Isbitaalka iyo xubno ka tirsan maamulka isaga oo ka waraystay xaaladaha bukaanada Isbitaalka ku jira kana dhagaystay warbixinada adeegyada isbitaalka uu bixiyo iyo daryeelka bukaanada loogu fidiyo.

Wasiirka ayaa intaa kadib booqday qeybaha bukaan jiifka si uu ugu kuurgalo xaaladahooda Caafimaad, Wasiirka ayaa ku booriyay dhaqaatiirta iyo howlwadeenada isbitaalka sii wadidda iyo joogtaynta daryeelka dadka nugul ee u soo adeeg doonta isbitaalka Demartino.

Wasiirka Gaashaandhigga XFS Mudane Cabduqaadir Maxamed Nuur ( Jaamac) ayaa Maanta xarunta wasaaradda gashaadhigga kulan kula qaatay Ku-xigeenka Wakiilka gaarka ah ee Xoghayaha Guud ee Qaramada Midoobay, Anita Kiki Gbeho.

Wasiir Cabduqadir Maxamed Nuur iyo Anita Kiki Gbeho ayaa waxay kulankooda uga wada hadleen xoojinta wadashaqeynta Wasaaradda Gaashaandhigga iyo Qaramada Midoobay iyo sidii la iska kaashan lahaa fulinta Qorshaha hortabinta u leh Wasaaradda Gaashaandhigga.

Muqdisho, Ogoosto 30, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa xeer Madaxweyne dib ugu soo celiyey Sarreeye Guuto Cabdalla Cabdalla Maxamed, dhammaan darajooyinkii iyo xuquuqdii ciidan ee uu ku lahaa Hay’adda Sirdoonka iyo Nabad-sugidda Qaranka, si waafaqsan Qodobbada 87-aad iyo 90-aad ee Dastuurka Kumeel-gaar ah.

Madaxweyne Xasan Sheekh Maxamuud ayaa ku saleeyey Xeerkan Madaxweyne, sharciga dhismaha Hay’adda Sirdoonka iyo Nabad-sugidda Qaranka ee Lr. 14, soona baxay sanadkii 1970-kii, codsi uu soo gudbiyey Sarreeye Guuto Cabdalla Cabdalla Maxamed iyo muhiimadda ay leedahay in dib loo soo celiyo xuquuqdiisa iyo darajooyinkiisa ciidan, si waafaqsan dastuurka iyo sharciyada dalka.

“Sarreeye Guuto Cabdalla Cabdalla Maxamed, laga bilaabo maanta oo aan saxiixay xeerkan Madaxweyne, waxa uu xaq u yeelanayaa dhammaan xuquuqda ciidan ee sharcigu uu u ogolyahay, iyadoo xeerkani uu baab’inayo dhammaan wixii xeer ah oo ka horreeyey.”

Xeerkan Madaxweyne ayaa dhaqan galay, Ogoosto 30, 2022, oo ah markii lagu baahiyey faafinta rasmiga ah ee dowladda.

Kulanka Bandhigga Warbixinta Kormeerka Qaran Ee Dugsiyada Dalka oo ay ka qeyb galeen Wasiiru Dowlaha Wasaaradda Waxbarashada XFS iyo Agaasimaha Guud ee Wasaaradda Waxbarashada XFS iyo Wasiiro iyo Agaasimeyaal ka kala socday Wasaaradaha Waxbarashada heer Dowlad Goballeed iyo mas’uuliyiinta Bahda iyo Dalladaha iyo wakiilada hay’adaha Waxbarashada Gaarka loo leeyahay ayna soo agaasintay Wasaaradda Waxbarashada & Tacliinra Sare ayaa maanta lagu qabtay Muqdisho.

Wasiirka Gaadiidka iyo Duulista Hawada Xukuumadda Federaalka Soomaaliya , Xildhibaan Fardowsa Cismaan Cigaal oo u kuurgalaysa howlasha shaqo iyo adeegyada Bulshada ee ka socda, ayaa kormeertay waaxyaha qeybta Gaadiidka, halkaa oo ay warbixinno ku siiyeen Agaasime waaxeedyada iyo howlwadeennada.