Guddiga Farsamada ee Shirka Dib u Heshiisiinta Koonfur Galbeed  oo uu hogaaminayo Guddoomiyaha Guddiga Mudane Yuusuf Wadani iyo guddiga odayaasha dhaqanka ayaa maanta waxay kormeereen dhammaan goobihii iyo guryihii wax yeelada kasoo gaartey 23-kii December weerarkii ka dhacay hoygii u kireysnaa Wasiirkii Hore ee Maaliyadda Xukuumadda Federaalka Soomaaliya Mudane Maxamed Aadan Farkeeti.

Guddiga oo gudanaya waajibaadkiisa ku aaddan odoroska dhacadadii ayaa waxa ay  booqdeen dhaawacyadii ku wax yeeloobay shaqaaqadii ka  dhacday guriga oo meelo kala duwan yaaalaan iyo ispitaalka guud ee Gobolka Bay, u jeedada booqashooyinka oo aheyd in ay qiimeeyn ballaaran ku sameeyaan khasaarihii isugu jira dhimashada dhaawaca iyo bur burka hantida shacabka si xal loogu gaaro.

Sidoo kale kormeerka waxaa ku wehliyey Guddiga Odyaasha Dhaqanka ee loo xilsaaray qiimeynta qasaarihii ka dhashay shaqaaqadii.

Maanta ayaa koox ka tirsan maleeshiyaadka Khawaarijta ah waxay soo weerareen Xarunta Maamulka Gobalka Banaadir

Ciidamada amniga oo ahaa kuwa aad u feejigan ayaa goobtaas ka fuliyay hawlgal labo qaybood ah, qaybta hore oo ahayd badbaadinta masuuliyiinta iyo muwaadiniinta ku sugnayd goobta ayay ciidamadu fuliyeen sidii ay qorsheeyeen iyaga oo ku guulaystay in ay ka soo saaraan halkaas iyaga oo bad qaba.

Qaybta labaad ee hawlgalka ciidamada oo ahaa in la soo afjaro maleeshiyaadkii Khawaarijta ahaa ayay isna ciidamadu soo gabagabeeyeen iyaga oo toogtay Kooxdii Khawaarijta ahayd oo ka koobnaa 6 dhagarqabe.

Weerarka Khawaarijta  waxaa ku shahiiday 5 ruux oo shacab ah, afar kalena way ku dhaawacmeen.

Maleeshiyaadka Khawaarijta ahaa ee goobta yimid ayaa ahaa kuwa lugaynaya iskuna ekaysiiyay Ciidamada Qaranka si ay halkaas usoo gaaraan.

Dowladdu waxay u tacsiyaynaysaa muwaadiniinta halkaas ku shahiiday iyada oo Allah uga baryaysa caafimaad deg deg ah kuwa dhaawacmay.

Falalkan waxashmimada ah ee ay geysanayaan Khawaarijtu waxay dowladda iyo dadka Soomaaliyeed u caddeyneysaa sida ay lagama maarmaan u tahay in Khawaarijta laga suuliyo gebi ahaanba geyiga Soomaaliyeed, iyadoo uu dalka ka socdo dagaalka looga xoreynayo kooxda Khawaarijta.

Guddiga Arrimaha gudaha iyo Amniga golaha Shacabka ayaa kulan isla xisaabtan ah la qaatay Masuuliyiinta Wasaaradda Amniga dalka.

Guddiga Warfaafinta, Wacyi gelinta, Dhaqanka, Boostada iyo Isgaarsiinta ee Golaha Shacabka Baarlamaanka Jamhuuriyadda Federaalka Soomaaliya ayaa maanta kulan la yeeshay madaxda Wasaaradda Warfaafinta, dhaqanka iyo dalxiiska ee Xukuumadda Soomaaliya.

Madaxda Hay’adda Maareynta Musiibooyinka Qaranka ayaa kulan la qaatay Masuuliyiin ka socday Hay’adda IHH ee dalka Turkiga.

Madaxweynaha  Puntland Mudane Saciid Cabdullaahi Deni ayaa kormeer indha indheyn ah ku tagay Wasaaradda Dekedaha iyo Gaadiidka Badda ee magaalada Boosaaso, Dekedda iyo xarunta  Suuqa Kalluunka Magaalaadaasi.

Wasiirka Wasaaradda Beeraha iyo Waraabka DFS Md. Ahmed Madobe Nunow ayaa ka qeyb galey Shirka Madasha Caalamiga ee Cunnada iyo Beeraha (Global Forum for Food &  Agriculture) oo ay isugu yimaadeen 70 wasiir iyo in ka badan 2000 oo wafuud oo ka kala socdey hay’adaha, deeq-bixiyaasha iyo daneeyayashaasha arimaha waxsoo saarka beeraha.