Madaxweynaha Maamul goboleedka Jubaland Mudane Axmed Maxamed Islaam, ayaa hoygiisa Magaalada Muqdisho ku qaabilay Safiirka Dowlada Kenya ee Soomaaliya Danjire Lucas Tumbo.

Madaxweynaha iyo safiirka ayaa ka wada hadlay tageerada Dowlada Kenya ee Soomaaliya oo ay ciidamadeedu kamid yihiin howlgalka ATMIS ee tageerada Soomaaliya iyo iskaashiga labada bulsho.

Dowladda Kenya waxaa dalkeena ka jooga ciidamo badan oo ku howlgalo magaca ATMIS kuwaas oo deeganada jubbland kawada dagaalo culus oo ka dhan ah Argagixisada Al-shabaab.

Wasiirka Wasaaradda Caafimaadka H.E. Drs Fowziya Abiikar Nuur, ayaa maanta magaalada Nairobi ka furtay shir u dhaxeeya Wasaaradda Caafimaadka Soomaaliya iyo Bangiga Adduunka kaas oo socon doona muddo labo todobaad ah.

Ujeedada kulanka ayaa ah sidii looga wada hadli lahaa mashaariicda Caafimaadka ee uu Bankiga Aduunka ka taageerayo Soomaaliya,

Wasaaradda Caafimaadka ee Soomaaliya waxay gundhigtay dhowr mashruuc oo Bangiga Aduunku taageero kuwaas oo Caafimaadka dalka muhiim ah.

Mashaariicdan ayaa gacanweyn ka geysan doonta xoojinta Nidaamka Caafimaadka iyo bixinta adeegyada caafimaadka oo ay heli doonaan malaayiin qof oo ku nool dalka Soomaaliya.

Shirkan ayaa waxaa ka soo qeyb galay dhammaan Wasaaradaha Caafimaadka Dowladaha xubnaha ka ah Dowladda Federaalka Soomaaliya iyo Agaasinka Caafimaadka Gobolka Benadir (BRA), Qaar kamida Agaasimayaasha Wasaaradda Caafimaadka iyo koox ka socota Bangiga Adduunka.

Maamulka Dowlada Hoose Ee degmada Gaalkacyo ayaa qabtay Dibad bax balaaran Oo Lugu Taageerayay Madaxweynaha Jamuuriyadda Federaalka Somalia Mudane Xasan Sheikh Maxamuud,

Dibad baxan ayaa waxaa ka qeyb galay Gudoomiyaha Gobalka Mudug, Gudoomiye ku xigeenka Degmada Gaalkacyo ahna Kusimaha Gudoomiyaha Eng: Maxamed Cabdi Cilmi , xildhibaano ka tirsan golaha deegaan Odayasha dhaqanka, Ururada Haweenka iyo Dhalinyarada,Maamulada xaafadaha iyo qeybaha kala duwan ee bulshada,

Dhamaan kasoo qeyb galayaasha dibada baxa oo ay Masuuliyiintu ugu horeeyaan ayaa si diiran usoo dhaweeyay Madaxweyne Xasan shiikh oo soomaaliya hogaamin doona afarta sano ee soo socota.

Maareeyaha Garoonka Diyaradaha Muqdisho Cabdinasir Maxamud gurey ayaa sheegay in dhamaan la lafasaxay Dulimaadka iyo dagitaanka Diyaaradaha ee Garoonka Aden cade international Airport Ee Muqdisho .

Mareeyaha garoonka ayaa sheegay maxaa yeeelay way dhamaatay Doorashadii awalba loo hakiyey iyo bandowgii muqdisho shalay saarnaa.

Waxa si caadiya u socota shaqada Iyo Dulimaadyada Garoonka Aden cade international Airport Maanta oo isniin ah.

Dowladda Ingiriiska ayaa hambalyo u dirtay mudane Xasan Shiikh Maxamuud oo mar kale loo doortay madaxweynaha Soomaaliya.

“Hambalyo Xasan Shiikh Maxamuud oo mar kale loo doortay madaxweynaha Soomaaliya” ayay tiri wasiirka arrimaha Afrika u qaabilsan dowladda UK Vicky Ford.

Dowladda Ingiriiska ayaa sheegtay in ay sii wadi doonto taageeridda xasiloonida Soomaaliya gaar ahaanna la-dagaallanka Al-shabaab.

“UK waxay rajeyneyaa inay sii waddo shaqada wada shaqeynta dhow ee ay Soomaalida uga taageereyso dhismaha xasilloonida iyo la dagaallanka Al-shabaab” ayay tiri wasiir Vicky Ford.

Waxaa Xaafada ay Soomaalidu ku badantahay ee islii ee Magaalaada Nairobi  ee dalka Kenya ka dhacay banaanbaxyo lagu soo dhaweynayey Madaxweynaha cusub ee Somaliya Hassan Sheikh Maxamuud oo Ku Guuleystay Doorashadii Ka Dhacday xalay  Magaalada Muqdisho.

Banaanbaxan ayaa waxa dhigayey  Bulshada Soomaaliyeed ee ku nool Xaafada islii ee Magaalada Nairobi .

Dadka Banaanbaxa dhigayey ayaa u badnaa Dhalinyaro waxayna socod ku mareen wadooyinka waa weyn ee ku yaal Xaafada Islii waxayna banaanbaxayasha ay ku qeylinayeen Erayo ay ku taageerayaan Madaxweynaha Cusub ee Soomaliya Xassan Sheikh Maxamuud.