Wasiirka wasaaradda dhallinyarada iyo cayaaraha XFS Mudane Xil Maxamed Barre Maxamuud ayaa xilkii u kala wareejiyay ku simihii agaasimaha guud ee Wasaaradda ahna agaasimaha waaxda maamulka iyo Maaliyadda wasaaradda Maxamed Amiin Maxamed iyo agaasimaha guud ee dhowaan la magacaabay Mudane Cabdiraxiim Warsame.

Munaasabadda xil-wareejinta waxaa goob joog ka ahaa wasiir ku xigeenka wasaaradda Marwo Fahmo Axmed Nuur, agaasimeyaasha waaxyaha wasaaradda, hawlwadeenada wasaaradda iyo marti sharaf kale oo ka kala socda laamaha dowladda iyo ururrada dhallinyarada Soomaaliyeed.

Wasiir Maxamed Barre Maxamuud oo hadalo kooban ka jeediyay munaasabadda xil-wareejinta ayaa u mahad-celiyay agaasimihii guud ee hore shaqadii uu wasaaradda ka soo qabtay intuu joogay, wuxuuna kula dardaarmay agaasimaha guud ee cusub inuu dardargeliyo shaqada hor-tebinta u leh wasaaradda isagoo kula dardaarmay agaasime waaxeedyada wasaaradda inay la shaqeeyaan agaasimaha cusub gacanna ka siiyaan inuu shaqadiisa guto.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo uu wehliyo Madaxweynaha Dowladd Goboleedka  Hirshabeelle Mudane Cali Guudlaawe Xuseen ayaa maanta Si wada jir ah  xariga uga  jaray cusbitaalka cusub ee Sheekh Axmed Gabyoow oo laga hirgaliyay Degmada Cadale ee Gobolka Shabeellaha Dhexe.

In ka badan 100 xubnood oo isugu jira horjoogayaal iyo maleeshiyaad ka tirsanaa Khawaarijta Al-Shabaab ayaa lagu dilay, tiro kalena waa lagu dhaawacay howlgal qorshaysan oo ay iska kaashadeen ciidanka xoogga dalka, NISA iyo saaxiibada caalamiga ah, kaas oo ka dhacay degaanka Ceeldheere ee gobolka Shabeellada Dhexe.

Munaasabad ballaaran oo maanta ka dhacday xarunta Aqalka hoose Ee Maamulka dowladda hoose ee xamar uuna soo agaasimay guddoomiyaha gobolka Banaadir ahna duqa Magaalada Muqdisho Yuusuf Xuseen Jimcaale Madaale ayaa xilalkii loogu kala wareejiyay Guddoomiye ku-Xigeennada Cusub iyo kuwii Hore iyo Xog’hayaha guud ee Maamulka Gobolka Banaadir,

Maxkamadda Ciidamada Qalabka sida ee Maamulka Jubbaland ayaa maanta xukun dil toogasho ah ku fulisay labo Askari oo horay dilal kala duwan uga gaystay magaalada Kismaayo.

Munaasabadda lagu Daah-furayo Dhismaha Golaha Deegaanka Degmada Guriceel ee Gobolka Galgaduud  ayaa xalay lagu qabtay Magaaladas.

Ciidanka Hay’ada Nabad Sugida Iyo Sirdoonka Koonfur Galbeed Soomaaliya ayaa xalay Howgal ka sameeyey xaafadaha Magaalada Baydhabo.

Xaafadaha Ciidanka howgalka ka sameeyeen ayaa kala ah Isha, Bardaale, Horseed,Holwadaag iyo laamahooda kala duwana xaafadahaas.

Howlgalka Oo ahaa mid lagu sugaayey amniga guud Ee Xaafadaha Magaalada Baydhabo ayaa lagu soo qabqabtay dhalinyaro farabadana kuwaas Oo ciidanka ay ku wadaan baaritaano.

Nabad sugida Koonfur Galbeed ayaa kordhisey howlgalada ay ka fuliso guud ahaan Deegaanada Koonfur Galbeed.

Muqdisho, Nofeembar 19, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kormeer ugu amba-baxay qaar ka mid ah deegannada ay ka socdaan howlgallada ka dhanka ah argagixisada Khawaarijta Alshabaab.